သဘာဝဆေးဖက်ဝင် အာဟာရပြည့် အလှအပသုံး ဒန့်သလွန်တပင်လုံးအသုံးဝင်ပုံ
ဒန့်သလွန်ပင်ဟာ အကြီးမြန်တဲ့ပြင် မိုးခေါင်ရေရှားဒဏ်ကိုပါ ခံနိုင်ပါတယ်။
အရှေ့တောင်အာရှ၊ ဖိလစ်ပိုင်ကျွန်း၊ အာဖရိကတိုက်၊ တောင်အမေရိကတိုက်တို့မှာ အနှံ့အပြားပေါက်တယ်။
ဒန့်သလွန် အရွက်နဲ့ တုတ်ချောင်းပုံအသီးတွေကို အစေ့ပါချက်စားကြတယ်။
အရွက်က ဗီတာမင် ဓာတ်သတ္တုနဲ့ ပရိုတင်းတွေပါလို့ အသားနေရာကို ပဲ၊မြေပဲလို လုံးဝအစားထိုးစားသုံးနိုင်ပါတယ်။
နွားနို့ထက် အဆီ၂ဆ၊ ငှက်ပျောသီးထက် ပိုတက်ဆီယမ်၃ဆ၊
ဥနီထက် ဗီတာမင်အေ ၄ဆ၊ လိမ္မော်သီးထက် ဗီတာမင်၇ဆ ပိုပြီးပါဝင်တယ်။
၂၀၀၇ထိုင်းမှာလုပ်ခဲ့တဲ့လေ့လာမူ့တွေအရဆိုရင် ဒန့်သလွန်သီးတွေဟာ သွေးထဲကအဆီတွေကျဆင်းစေနိုင်တဲ့ အန်တိုင်အောက်ဆီဒင့်တွေ အများပြားပါဝင်နေပါတယ်။
အရွက်ကနေအဆီထုတ်ယူလို့ရသလို အစေ့ကနေလည်း အဆီနှစ်ထုတ်ယူလို့ရပြန်ပါတယ်။
အဲဒီအဆီနှစ်တွေကို အသားရေ ခြောက်သွေ့ခြင်းနဲ့ အရေပြားပျက်စီးနေတာတွေကို ကောင်းကောင်းကုစားနိုင်ပြီး
အသားရေ စိုပြေဖို့ ပြန်လည်ရှင်သန်ဖို့ အယောင်ကျစေဖို့ နဲ့ ပိုးမွားရန်ကာကွယ်ဖို့ တချိန်တည်းအသုံးပြုနိုင်ပါသေးတယ်။
ဒါ့အပြင် ဆံပင်နဲ့ဦးရေပြားကိုလည်း ကာကွယ်ကုသပေးနိုင်ပါသေးတယ်။
အာဖရိကတိုက်မှာတော့ ဒန့်သလွန်ဆီကို စားသုံးတဲ့အပြင် အလှကုန်ထဲမှာလည်း ထဲ့သွင်းအသုံးချကြပါတယ်။
အရွက်တွေမှာပါဝင်တဲ့ အာဟာရဓာတ်တွေကြောင့် ဆီနီဂေါ နဲ့ အိန္ဒိယမှာ အာဟာရချို့တဲ့မူ့တိုက်ဖျက်ရေးမှာ အသုံးဝင်ခဲ့ပါတယ်။
အရွက်တွေကို ပေါင်ဒါအမှုန့်ပြုလုပ်ပြီး ချက်ပြုတ်စားသောက်စေခဲ့တယ်။
ဆီနီဂေါ နဲ့ အိန္ဒိယ မှတ်တမ်းများအရ ကလေးငယ်တွေရဲ့ ဗီတာမင်အေ နဲ့ ပရိုတင်း ချို့တဲ့မူ့ကို ထိထိမိမိ ဖြည့်စွမ်းပေးသွားတာတွေ့ရှိခဲ့ပါတယ်။
ဆီးချိုအမျိုးစား၂သမားတွေ နှလုံးသွေးကြောပိတ်တာကာကွယ်ဖို့၊ သွေးတွင်းအဆီကျစေဖို့၊ ဒန့်သလွန်အရွက်ကို စားသုံးနိုင်ပါတယ်။
အရွက်တွေကိုပြော့ပြောင်းအောင်အပူအနည်းငယ်ပြပြီး အဖျားရောဂါကို ကုသနိုင်ပါသေးတယ်။
ကြွက်သားကိုက်ခဲတာ အဆစ်မြစ်နာကျင်တာတွေလည်း သက်သာစေနိုင်ပါသေးတယ်။
အဆုပ်ရောင်ရောဂါ၊ မိုင်ဂရိန်းခေါင်းတခြမ်းကိုက်ရောဂါနဲ့ မျက်နှာကြွက်သားကိုက်ခဲနာကျင်မူ့တွေကို လျှော့ပါးအောင်လည်း ခြေမွထားတဲ့အရွက်ကို လိမ်းဆေးအနေနဲ့လူးပေးလို့ရပါတယ်။
ဒန့်သလွန်အသုံးဝင်ပုံကို မြန်မာဆေးကျမ်းတွေမှာလည်း အောက်ပါတိုင်းဖော်ပြထားပါတယ်။
ဒန့်သလွန်သီး...
