ကလေးရစေနိုင်မည့် နည်းလမ်းများ

ကွန်ဒုံးစသည်ဖြင့် အကာအကွယ်မယူ၊ တစ်နှစ်ခန့့်ကြာသည်အထိ လိင်ဆက်ဆံသော်လည်း သန္ဓေမတည်နိုင်ခြင်းကို မြုံ ခြင်းဖြတ်တယ်လို့ သူက သက်မှတ်လိုက်ပါတယ်။

သည် အဓိပ္ပါယ် သတ်မှတ်ချက်ဟာ တကယ်တော့ သိပ်ပြီး ရှင်းလင်းပြီး ပြီးပြည့်စုံလွန်းတယ်လို့တော့ မဆိုလိုပါဘူး။

သို့သော်လည်း မြုံခြင်း (Infertility) ဆိုတာကနေ သန္ဓေတည်ခြင်း (Fertility) ပြန်ဖြစ်နိုင်ပါတယ်။

သန္ဓေမတည်နိုင်တဲ့ စုံတွဲတစ်တွဲ ကို လေ့လာကြည့်မယ်ဆိုရင်--

အမျိုးသားဘက်က ချို့ယွင်းချက် ၄၀% နှင့် အမျိုးသမီးဘက်က ၄၀% ဖြင့် ဆတူဖြစ်ကြောင်း လေ့လာချက်တစ်ရပ်က

ဆိုပါတယ်။ ကျန်တဲ့ အကြောင်းအရင်းမသိဘဲ မြုံနေခြင်းကတော့ ၂၀% ရှိကြောင်း တွေ့ရှိရပါတယ်။

ကလေးမရကြတဲ့ စုံတွဲတွေဟာ ကမ္ဘာပေါ်မှာ တနေ့တခြား ပိုများလာပါတယ်။

မှတ်တမ်းတွေအရ ၁၉၈၈ ခုနှစ်မှာ ၅.၅ သန်း၊ ၁၉၉၅ ခုနှစ်မှာ ၆.၇ သန်း နဲ့ ၂၀၀၂ ခုနှစ်မှာ ၇.၂ သန်းအထိ တိုးလာကြောင်း

တွေ့ရပါတယ်။သည်လိုဖြစ်ရတဲ့ အကြောင်းအရင်းတွေကတော့

(၁) အသက်အရွယ်ကြီးတဲ့ အမျိုးသမီးအရေအတွက် ပိုများလာခြင်းနှင့်

(၂) ကလေးရယူရန် အချိန်ဆွဲခြင်းတို့ကြောင့် ဖြစ်တယ်လို့ဆိုပါတယ်။

ကိုယ်ဝန်ဆောင်နိုင်သည့် စံနှုန်း

စုံတွဲများအတွက် ကိုယ်ဝန်ဆောင်ကြသည့် စံနုန်းမှာ

(က) စုံတွဲ ၂၅% သည် ပထမ လတွင်လည်းကောင်း၊

(ခ) စုံတွဲ ၆၀% သည် ၆ လအတွင်းတွင်လည်းကောင်း၊

(ဂ) စုံတွဲ ၇၅% သည် ၉ လအတွင်းတွင်လည်ေးကာင်း၊

(ဃ) စုံတွဲ ၉၀% သည် တစ်နှစ်ခွဲအတွင်းတွင်လည်းကောင်း ကိုယ်ဝန်ဆောင်နိုင်ကြကြောင်း တွေ့ရှိရပါတယ်။

မြုံခြင်းကို ယေဘုယျအားဖြင့်

(၁) Primary Infertility နှင့် (၂) Secondary Infertility ဟူ၍ နှစ်မျိုး ခွဲပြထားပါတယ်။

(၁) Primary Infertility

အကာကွယ်မဲ့ ဆက်ဆံသော်လဲ ယခုအချိန်အထိ ကိုယ်ဝန် တစ်ခါမှ မဆောင်နိုင်ဘူးတဲ့ အမျိုးသမီး ၊ ကိုယ်ဝန်ရရှိစေရန် ဆက်ဆံသော်လည်း ယခုထိ မရနိုင်သေးတဲ့ အမျိုးသား ကို (Primary Infertility) လို့ သတ်မှတ်ပါတယ်။

သည်လိုအခြေအနေက ၇၀ % ရှိတယ်လို့ ပြောပါတယ်။

(၂) Secondary Infertility ဆိုတာက

ယခင်က ရခဲ့ဖူးတယ် ၊ သို့သော်လည်း လွန်ခဲ့သည့် တစ်နှစ်ခန့်က စ၍ ကြိုးစားသော်လည်း ယခုအထိမရရှိသေးသည့်

အခြေအနေကို ဆိုလိုပါတယ်။ သည်လိုမျိုး က 30% ဖြစ်ပါတယ်။

ကိုယ်ဝန်ဆောင်နိုင်စေရန် သိထားရမည့် အချက်များ

၁။ ကိုယ်ဝန်ဆောင်နိုင်သည့် ဥပဒေသ

၎င်းတွင် (၁) ရာသီစက်ဝန်း၊ (၂) မျိုးဥကြွေခြင်း (၃) ဆက်ဆံချိန်နှင့် ကြိမ်နှုန်း (၄) ဖို/မ မျိုးပွားအဂါၤအဖွဲ့အစည်းစနစ် စသည်ဖြင့် ပါဝင်ပါတယ်။

