ကျန်းမာရေးအတွက် အကျိုးပြုစေသော ဖရဲသီး နှင့် အလှတရားကို ဖန်တီးပေးနိုင်သော ဖရဲသီး

ဖရဲသီးဟာရာသီပေါ်အသီးအနှံဖြစ်ပြီး မြန်မာပြည်သူပြည်သားတွေအများဆုံးစားသုံးကြတဲ့သွားရည်စာတစ်မျိုး

ဖြစ်ပါတယ်။မာတ်တွိန်းကတောင်ဖရဲသီးကိုစားတဲ့သူဟာနတ်သားတွေဘာစားတယ်ဆိုတာသိလာလိမ့်မယ်ဆို

ပြီး ဖရဲသီးဂုဏ်ကိုချီးမြောက်ခဲ့ပါတယ်။ဖရဲသီးဟာနတ်သားတွေစားသုံးတဲ့သစ်သီးဖြစ်ရုံမက

နတ်သမီးလေးဖြစ်အောင်ပါ ဘယ်လိုစားသုံးသင့်တယ်ဆိုတဲ့အကြောင်းဖော်ပြလိုက်ပါတယ်။

မှတ်ဉာဏ်ကောင်းစေတယ်

မြင်းခွာရွတ်မှမှတ်ဉာဏ်ကောင်းတာမဟုတ်ဘူးနော်။ဖရဲသီးဟာလည်းလူကိုမှတ်ဉာဏ်ကောင်းစေတယ်။ဖရဲသီး

အစေ့ကိုအခွံခွာပြီးလေးငါးလုံးလောက်မနက်ဘာမှမစားရသေးခင်စားပေးပါ။ ကျောင်းသူကျောင်းသားတွေစား

သုံးသင့်ပါတယ်။ မှတ်ဉာဏ်ကောင်းစေပါတယ်။ ဖရဲသီးအစေ့မှာပရိုတင်း၊အက်မီနိုအက်ဆစ်၊ဗီတာမင်ဘီ၊သံ

ဓာတ်၊ ဇင့်ဓာတ်နဲ့တခြားဓာတ်တွေပါဝင်ပါတယ်။ ဒါ့အပြင်ညဘက်အိပ်မပျော်ခြင်း၊လွယ်ကူစွာ အိပ်မရခြင်း၊ခဏခဏသတိမေ့လျော့ခြင်းများအတွက်ဖရဲသီးဟာအကောင်းဆုံးမှတ်ဉာဏ်တိုးဆေးပဲဖြစ်ပါ တယ်။

ဝမ်းချုပ်တာကာကွယ်

ဖရဲသီးကို နေ့လည်စာနဲ့ညစာစားပြီးအချိန် စားသုံးပေးရင်ဝမ်းချုပ်ခြင်းမှကာကွယ်ပေးပါတယ်။ ဖျားနေရင်ဖရဲသီးကိုဒီအတိုင်းသော်လည်းကောင်း၊အရည်သော်လည်းကောင်း၊သောက်သုံးပေးပါ။ 

ချောင်းခြောက်ဆိုးနေရင်ဆားခပ်ပြီးသောက်ပေးပါ။

ခေါင်းကိုက်၊ကျောက်ကပ်

ခေါင်းကိုက်နေရင်ဖရဲသီး ဖျော်ရည်ကိုမနက်ပိုင်းဘာမှမစားရသေးခင် သောက်ပေးပါ၊

သကြားတစ်ဇွန်း(လက်ဖက်ရည်ဇွန်း)နဲ့ ခပ်ပြီးသောက်ပေးပါ၊ ဖရဲသီးကို အရည်ပဲဖြစ်ဖြစ်၊ ဒီအတိုင်းပဲဖြစ်ဖြစ်စားသုံးပေးပါကကျောက်ကို သန့်စင်စေပါတယ်၊ ဂျိုးတွေကျစေပါတယ်၊ ကွမ်းစားလို့ကျောက်ကပ်မှာ ထုံးတွေတည်နေတာတွေကျစေပါတယ်။