၁။ဒန့်သလွန်သီး ကို ဟင်းချက် ကျွေးက ကလေး များ သန်ကောင်၊ တုတ်ကောင် ကင်းရှင်း စေ၏။
၂။ အသီး ကို အမှုန့် ပြု သကြားနှင့် ရောသောက်သော် ဆီးများခြင်း ပျောက်၏။
ဒန့်သလွန်ရွက်...
၁။ ဒန့်သလွန်ရွက်၊ ကြက်သွန်ဖြူ၊ ပတဲ ကောမြစ်၊ မိဿလင် ဟင်းခါး ချက်သောက် သော် ရာသီထိမ် ခြင်း ပျောက်၏။
၂။ ဒန့်သလွန် ရွက်ကို ၃ ခွက် တစ်ခွက်တင် ဟင်းချို အဖြစ် ပြုတ်သောက်သော် သွေးတိုး ကျ၏။
ဒန့်သလွန်အမြစ်...
၁။ ဒန့်သလွန် မြစ်ကို ထုထောင်း ကြိတ်ခြေ၍ အရည်ကို ညှစ်ကာ စားပွဲဇွန်း နှင့် တစ်ဇွန်း ခန့် သောက်က အသံဝင် အသံကပ် လည်ချောင်းနာ ပျောက်၏။
၂။ ဒန့်သလွန် မြစ်နှင့် မုန်ညင်းစေ့ အမျှ ပေါင်းစပ်၍ ရောကြိတ်ပြီး ရေတွင် ၂ နာရီ ကျော်မျှ စိမ်ကာ တစ်ခါသောက် စားပွဲဇွန်း တစ်ဇွန်း တစ်နေ့ ၃ ကြိမ်သောက် က အစာ မကြေ ဝမ်းဖော ဝမ်းရောင် ပျောက်၏။
၃။ ဒန့်သလွန် မြစ်ကို သုံးခွက် တစ်ခွက်တင် ကျို၍ စားပွဲဇွန်း တစ်ဇွန်း မှန်မှန် သောက်သော် ဝမ်းတွင်း သက်တန့် ပျောက်၏။
၄။ ပန်းနာ ရောဂါ အတွက် ဒန့်သလွန် မြစ်ကို ကြိတ်၍ ရသော အရည်ကို ချင်းရေနှင့် ရောသောက် ရ၏။
၅။ ဒန့်သလွန် မြစ်မှုန့်နှင့် ပရန္နဝါ မြစ်မှုန့် ဆတူကို အုန်းနို့ ပျားရည် တို့နှင့် ရောစပ် ချက်ပြီး နံနက် ည တစ်ဇွန်း စီ သောက်သော် အားအင် ပြည့်ဖြိုး ခွန်အား တိုး၍ အသက် ရှည်စေ၏။
၆။ အမြစ် ကိုကြိတ်၍ စည်းပေးသော် ရောင်တင်းခြင်း ပျောက်၏။ အမြစ် ကြိတ်ညှစ် ရည်ကို နို့နှင့် ရောသောက်သော် ဆီးချို ရောဂါ ပျောက်၏။
ဒန့်သလွန်အစေ့...
၁။ အစေ့ သည် အဆိပ် သင့်ခြင်းနှင့် ခေါင်းကိုက် ရောဂါ ဖြစ်ခြင်း ကို ပျောက်ကင်းစေ တတ်၏။ အစေ့ ကို အမှုန့် ပြု၍ နား၌ ထည့်ပေးသော် နားကိုက်ခြင်း၊ နားပြည်ယို ခြင်း ပျောက်၏။
၂။ အစေ့ဆီကို အနာပေါက် နှင့် ယားနာ အမျိုးမျိုး တို့၌ သုံး၏။
ဒန့်သလွန်အစေး...
၁။ အစေးကို ပါးစပ်၌ ငုံပေး သော် သွားပုပ်ခြင်း ပျောက်၏။
ဒန့်သလွန်အပွင့်...
၁။အပွင့်ကို ဖောရောင် ခြင်း၊ အဖျဉ်း ကြီးခြင်း နှင့် အကြော ရောဂါ ၊ သက်တန့် ရောဂါ၊သလိပ် ရောဂါ၊ လေဖောက် ပြန်သော ရောဂါ များအတွက် ဆေးဖော်စပ် သုံးရ၏။
ဒန့်သလွန်အခေါက်...
၁။လတ်ဆတ် သော အခေါက်ရည် ကို နား၌ ထည့်ပေး သော် နား နာကျင် ကိုက်ခဲခြင်း၊ နား ပြည်ယို ခြင်း များကို ပျောက်ကင်း စေတတ်၏။
သဘာဝဆေးဖက်ဝင် အာဟာရပြည့် အလှအပသုံး ဒန့်သလွန်တပင်လုံး အသုံးဝင်တာသိရှိပြီးတဲ့
စာဖတ်သူတို့ အခွင့်ရေးရရင် ဒန့်သလွန်ပင်ကို စိုက်ကြရအောင်လားဗျာ။
Posted by စိတ်ကူးပျော်ရာ