၂။ အမျိုးသားအတွက် အဓိကလိုအပ်ချက်

(၁) ပုံမှန် သုတ်ပိုးထုတ်လုပ်နိုင်မှုနှင့် သုတ်ပို့ပြွန်စနစ်

(၂) မမွေးလမ်းကြောင်းထဲသို့ သုတ်ပိုးထိုးသွင်းရောက်ရှိနိုင်မှု

(၃) သင့်တင့်လျောက်ပတ်သော ကိုယ်စိတ်ဆန္ဒအားရှိမှု

(၄) လုံလောက်သော လိင်အင်္ဂါထောင်မတ်နိုင်ခြင်း

(၅) သုတ်ရည်ပုံမှန် ပမ်းထုတ်နိုင်စွမ်း

(၆) သုတ်ရည်အား မိန်းမကိုယ်အတွင်း ထိုးသွင်းပမ်းထည့်ရခြင်း တို့ ဖြစ်ပါတယ်။

၃ ။ အမျိုးသမီးအတွက် အဓိကလိုအပ်ချက်

(၁) သင့်တင့်လျောက်ပတ်သော ကိုယ်စိတ်ဆန္ဒအားရှိမှု

(၂) မျိုးပွားအဂါၤများပုံမှန်အနေအထား ရှိခြင်းနှင့် လုပ်ဆောင်မှု မှန်ကန်ခြင်း

(၃) သန္ဓေသားအသက်ရှင်ရန်အတွက် သင့်လျော်သော မမျိုးပွားအဂါၤနှင့် စနစ်

(၄) သန္ဓေသားနှင့်အချင်းအတွက် လိုအပ်သော အောက်ဆီဂျင် ၊ အဟာရဓါတ်များထိန်းသိမ်းရန်အတွက်လုံလောက်သော

ကျန်းမာရေးကောင်းမွန်မှု၊ အဟာရပြည့်ဝခြင်း တို့ ဖြစ်ပါတယ်။

၄။ ကိုယ်ဝန်မရခြင်း ၊မြုံခြင်း နှင့် ဆက်နွယ်နေသော အချက်များ-

မှာ

(၁) မျိုးပွားစနစ်အကြောင်း အသိပညာနည်းခြင်း

(၂) ဆက်ဆံရမည့် အချိန် နှင့် ကြိမ်နှုန်းအား မသိခြင်း

(၃) အသက်အရွယ်ကြီးလာခြင်း

(၄) လိင်မှတဆင့်ကူစက်တတ်သော ရောဂါများရှိနေခြင်း

(၅) အဟာရ

(၆) သုံးစွဲနေသော ဓါတုဆေးဝါးများ

(၇) ဓါတ်ရောင်ခြည်သင့်မှု

(ဂ) မျိုးပွားစနစ်အား ခွဲစိတ်ခံထားရမှု

(၉) သန္ဓေသားတွင် အလုံးတည်ခြင်း

စသည့်အချက်များဖြစ်သည်။

မ မျိုးဥ စေ ကြွသောနေ့ နှင့် မကြွေမီ ငါးရက် အချိန်သည် ကိုယ်ဝန်ရရှိရန် အကောင်းဆုံးအချိန်ဖြစ်သည်။

ရှင်းလင်းချက်။ ။ သုတ်ပိုးသည် မမျိုးပွားအဖွဲ့အစည်းအတွင်း တွင် ၅ ရက်အထိသာ အသက်ရှင်နိုင်သည်။ အကယ်၍ သန္ဓေမအောင်ဖြစ်ပါက မမျိုးဥသည်လည်း မျိုးဥကြွေပြီးနာရီအနည်းငယ်မှ အလွန်ဆုံးတစ်ရက်ခန့်သာ အသက်ရှင်နိုင်သည်။

ထို့ကြောင့် မမျိုးဥမကြွေမီ ၅ ရက် မှစ၍ လိင်ဆက်ဆံခြင်းသည်သာလျှင် အကောင်းဆုံးသော အချိန်ဖြစ်သည်။

ဆက်ဆံရမည့်အကြိမ်အရေအတွက်

ပထမ (၅) ရက်အား သုတ်ရည်စွန့်ထုတ်ခြင်းမပြုရန် နှင့်

၎င်းမှ နောက်ဆက်တွဲဖြစ်သော မမျိုးဥမကြွေမီ ငါးရက်တွင် တစ်နေ့တစ်ကြိမ်ဆက်ဆံခြင်းသည် ကိုယ်ဝန် ရှရှိစေနိုင်ရန် အခွင့်အရေးပိုများစေပါသည်။

စစ်တမ်းတစ်ရပ်အရ

လိင်ဆက်ဆံသည့်ကြိမ်နုန်းသည် ကိုယ်ဝန်ရရှိမှု နှင့်အောက်ပါအတိုင်း ဆက်နွယ်မှုရှိကြောင်း တွေ့ရပါသည်။

ဒေါက်တာခင်နိုင်ဦး

ကိုက်လန်၏ ကျန်းမာရေး အကျိုးကျေးဇူး (၁၀) ချက်

ကိုက်လန်ကို အစိမ်းရောင် ဟင်းရွက်တို့ရဲ့ ဘုရင်မလို့ တင်စား တတ်ကြသလို အာဟာရ စုပေါင်းရာ အိမ်တစ်လုံးလို့လည်း ခေါ်ဆို တတ်ကြပါတယ်။