သွေးတိုးအတွက်

သွေးတိုးသမားတွေအတွက်ဖရဲသီးအစေ့ကိုဖျော်ရည်လုပ်ပြီး သောက်ပေးရပါတယ်။ ဖရဲသီးအစေ့ကိုနေလှန်းပြီးတစ်ရက်ထားပါ၊ ပြီးရင်လက်ဖက်ရည်ဇွန်း (၂)ဇွန်းစာ အစေ့ကိုယူပြီး ရေနွေးနဲ့တစ်နာလောက်ပြုတ်ပေးပါ၊သုံးပုံတစ်ပုံကျန်မှ အရည်နဲ့စစ်ပြီး အဲဒီ့အရည်ကိုမနက်တိုင်း ဘာအစာမှမစားရသေးခင်သောက်သုံးပေးရပါတယ်။

ကျန်တဲ့တဲ့ နေ့ခင်းဘက်အချိန်တွေသောက်ရင်လည်းရပါတယ်။ မနက်ပိုင်း ဘာအစာမှမစားရသေးခင်သောက်တာဟာ

အကောင်းဆုံးအကျိုးသက်ရောက်မှုရှိစေပါတယ်။

ဖရဲသီး Diet လုပ်နည်း

ဖရဲသီးဟာ ဝိတ်ကျစေတဲ့သစ်သီးတစ်မျိုးဖြစ်ပါတယ်။ ဖရဲသီးတစ်ခွက်မှာ ကယ်လိုရီ ၄၆ ရှိပါတယ်။ဖရဲသီးဖျော်ရည်ကိုများများသောက်ပြီး ရေများများသောက်ပေးရင် သိသိသာသာဝိတ်ကျလာစေပါတယ်။ တခြားဘေးထွက်

ဆိုးကျိုးမရှိတဲ့အတွက် စိတ်ချလက်ချစားသုံးနိုင်ပါတယ်။ ဖရီသီးကိုဘယ်လောက်စားသုံးပေးရမလဲဆိုတော့ကိုယ်

ဘယ်လောက်ဝိတ်ကျမြန်မြန်ချချင်တယ်ဆိုတဲ့အပေါ်မှာမှုတည်ပါတယ်။ သာမန်အားဖြင့်တော့ ကယ်လိုရီ ၁၅၀စားသုံးပေးရမှာဖြစ်ပါတယ်။ ဖရီသီးကိုမနက်စာမစားခင်အချိန်၊ နေ့လယ်စာ မစားခင်တစ်ခွက်နဲ့ ညနေစာမစားခင်တစ်ခွက် သောက်ပေးပါ။ သွားရည်စာအဖြစ်လည်း စားသုံးပေးပါ။

ဖရီသီးထဲမှာပါတဲ့သကြားဓာတ်ဟာဘေးဘယာမဖြစ်စေရပါဘူး

ဖရဲသီးနဲ့မျက်နှာပေါင်းတင်မယ်

ဖရဲသီးကိုညှစ်ပြီးအဖတ်ကိုမျက်နှာနဲ့လည်ပင်းနေရာတွေကို လိမ်းပေးပါ။ ၁၅ မိနစ်လောက်ထားပြီး မျက်နှာကိုပြန်ဆေးပေးပါ။ ဒါက ရိုးရိုးနည်းဖြစ်ပါတယ်။ မျက်နှာမှာ နေလောင်ဒဏ်တွေ၊ နေပူထဲခဏခဏသွားရလို့

မျက်နှာမည်းညစ်နေတဲ့သူဆိုရင်တော့ဖရဲသီးနဲ့ သခွားသီးကိုအချိုးကျညှစ်ပြီးအဖတ်နဲ့လိမ်းပေးရမှာဖြစ်ပါတယ်။

မိနစ် ၂၀ လောက်ထားပြီးမှ ရေနဲ့ပြန်ဆေးပေးပါ။ သာမန်အသားအရေအတွက်ဖရဲသီးပေါင်းတင်နည်းဟာ အရေပြားကိုနှုးညံ့ရွန်းစိုလာစေပြီး နေလောင်ဒဏ်အသားအရေများအတွက်မည်းညစ်နေတာတွေပျောက် ကင်းပြီးရှင်းသန့်လာစေပါတယ်။

နွေဦးအစားအစာ

ပူအိုက်တဲ့ရာသီမှာစားသုံးသင့်တဲ့အသီးတစ်မျိုးပါပဲ၊ဘာဖြစ်လို့လဲဆိုတော့ဖရဲသီးမှာရေဓာတ်အများကြီးပါပါတယ်။

