(၁) ဝက်ခြံ အဖုအပိမ့်တွေကို သက်သာစေပါတယ်
ဇာတိပ္ဖိုလ်သီးအမှုန့်ကို နွားနို့အနည်းငယ်နဲ့ စေးပျစ်တဲ့ အရည်ရအောင်ဖျော်ပါ။ ပြီးရင် ဝက်ခြံအဖုအပိမ့်တွေပေါ်လိမ်းပါ။ ဇာတိပ္ဖိုလ်သီးမှာ ရောင်ရမ်းမှုကို လျော့ကျစေတဲ့ အစွမ်းရှိတာကြောင့် အဖုနီမြန်းမှုနဲ့ ဖောင်းအစ် ရောင်ရမ်းမှုကို လျော့ပါး သက်သာစေပါတယ်။
(၂) ဗိုက်အောင့်၊ ဗိုက်နာဝေဒနာကို သက်သာစေပါတယ်
နံနက်စာ ကွေကာထဲမှာ ဇာတိပ္ဖိုလ်သီး အနည်းငယ် ထည့်စားလိုက်ရင် အစာအိမ်အူလမ်းကြောင်း ဝေဒနာတွေကို သက်သာစေကြောင်း ကျွမ်းကျင်သူတွေက ဆိုပါတယ်။
(၃) နှစ်နှစ်ခြိုက်ခြိုက် အိပ်မောကျစေပါတယ်
ဇာတိပ္ဖိုလ်သီး အနည်းငယ်နဲ့ နွားနို့ပူပူတစ်ခွက်ကို သောက်လိုက်ရင် အိပ်ဆေးသောက်သလို အစွမ်းအာနိသင်ရှိကြောင်း ကျွမ်းကျင်သူ မီရှဲလ်က ဆိုပါတယ်။
(၄) သွားကိုက်ဝေဒနာကို သက်သာစေပါတယ်
သွားကိုက်နေရင် သွားဖုံးပေါ်ကို ဇာတိပ္ဖိုလ်သီးအဆီ လိမ်းပေးတာက သွားကိုက်ဝေဒနာနဲ့ သွားဖုံးနာကျင်မှုဝေဒနာကို သက်သာစေပါတယ်။
(၅) စိတ်ဆန္ဒကို မြင့်တက်စေပါတယ်
ဇာတိပ္ဖိုလ်သီးကို ချက်စားတာက အိမ်ထောင်သည်တွေမှာ ဆန္ဒကိုတိုးစေပြီး အိမ်ထောင်ရေး သာယာမှု ရှိစေကြောင်း သိရပါတယ်။
(၆) ဘက်တီးရီးယားကို တွန်းလှန်ပေးပါတယ်
ဇာတိပ္ဖိုလ်သီးမှာ ဘက်တီးရီးယားတွေကို ဟန့်တားပေးတဲ့ အစွမ်းရှိတာကြောင့်
အန္တရာယ်ရှိတဲ့ ပိုးတွေကို တွန်းလှန်ပေးနိုင်ပါတယ်။ ဇာတိပ္ဖိုလ်သီး အမှုန့်ကို ဟင်းခတ် အမွှေးအကြိုင်အဖြစ် ဟင်းလျာတွေထဲ ထည့်စားရင် လေပွတာ မဖြစ်အောင် ကာကွယ်ပေးပြီး အစာကြေစေပါတယ်။ ကြွက်သားတွေကို တောင့်တင်းမှု ပြေလျော့စေပါတယ်။
(၇) ဆီးလမ်းကြောင်းကို ကျန်းမာစေပါတယ်
ဇာတိပ္ဖိုလ်သီးအဆီဟာ သွေးလှည့်ပတ်မှုကို ကောင်းမွန်စေတာကြောင့် အဆစ်နဲ့ ကြွက်သားနာကျင်မှု မဖြစ်အောင် ကုသပေးနိုင်ပါတယ်။ ဒါ့အပြင် ပိုးဝင်ကူးစက်မှုကို သက်သာစေကာ ဆီးကျောက်ကို ကြေစေတာကြောင့် ဆီးလမ်းကြောင်း ကျန်းမာရေးအတွက် သင့်တော်တဲ့ ဆေးဖက်ဝင် အစာတစ်မျိုးလည်း ဖြစ်ပါတယ်။
ကြယ်စင်
Ref:Good Health
No comments:
Post a Comment