သင်စားတဲ့ အစားအသောက်ထဲကို ကိုက်လန် ထည့်စား ပေးမယ်

ဆိုရင် အောက်ပါ အကျိုးကျေးဇူး ၁၀ မျိုးကို ရရှိပါလိမ့်မယ်။

(၁) အစာခြေ လမ်းကြောင်း စနစ်ကို ကျန်းမာစေပါတယ်

ကိုက်လန်မှာ ကယ်လိုရီ ပါဝင်မှု နည်းပါးပြီး အဆီဓာတ်လည်း လုံးဝ မပါပါဘူး။ အမျှင်ဓာတ် များစွာ ပါဝင် ပါတယ်။ ကိုက်လန် တစ်ခွက်မှာ

၃၆ ကယ်လိုရီနဲ့ အမျှင်ဓာတ် ငါးဂရမ်တို့ ပါဝင်ပါတယ်။

(၂) အထွေထွေ ကျန်းမာရေးကို ကောင်းမွန်စေပါတယ်

ကိုက်လန်မှာ သံဓာတ်များစွာ ပါဝင်ပါတယ်။ ကယ်လိုရီတူတဲ့ ကိုက်လန်နဲ့ အမဲသားတို့ကို နှိုင်းယှဉ်ကြည့်ရာ ကိုက်လန်မှာ သံဓာတ် ပိုမိုပါဝင်

တာကို တွေ့ရပါတယ်။ သံဓာတ်ဟာ ဟေမိုဂလိုဘင်နဲ့ အင်ဇိုင်း ဖြစ်ပေါ်စေ

တာ၊ ခန္ဓာကိုယ် အစိတ်အပိုင်း အသီးသီးကို အောက်ဆီဂျင် ပို့ပေးတာ၊ ဆဲလ်ကြီးထွားတာ၊ အသည်းရဲ့ လုပ်ငန်း ဆောင်တာကို ကောင်းမွန် စေတာ စတဲ့ အာနိသင်တွေ ရရှိစေပြီး အထွေထွေ ကျန်းမာရေးကို ကောင်းမွန်စေ

ပါတယ်။

(၃) ဗီတာမင်ကေ များစွာ ပါဝင်ပါတယ် ကိုက်လန်မှာ များစွာ ပါဝင်တဲ့ ဗီတာမင်ကေဟာ ကင်ဆာရောဂါ အမျိုးမျိုးကို ကာကွယ် ပေးနိုင်ပါတယ်။ အရိုးကျန်းမာရေးကို ကောင်းစေတဲ့ အပြင် သွေးခဲတာမျိုး မဖြစ်အောင်

လည်း ကာကွယ် ပေးနိုင်ပါတယ်။ အယ်လ်ဇိုင်းမား ရောဂါ ခံစား နေရ

သူတွေကို သက်သာအောင် ဗီတာမင်ကေနဲ့ ကုသနိုင်ပါတယ်။

(၄)ကင်ဆာ အမျိုးမျိုးကို ကာကွယ် ပေးပါတယ် ကိုက်လန်မှာ ကာရိုတီးနွိုက်နဲ့ ဖလေဗိုးနွိုက် တို့လို အင်တီ အောက်ဆီးဒင့်များစွာ ပါဝင်ပါတယ်။ ဒီအင်တီ အောက်ဆီးဒင့် တွေက ကင်ဆာရောဂါ အမျိုးမျိုးကို မဖြစ်အောင် ကာကွယ် ပေးနိုင်ပါတယ်။

(၅)ရောင်ရမ်းမှုကို လျော့ကျစေပါတယ် ကိုက်လန်ဟာ ရောင်ရမ်းမှု

လျော့ကျစေတဲ့ အစာ တစ်မျိုးပါ။ ကိုက်လန် တစ်ခွက်စာ ပမာဏမှာ တစ်နေ့တာ မှီဝဲသင့်တဲ့ အိုမီဂါ ၃ ဖက်တီး အက်စစ် ပမာဏ ၁၀ ရာခိုင်နှုန်းခန့် ပါဝင်တာကြောင့် ရိုးဆစ် ရောင်ရမ်းနာ၊ ပန်းနာ ရင်ကျပ်

ရောဂါနဲ့ Autoimmune Disorder တို့ကို တွန်းလှန် ပေးနိုင်စွမ်း ရှိပါတယ်။

(၆) နှလုံးသွေးကြောကို ကျန်းမာစေပါတယ် ကိုက်လန်မှာ နှလုံးသွေးကြော စနစ်ကို ကျန်းမာ စေတဲ့ အစွမ်း ရှိပါတယ်။ ကိုက်လန်ကို များများ စားပေးရင် သွေးတွင်း မကောင်းတဲ့ ကိုလက်စထရောကို လျော့ကျ

စေနိုင် ပါတယ်။

(၇) အမြင်အာရုံကို ကောင်းမွန် စေပါတယ် ကိုက်လန်မှာ ဗီတာမင်အေ များစွာ ပါဝင်တာကြောင့် အမြင်အာရုံကို ကောင်းမွန် စေတဲ့အပြင် အဆုတ်နဲ့ ခံတွင်းကင်ဆာတို့ မဖြစ်အောင်လည်း ကာကွယ် ပေးပါတယ်။