၉၂ ရာခိုင်နှန်းပါဝင်ပါတယ်။ ရေကိုဒီအတိုင်းကြီးသောက်တာထက်ဖရဲသီးကိုစားပေးတာဟာ အရသာ

လည်းရှိ၊ ရေငတ်လည်းပြေပါတယ်။ ကိုယ်အတွင်းအဆိပ်ဖြစ်စေမယ့်အရာတွေကိုရှင်းပေးပါတယ်။

သိသင့်သိထိုက်သောအကြောင်းလေးတွေမို့အားလုံးဗဟုသုတရအောင်တင်ပြလိုက်ပါသည်။

ကျန်းမာရွင်လန်းကြပါစေ။

ဖရဲသီး၏အကျိုးကျေးဇူးများ အလှတရားကို ဖန်တီးပေးနိုင်သော ရာသီစာ ဖရဲသီး

ဖရဲသီးဟာ နွေရာသီအတွက် ရာသီစာ သီးနှံတစ်မျိုးပါ။ အရည်ရွှမ်းတဲ့ အသားအနှစ်တွေကြောင့်

ပူအိုက်တဲ့ နွေရာသီမှာ ရင်ကိုအေးမြစေပြီး ရေငတ်ပြေစေပါတယ်။ အမျိုးသားတွေအတွက်

အမျိုးသားရောဂါတွေ ဖြစ်တဲ့ ဆီးကျိတ်ကင်ဆာနဲ့ ပန်းသေပန်းညှိုးတဲ့ရောဂါ တွေကနေ ကာကွယ်ပေးနိုင်ပြီး

အမျိုးသမီးတွေ အတွက်ကတော့ အလှတရားကို ဖန်ဆင်းပေးနိုင်တဲ့ သစ်သီးလို့ ဆိုနိုင်ပါလိမ့်မယ်။

အလှအပစွမ်းအင် ဖရဲသီးဟာအရေပြားကို အစိုဓာတ် ထိန်းသိမ်းပေးနိုင်တဲ့ သဘာဝ Moisturizer ဖြစ်တာကြောင့်အသားအရေ အေးမြပြီး ကြည်လင် လန်းဆန်းစေပါတယ်။ ဖရဲသီးမှာ အမိုင်နိုအက်စစ်ဓာတ် တစ်မျိုးဖြစ်တဲ့Citrulline ပါဝင်တာကြောင့် အရေပြားမှာ ဒဏ်ရာဖြစ်တာကို အမြန်ဆုံးသက်သာစေပြီးဆဲလ်အသစ် ဖြစ်ပေါ်စေတာကြောင့် သင့်အသားအရေကို နုပျိုစေပါတယ်။ ဖရဲသီးမှာပါဝင်တဲ့ ဘီတာကယ်ရိုတင်းကနေရောင်ခြည်ကြောင့် အသားအရေပျက်စီးတာကို ကာကွယ်ပေးနိုင်တာကြောင့်နွေရာသီမှာ နေလောင်တာကို ကာကွယ်ဖို့ ဖရဲသီးကို စားပေးရပါမယ်။

ဖရဲသီးရဲ့ ဗီတာမင်အေ၊ ဗီတာမင်ဘီနဲ့ ဗီတာမင်စီတွေက အရေပြားပေါ်မှာရှိတဲ့

အမည်းစက်တွေကို လျော့နည်းစေပြီး အသားအရေကို ဖြူဝင်းစေပါတယ်။

ဖရဲသီးတိုနာပြုလုပ်နည်းများ

(၁)ဖရဲသီးအရည် ထမင်းစားဇွန်း ၂-၃ ဇွန်း၊ ဘရန်ဒီဝီစကီ ထမင်းစားဇွန်း တစ်ဇွန်း၊

ဆေးဖက်ဝင် သစ်ခေါက်ရည် ထမင်စားဇွန်း နှစ်ဇွန်း၊ ရေသန့်ထမင်းစားဇွန်း နှစ်ဇွန်း၊ အားလုံးကို စုပေါင်းပြီးမွှေပါ။မျက်နှာကို အရင်ဆုံးသန့်စင်ထားပါ။ အဲဒီနောက် ရလာတဲ့ ဖရဲသီးတိုနာကို ဂွမ်းစနဲ့ တို့ယူပြီး မျက်နှာပေါ်ညင်သာစွာ ပွတ်လိမ်းပေးပါ။ မိနစ်အနည်းငယ်လောက်ထားပြီး ကြက်သီးနွေးရေနဲ့ မျက်နှာသစ်ပေးပါ။ 

(၂)ဖရဲသီး Toner ရဲ့ ပါဝင်ပစ္စည်းတွေ အားလုံးကို စုဖို့ အခက်အခဲရှိတယ်ဆိုရင်တော့

ဆေးဖက်ဝင်သစ်ခေါက်ရည်လက်ဖက်ရည်ဇွန်း နှစ်ဇွန်းနဲ့ ရေသန့်အနည်းငယ်ရှိရုံနဲ့လည်း ပြုလုပ်နိုင်ပါတယ်။

ဖရဲသီးစိတ်လေးတွေကို အစေ့မဖယ်ဘဲ မွှေစက်ထဲမှာ သစ်ခေါက်ရည်နဲ့ ရေရောပြီးမွှေပါ။

ဖရဲစေ့မှာ Omega-6 နဲ့ Omega-9 မရှိမဖြစ် အဆီဓာတ်တွေပါဝင်ပြီး အဲဒီအဆီဓာတ်တွေက

အရေပြားရဲ့အတွင်းပိုင်းထိ အလွယ်တကူ ထိုးဖောက် ဝင်ရောက်နိုင်ပါတယ်။

(၃)သင့်မျက်နှာက အဆီပြန်တတ်ရင်တော့ ဖရဲသီးအရည်အနည်းငယ်၊

ဘရန်ဒီဝီစကီနဲ့ ရေ ထမင်းစားဇွန်း နှစ်ဇွန်းစီ ထည့်မွှေပြီး မျက်နှာပေါ် သုတ်လိမ်းပေးပါ။

မျက်နှာပေါ်က အဆီတွေကို ဖယ်ရှားပေးပါတယ်။

(၄)ဖရဲသီးအရည်တစ်မျိုးတည်းကို မျက်နှာပေါ် တိုက်ရိုက် သုတ်လိမ်းနိုင်ပါသေးတယ်။

ဖရဲသီးအရည်ကို ဂွမ်းစနဲ့ မျက်နှာပေါ်မှာ သုတ်လိမ်းပြီး ခြောက်အောင် ခဏထားပါ။ ပြီးနောက် မျက်နှာသစ်ပါ။

(၅)ဖရဲသီးအရည်ကို သံပရာရည် အနည်းငယ်နဲ့ရောပြီးလည်း မျက်နှာပေါ် ဂွမ်းစ အသုံးပြုကာ သုတ်လိမ်းနိုင်ပါတယ်။

ခဏထားပြီး ခြောက်သွားပါက သင်လက်ခံနိုင်ရုံ ရေနွေးနွေးနဲ့ ဆေးကြောပေးပါ။

(၆)ဖရဲသီးအတွင်းသားကို ကြိတ်ခြေပြီးရလာတဲ့ အဖတ်တွေကို သင့်မျက်နှာနဲ့ လည်ပင်းတစ်လျှောက် ကပ်ပေးပါ။၁၅ မိနစ်လောက်ထားပြီး မျက်နှာသန့်စင်ပေးပါ။ သင့်အသားအရေကို အေးမြစေကာ၊ ကြည်လင်သန့်ရှင်းစေပြီးအရွယ်တင် နုပျိုစေပါတယ်။

(၇)သင့်မျက်နှာမှာ နေလောင်ဒဏ်ရာတွေပါ ရှိနေရင်တော့ ဖရဲသီးအတွင်းသားနဲ့

သခွားသီးအတွင်းသားတွေကိုဆတူရောပြီး ကြိတ်ခြေပါ။ ရလာတဲ့ အရောအနှောအဖတ်တွေကို

မျက်နှာပေါ်သုတ်လိမ်းပြီး မိနစ် ၂၀ လောက်ထားပါ။ အဲဒီနောက် ရေနဲ့သန့်စင် ဆေးကြောပါ။

နေလောင်ဒဏ်ရာတွေကို သက်သာစေပြီး အသားအရေ ဖြူဝင်းလှပစေပါတယ်။

ဖုန်တွေနဲ့ မျက်နှာကထွက်တဲ့ အဆီတွေရောပြီး ချွေးပေါက်ပိတ်တာကိုလည်း ကောင်းမွန်စေပါတယ်။