(၈) ကိုယ်ခံစွမ်းအား စနစ်ကို ကောင်းမွန် စေပါတယ် ကိုက်လန်မှာ ဗီတာမင်စီ ပမာဏများစွာ ပါဝင် တာကြောင့် ကိုယ်ခံ စွမ်းအားစနစ်၊ ဇီဝရုပ် ဖြစ်ပျက်မှုနဲ့ ရေဓာတ် ပြည့်ဝမှုတို့ကို အားပေး ထောက်ပံ့နိုင်စွမ်း ရှိပါတယ်။

(၉) အရိုး၊ အဆစ် ကျန်းမာစေပါတယ် ကိုက်လန်မှာ ကယ်လ်စီယမ် ပမာဏများစွာ ပါဝင်ပါတယ်။ ကယ်လိုရီ ပမာဏတူတဲ့ နွားနို့နဲ့ ယှဉ်ရင် ကိုက်လန်မှာ ကယ်လ်စီယမ် ပိုမို ပါဝင် တာကြောင့် အရိုးထုထည် ဆုံးရှုံးမှု မဖြစ်အောင်နဲ့ အရိုးပါးရောဂါ မဖြစ်အောင် ကာကွယ် ပေးနိုင်စွမ်း ရှိပါတယ်။ ဒါ့အပြင် ကိုက်လန်မှာပါတဲ့ ဗီတာမင်စီဟာ အရိုးနုနဲ့ အဆစ်တွေ သန်စွမ်း ပျော့ပျောင်းအောင် ကူညီနိုင်ပါတယ်။

(၁၀) ကိုယ်တွင်း အဆိပ်တွေကို ကင်းစင် စေပါတယ် ကိုက်လန်ကို အဆိပ် ဖယ်ရှား ပေးနိုင်တဲ့ အစာလို့ တင်စား ခေါ်ဝေါ်ကြပါတယ်။ ကိုက်လန်မှာ အမျှင်ဓာတ်နဲ့ ဆာလဖာတို့ အပြည့်အဝ ပါဝင် နေတာကြောင့် ကိုယ်ခန္ဓာတွင်း ရှိ အဆိပ်တွေကို ကင်းစင်စေပြီး အသည်းကို ကျန်းမာ စေပါတယ်။

ကြယ်စင်

credit to Good Health

Lichen Planus of the Mouth ပါးစပ်နာတမျိုး

ကျွန်တော့်ကောင်မလေးကို ကူးမှာစိုးလို့ပါ။ ဘယ်လိုကုရမလဲ ။နှုတ်ခမ်း အာခေါင်ဘေးနဲ့ လိမ်တံထိပ်ဖူးအောက်မှာဖြစ်ပါတယ်။ အဖြူအစိလေးများလိုဖြစ်ပြီး ယားလဲမယား နာလဲမနာပါ၊ အမြန်ပြန်ဖြေပေးစေခြင်ပါတယ်။

နာတာရှည်ရောဂါဖြစ်တယ်။ အဖြူစက်လေးတွေ၊ မျဉ်းကြောင်းလေးတွေလို ပေါက်နေမယ်။ ဇာပန်းထိုးထားသလို၊ အဖြူရောင်၊ အထက်ကိုနည်းနည်းကြွနေတဲ့ အကွက်လေးတွေမြင်ရမယ်။ အနီကွက်လဲဖြစ်နိုင်တယ်။ ရောင်ပြီး နာနေမယ်။ အနာလဲဖြစ်နိုင်တယ်။ ပါးစပ်ထဲမှာ ပါးစောင်၊ သွားဖုံး၊ လျှာ၊ နှုတ်ခမ်း၊ အာခေါင်နေရာတွေမှာဖြစ်တယ်။ မျက်စိ၊ အစာမြိုပြွန်၊ နားမှာလဲဖြစ်နိုင်တယ်။ ဦးခေါင်းခွံနဲ့လက်သည်းတွေမှာလဲ ဖြစ်နိုင်တယ်။

အရေပြားမှာဖြစ်တာထက် ပါးစပ်မှာဖြစ်တာက ပိုပြီး အကုရခက်ပါတယ်။ ကံဆိုးကံကောင်းပြောရမှာကတော့ ပြဿနာ ဖြစ်တာ နည်းပါတယ်။ ပါးစပ်မှာ ဖြစ်နေသူတွေရဲ့ ၃ ပုံ ၁ ပုံလောက်က အရေပြားမှာပါတွဲဖြစ်နေတတ်ပြီး အမျိုးသမီးတွေမှာ ဆိုရင် မွေးလမ်းကြောင်းမှာပါ တွဲဖြစ်နေတတ်တယ်။

ရောဂါသေချာအောင် အသားစဖြတ်ပြီး မှန်ဘီလူးနဲ့စစ်တာလုပ်ရတယ်။ မှို (ဖန်းဂတ်စ် = ရိစ်) ပိုးနဲ့လဲ တွဲဖြစ်နေတတ်တယ်။ အဲလိုဖြစ်နေရင် အဲဒါကိုအရင်ကုပါ။ ရွှေ၊ ပြဒါးတို့နဲ့ မတည့်တာ (အလာဂျီ) ဖြစ်တာနဲ့ ဆင်တူတတ်တယ်။ ဆိုးတာ ဖြစ်နေတာတောင်မှ ခံတွင်းကင်ဆာဖြစ်နိုင်ခြေဟာ မဖြစ်သူတွေထက် သိသာပြီးမများတတ်ပါ။