(၈)နောက်ဆုံးတစ်နည်းကတော့ ဖရဲသီး၊ ငှက်ပျောသီး၊သဘောၤသီးနဲ့ကုံကုမံရွက်တွေကု ရောနှောပြီး

ရလာတဲ့အရောအနှော အဖတ်တွေကို လိမ်းပေးပါ။ အဲဒီနောက် မျက်နှာပေါ်ကို ပျားရည်သုတ်လိမ်းပြီး

နာရီဝက်ကြာတဲ့အခါ မျက်နှာသန့်စင်ပေးပါ။ သန့်စင်ထားတဲ့ မျက်နှာပေါ်မှာ ဂျုံမှုန့်ကို စက်ဝိုင်းပုံသဏ္ဌာန် နှိပ်နယ်ပြီး သုတ်လိမ်းပေးပါ။

အားရှိစေတဲ့ ဖရဲသီး

မြန်မာနိုင်ငံမှာဆိုရင် နွေရာသီရောက်တိုင်း ပေါ်လေ့ရှိတဲ့ ဖရဲသီးကို ရာသီစာအဖြစ် လူကြိုက်များလှသည်။

နေပူပူတွင် ဖရဲသီးအေးအေးလေးကို စားလိုက်ရသည်မှာ ရေငတ်ပြေစေပါသည်။

ဖရဲသီးတစ်လုံးရဲ့၉၂ရာခိုင်နှုန်းဟာ ရေဓာတ်ဖြင့် ဖွဲ့စည်းထားပြီး ကျန် ၈ ရာခိုင်နှုန်းဖြစ်တဲ့

Anti-oxident Lycopene ဓာတ်က လူသားတွေရဲ့ အသားအရေကိုလည်း လှပချောမွေ့စေပါတယ်။

ထို့အပြင် ဖရဲသီး စားသုံးခြင်းက ခန္ဓာကိုယ်အတွက် အားတိုးဆေးစွမ်း တစ်လက်မှီဝဲခြင်းနဲ့ အလားတူကြောင်းအမေရိကန်နိုင်ငံရဲ့ တက္ကဆက် သစ်သီးဝလံနှင့် ဟင်းသီးဟင်းရွက်ဆိုင်ရာ တိုးတက်ဖွံ့ဖြိုးရေး ဗဟိုဌာနမှ တွေ အဆိုအရ သိရှိရပါသည်။

ဖရဲသီးအရည်ထဲမှာ Citrulline ဆိုတဲ့ အော်ဂဲနစ်ဒြပ်ပေါင်းတစ်မျိုးကို တွေ့ရှိရပြီး သွေးကြောတွေကို

ပျော့ပျောင်းစေတာကြောင့် ခန္ဓာကိုယ်အနှံ့ သွေးစီးဆင်းမှုကို ပိုပြီး လွယ်ကူချောမွေ့စေပြီး

ခန္ဓာကိုယ်ထဲရှိ သွေးကြောတွေထဲမှာ သွေးစီးဆင်းအား ကောင်းမွန်စေသည်။

ဖရဲသီးဟာ viagra ဆေးကဲ့သို့ အထူးပြု ဖော်စပ်ထားတဲ့ ဆေးဝါးတွေလို ခန္ဓာကိုယ်ကို ထိခိုက်စေတဲ့ ဆိုးကျိုးတွေမဖြစ်ပေါ်စေဘဲ သွေးကြောတွေရဲ့ အနေအထား ကောင်းမွန်စေတာကတော့ အမှန်ပါပဲ။

ပြီးတော့ နှလုံးကို ကျမ်းမာစေပြီး ခန္ဓာကိုယ်ရဲ့ ခံနိုင်ရည်စွမ်းအားကို ကောင်းမွန်စေပါတယ်။

http://sspont.blogspot.com/2012/03/ (or)http://onlinepyadaik.com/ (or)http://www.mysuboo.com/ (or)http://patheincity.com/ (or)http://ksnkhine-ksn.blogspot.com/မှ မှီငြမ်း ဖော်ပြသည်