ဘာလို့ဖြစ်သလဲ အတိအကျ မသိပါ။ ဆေးလိပ်၊ ကွမ်းယာသမားတွေမှာ အဖြစ်ပိုနိုင်တယ်။ အသဲရောင် (စီ) နဲ့ အသဲရောဂါ၊ အသဲရောင် (ဘီ) ကာကွယ်ဆေး၊ Ibuprofen, Naproxen ဆေးတွေ၊ အလာဂျီရစေတာတွေကြောင့် ဖြစ်နိုင်တယ်လို့ ယူဆတယ်။

ဘာမှတော့ အနေရခက်တာမရှိဘူး။ ဖြစ်လာရင် အနာဖြစ်ပြီး နာတာကိုခံစားရနိုင်တယ်။ အနာဖြစ်လာချိန်မှာ ပူလောင်နေနိုင်တယ်။ အရသာပျက်နိုင်တယ်၊ အပူအစပ်ကို မခံနိုင်ဖြစ်မယ်။ သွေးထွက်နိုင်တယ်။

Symptomatic treatments ရောဂါလက္ခဏာကုကုသခြင်း၊

• ဘာမှမခံစားရရင် ဘာဆေးမှမလိုပါ။

• Corticosteroids (ကော်တီကိုစတီရွိုက်) ဆေး ပေးလေ့ရှိတယ်။ ရောင်တာလျှောမယ်၊ နာတာသက်သာမယ်။ ခံစားရတာသက်သာမယ်။ ဒီဆေးကို mouthwash ပါးစပ်ဆေး ဆေးရည်၊ ointment လိမ်းဆေး၊ gel ဂျဲလ်၊ pill ဆေးပြား အနေနဲ့လာတယ်။

• Retinoids ဗီတာမင် (အေ) လဲပေးနိုင်တယ်။ ကိုယ်ဝန်ဆောင်စဉ် ရှောင်သင့်တယ်။

• Immune response medicines ခုခံအားလျှော့ဆေး၊ အထူးသတိနဲ့ ပေါ်ရတယ်။ ဥပမာ calcineurin inhibitors ကိုယ်အင်္ဂါအစားထိုးသူတွေကိုပေးတဲ့ဆေး။ tacrolimus (Protopic) နဲ့ pimecrolimus (Elidel) လိမ်းဆေးတွေကို FDA ကတော့ ကင်ဆာနဲ့ပတ်သက်မလား သတိပေးထားတာရှိတယ်။ ဆိုးဝါးတဲ့ ဥပမာ အစာမျိုပြွန်၊ ဦးရေခွံ၊ လိင်အင်္ဂါ နေရာတွေမှာ ဖြစ်ရင်တော့ ဒီအမျိုးအစားဆေးတွေကို သုံးလေ့ရှိတယ်။

• ပါးစပ်-ခံတွင်းကို ထိခိုက်မှု မရှိအောင် ဂရုစိုက်ပါ။ စိတ်ဖိအားလျှော့ချပါ။

ဒေါက်တာတင့်ဆွေ

၂၂-၅-၂ဝ၁၃

HIV news ဆယ်ယောက်တယောက် HIV ပိုး ပျောက်နိုင်

HIV ပိုးရှိနေသူတွေကို ဆေးစောစောစီးစီးပေးတာ အလုပ်ဖြစ်အောင်ပျောက်နိုင်သူ ၁ဝ ယောက်မှာ ၁ ယောက်ရှိတယ်။ ဒီလေ့လာမှုကို ဆေးသောက်ပြီးနောက် ဆေးဖြတ်လိုက်တဲ့ လူနာ ၁၄ ယောက်ကို လုပ်ခဲ့တာပါ။ သူတို့မှာ ဗိုင်းရပ်တွေ ပွါးလာတာမတွေ့ရတော့ပါလို့ ပြင်သစ်ဆရာဝန်တွေက ထုတ်ဖေါ်ပြောဆိုတာကို ၁၅-၃-၂ဝ၁၃ နေ့ ဘီဘီစီ သတင်းမှာ ပါလာတယ်။

ဓါတ်ပုံကို HIV, in green, bursting out of a white blood cell it has hijacked လို့ စာတမ်းရေးထားပါတယ်။ အစိမ်းရောင်က HIV ဗိုင်းရပ်တွေ၊ ဒီကောင်တွေကနေ ပြန်ပေးဆွဲထားခံရတဲ့ သွေးဖြူဥတွေက ပေါက်ကွဲသွားကြရတယ်တဲ့။

မကြာခင်က ယူအက်စ်မှာ ကလေးမလေးတယောက် အဲလိုပဲ ပျောက်တယ်ဆိုတဲ့သတင်း ထွက်လာခဲ့ပါသေးတယ်။ ခက်တာက ပိုးကူးစက်ခံထားရသူတွေဟာ သူတို့ကိုယ်ထဲမယ် ကျကျနနဝင်ရောက်လာပြီးမှသာ HIV ပိုးကိုစမ်းလို့ သိနိုင်သေးတယ်။

အခုလေ့လာမှု အပြုခံသူ လူနာတွေကို ပိုးကူးစက်ခံရပြီးနောက် ၁ဝ ပါတ်အတွင်းမှာ ဆေးစပေးပါတယ်။ ပျမ်းမျှ ၃ နှစ်တာ ဆေးကုသမှုခံယူပြီးနောက်မှာ ဆေးဖြတ်လိုက်ကြပါတယ်။ ဆေးတန်ခိုးကြောင့် ဗိုင်းရပ်စ်တွေကို တားထားပေးတယ်။ အကုန်သေကုန်တာတော့ မဟုတ်ပါ။ ပုန်းအာင်း ခိုအောင်းနေတာတွေ ရှိနေပါမယ်။

ယူကေနိုင်ငံက ဒေါက်တာဒီဗိုရာ-ဂျက် ကပြောတာက "လက်ရှိ ယူကေမှာ လူနာတွေအမျာစုဟာ နောက်ကျမှသာ ပိုးကူးစက်ခံရတာကိုသိနေကြပြီး ၅ နှစ်အထိခံနေရမယ်လို့ သိထားကြတယ်။ ဒါကြောင့် အခုတွေရှိချက်ဟာ စောစောစီးစီးဆေးစစ်သင့်တယ်ဆိုတာကို ထောက်ပြချက်တခုဖြစ်တယ်။" စောစောကကလေးမလေးကို Mississippi baby လို့ခေါ်ပြီး အခုလူနာအုပ်စုကိုတော့ Visconti cohort ခေါ်ပါတယ်။ ပြင်သစ်နိုင်ငံ၊ ပဲရစ်က Institute Pasteur in Paris ဆေးရုံက Dr Asier Saez-Cirion ဒေါက်တာ အာစီယာ ဆီးဇ်-စီယွန် ကပြောတာက ၅-၁၅% ကံကောင်းနိုင်ပါတယ်တဲ့။

ဘာပဲပြောပြော HIV ဆေးကုသရေးမှာ စိတ်ဝင်စားစရာ တိုးတက်မှုဖြစ်ပါတယ်။ ပြင်သစ်ဆရာဝန်တွေကတော့ သိမှာမဟုတ်ပါ။ "အဲဒီ ၁ဝ ယောက်ထဲက ၁ ယောက်ဖြစ်အောင် ကံတရား အားကိုးပါ။ ကံကောင်းချင်ရင် စိတ်ထားကောင်းစေပါ၊ ကိုယ်ကျင့်ကောင်းစေပါ၊ ကုသိုလ်တရား ပွါးများပါခင်ဗျား။"

Early HIV drugs 'functionally cure about one in 10' http://www.bbc.co.uk/news/health-21783945

၄-၃-၂ဝ၁၃ HIV ပိုးနဲ့မွေးလာခဲ့တဲ့ ကလေးမလေးတယောက် ရောဂါပျောက် http://dts-medicaleducation-adult.blogspot.in/2013/03/hiv.htm

ဒေါက်တာတင့်ဆွေ

၁၈-၃-၂ဝ၁၃

Colors for Health အရောင်တွေနဲ့ ကျန်းမာရေး

• အနီရောင်ဟာ -

အင်အားရှိတယ်၊ ရှေ့ဆက်သွားနိုင် လုပ်နိုင်စွမ်းရှိတာကိုပြတယ်။ မျိုးပွါးစနစ်ကို လိုတာတွေပြည့်စေတယ်။ ဆဲလ်တွေဆီ သွေးပိုပြီး စီးလျှောက်တယ်။ အနီရောင်နဲ့ဆိုင်တဲ့ ရောဂါတွေကတော့ Anemia သွေးအားနည်းရောဂါ၊ သွေးတိုးရောဂါ၊ သွေးဖိအားကျရောဂါ နဲ့ အားအင်ကုန်ခမ်းခြင်းတွေ ဖြစ်တယ်။

• လိမ်မော်ရောင်ကတော့ -

နှိုးဆွမှုကိုဖြစ်စေတယ်၊ စိတ်တက်ကြွမှုနဲ့ လုပ်ချင် ကိုင်ချင်စိတ်ကို ဖြစ်စေမယ်။ ဒီအရောင်နဲ့ ဆန့်ကျင်တာဖြစ်သူဟာ ကျောက်ကပ် ရောဂါတွေ၊ ဆီးအိမ်ရောဂါတွေ၊ အူမကြီး အလုပ်နည်းခြင်းတွေဖြစ်စေပါတယ်။ လိမ်မောင်ရောင်နဲ့ ဆက်စပ်နေတဲ့ ရောဂါတွေကတော့ အဆစ်နာ၊ လေးဘက်နာ၊ ဝမ်းချုပ်ခြင်း၊ အစာချေလမ်းရောဂါတွေ၊ ဘေလုံးရောဂါတွေဖြစ်ကြတယ်။

• အဝါရောင်ဟာ -

စိတ်ကိုဖွင့်ထားခြင်း နဲ့ အသေးစိတ်ကိုစိတ်ဝင်ခြင်းကို ကိုယ်စားပြုတယ်။ အာရုံကြောကိုအားပေးတယ်။ အသဲ၊ သည်းခြေအိတ်၊ သည်းခြေရာ်လုပ်ငန်းတွေကို အားပေးတယ်။ အစာခြေရည်ထုတ်ာကိုလဲ အားပေးတယ်။ အစာခြေလမ်းအလုပ်ကို အားပေးတယ်။ အဝါရောင်နဲ့ဆန့်ကျင်တဲ့ရောဂါတွေကတော့ အာရုံကြောရောဂါ၊ ကြွက်သားနဲ့ အာရုံကြောဆက်စပ်တဲ့ရောဂါ၊ ဆီးချို နဲ့ ထုံးဓါတ် တင်ကျန်ရစ်ခြင်းတွေ ဖြစ်ကြတယ်။ အဝါရောင်နည်းခြင်းနဲ့ ဆိုင်တဲ့ ရောဂါတွေကတော့ အဆစ်ရောင်၊ အစာမကျေ၊ အသဲမကောင်းခြင်းနဲ့ မှတ်ဉာဏ်နည်းခြင်းတွေဖြစ်ကြတယ်။

• အစိမ်းရောင်ကတော့ -

ပတ်ဝန်းကျင်မှာ တည်ငြိမ်၊ ချောမွေ့ပြီး မျှတနေတဲ့သဘောကို ကိုယ်စားပြုတယ်။ သဟဇာတဖြစ်နေခြင်းဟာ အစိမ်းရောင်ရဲ့သဘောဖြစ်တယ်။ အဆိပ်အတောက်တွေ ဖယ်ရှားရေးကို အားပေးတယ်။ ကြွက်သားနဲ့ အရေပြားတွေတည်ဆောက်ရေးကို ကောင်းစေတယ်။ Sympathetic nervous system (ဆင်ပသက်တစ်) အာရုံကြောစနစ်ကို ကောင်းစေတယ်။ အစိမ်းရောင်မှာ ဆေးကုသမှုအစွမ်းရှိတယ်။ စိတ်ပိုင်းဆိုင်ရာရောဂါတွေကို ကုသရာမှာ အစိမ်းရောင်ကို သုံးနိုင်တာတွေရှိတယ်။

Good Colors and Health ကျန်းမာရေးအတွက်ကောင်းတဲ့ အရောင်တွေ

• အရောင်ရှိတဲ့ အရည်၊ အဝတ်အစား၊ လက်ဝတ်ရတနာ၊ အလင်းရောင်တွေမှာ သူ့အစွမ်းနဲ့သူရှိကြတယ်။

• ပြော့နုတဲ့အရောင်မျိုးဟာ ခေါင်းကိုက်နေတာ သက်သာစေမယ်။ ကိုယ်စိတ် ပေါ့ပါးစေမယ်။

• တောက်ပတဲ့အရောင်တွေကနေ ပျော်ရွှင်ချမ်းမြေ့မှုကိုပေးမယ်။ မွေးနေ့လိုအချိန်ကာလနဲ့ နေရာတွေမှာ အရောင်တောက်တောက်တွေ ဝတ်ဆင်ပြီး မီးခပ်ဝါဝါထွန်းတာသဘာဝကျတယ်။

• Ayurveda အာယုဗေဒဆေးကုနည်းမှာလဲ အရောင်အမျိုးမျိုးရှိတဲ့မီးရောင်သုံးပြီး ဆေးကုတာရှိတယ်။ အပြာနုနု ဒါမှမဟုတ် အစိမ်းနုနုအရောင်ဆိုတာ စိတ်တိုနေသူတွေ၊ စိတ်ပျက်လက်ပျက်ဖြစ်နေသူတွေကို ကုသရာမှာသုံးတယ်။ အဝါရောင်၊ လိမ်မော်ရောင်နဲ့ ရွှေရောင်တွေကို စိုးရိမ်စိတ်ကဲနေသူတွေကို စိတ်တည်ငြိမ်စေဘို့သုံးတယ်။ အနီရောင်တောက်တောက်နဲ့ လိမ်မော်ရောင်တွေကိုတော့ စိတ်ဓါတ်ကျနေသူတွေကို ကုရာမှာသုံးတယ်။

Colored fruits and vegetables အရောင်ရှိ သစ်သီးဝလံတွေ

• အရောင်အလိုက် ကျန်းမာရေးတန်ဘိုးမတူကြပါ။ အရောင်တွေများတဲ့ အသီအနှံတွေနဲ့ အသီးအရွက်တွေမှာ ရောဂါဘယတွေကို တိုက်ဖျက်နိုင်စွမ်းရှိတဲ့ Phytonutrients (ဖိုက်တိုနူထရိယင့်) တွေပါတယ်။

• ခရမ်းချဉ်းသီးနီရဲရဲကနေ နှလုံးရောဂါအန္တရာယ်ကိုနည်းစေမယ်။

• ပျောင်းဖူးရဲ့ အဝါရောင်ဟာ ကြွက်သားတွေရဲ့ အိုစာမှုဖြစ်စဉ်ကိုတားပေးတယ်။

• အရောင်ရှိ အသီးအနှံတွေထဲမှာ နောက်တမျိုးပါနေတာက Antioxidants (အင်တီအောက်စီဒင့်) ဓါတ်ဖြစ်ပြီး သွေးကြောနံရံတွေ မာလာမှာကို တားနိုင်လို့ နှလုံးသွေးကြောရောဂါအတွက် ကောင်းကျိုးရစေမယ်။

• အဝါရောင်ရှိတဲ့ မုံလာဥ၊ ကန်စွန်းဥ၊ သရက်သီး၊ ဖယုံသီး၊ ဖရဲသီး၊ ပျောင်းဖူးတွေထဲမှာ Carotenoids (ကရိုတီနွိုက်) ဓါတ်ပါတယ်။ ကင်ဆာကို ဆန့်ကျင်စေတယ်။

• (ဘရိုကိုလီ) မုံလာပွင့်အစိမ်းရောင်ထဲမှာ Lutein (လူတိန်း) ဓါတ်ပါလို့ အမြင်စူးရှပြီး ကြည်လင်စေမယ်။

Food Color and Health Hazards အရောင်နဲ့ ကျန်းမာရေး သတိပေးချက်များ

• FDA အစားအသောက်နဲ့ ဆေးဝါးအာဏာပိုင်အဖွဲ့ကနေ Adverse Reaction Monitoring System (ARMS) ပြောင်းပြန်သက်ရောက်မှု စောင့်ကြည့်စနစ် ဆိုတာလုပ်ထားပါတယ်။ အစားအသောက်မှာ အရောင်စွဲလမ်းမှုကို ကွန်ပြူတာနဲ့ ဒေတာဘေ့စ် ပြုစုထားတာဖြစ်တယ်။

• Advisory Committee on Hypersensitivity to Food Constituents အစားအသောက်ထဲမှာပါတာတွေနဲ့ မတည့်ခြင်း အကြံပြုကော်မတီရဲ့ ၁၉၈၆ ထုတ်ပြန်ချက်ထဲမှာ

- FD&C Yellow No. 5 အဝါရောင် နံပါတ် (၅) ကြောင့် လူ ၁ဝဝဝဝ မှာ တယောက်ထက်နည်းပြီး အင်ပြင်ထတာကိုဖြစ်စေပြီး တယောက်မှ ပန်းနာမဖြစ်ပါလို့ပါတယ်။ “ပန်းနာထတာ၊ အလာဂျီရလို့ အင်ပြင်ထတာတွေဟာ ဟိုအသီး၊ ဒီအရွက်စားမိလို့ဆိုပြီး အလွယ်ထင်တာတွေ မမှန်ဘူး” လို့ ထောက်ပြလိုက်တာဖြစ်ပါတယ်။

- Red No. 3 အနီရောင် နံပါတ် (၃) ကိုတော့ ၁၉၉ဝ ခုနှစ်မှာ လည်ပင်းကြီးအကျိတ် (ကင်ဆာ) ဖြစ်နိုင်တယ်ဆိုပြီး ညွှန်ကြားချက်အရမဟုတ်ဘဲ ရောင်းကုန်ကနေ ဖျက်သိမ်းလိုက်ပါတယ်။ FDA ကတော့ ခုထိ တရားဝင်မဖြုတ်သေးပါ။

Spa ခေါ်တဲ့ရေချိုးခန်းတွေမှာ ကိုယ်ခန္ခာကို ကျန်းမာရေးအရ ရွေးချယ်ထားတဲ့ အရောင်ရှိတဲ့ ကိုယ်ပတ်အဝတ်စသုံးတယ်။ တည်းခိုခန်းတွေ၊ ဟော်တယ်ခန်းတွေမှာ အပြင်အရောင်နဲ့ အတွင်းနံရံအရောင်တွေကနေ လူ့ ကိုယ်-စိတ်ကျန်းမာရေးကို သက်ရောက်စေတယ်။ ဆေးရုံတချို့မှာလဲ လူနာရောဂါအလိုက် အတွင်းနံရံအရောင်ကို မတူတာမှာ ထားတာမျိုးရှိတယ်။ သွေးအားနည်းနေသူကို ပန်းရောင်ရင့်ရင့်၊ ဒါမှမဟုတ် အနီရောက်ခန်းမှာထားတယ်။

လေ့လာမှုတွေ သုတေသနတွေက အများဆုံးက အမေရိကားကနေလုပ်တာများလို့ သူတို့ဆီကလူတွေရဲ့ ကိုယ်-စိတ် ကျန်းမာရေးကို ထင်ဟပ်ပါတယ်။ လူတွေဟာ အကြိုက်မတူတာမှ မျိုးနဲ့ရိုးနဲ့ဆိုတယ်လို့ပြောတာ အင်မတန်မှန်တယ်။ မြန်မာလူမျိုးတွေအကြိုက်နဲ့ တန်ဘိုးတားမှုတွေဟာ သီးခြားသဘောရှိတယ်။ တောင်အာရှ (အိန္ဒိယ၊ ပါကစ္စတန်၊ ဘင်္ဂလားဒက်၊ သီရိလင်္ကာ၊ နီပေါ) ကလူတွေမှာ သီးခြားအကြိုက်တွေရှိတယ်။ အရှေ့တောင်-အာရှထဲမှာတောင်မှ (မြန်မာ၊ ထိုင်း၊ ဗီယက်နမ်၊ ကမ္ဘောဒီယား) တွေက ခပ်တင်တင်တူကြပေမဲ့ တရုပ်လွှမ်းမိုးမှု မနည်းလှတဲ့ မလေးရှားနဲ့ စင်္ကာပူမှာကတမျိုး၊ မွတ်ဆလင်ကြီးစိုးတဲ့ အင်ဒိုနီးရှား၊ ဘရူနိုင်းတွေက တဘာသာရှိကြတယ်။

မြန်မာလူမျိုးတွေက သင်္ကန်းရောင်ကို လူဆိုရင်ဘယ်သူမှ မဝတ်ကြပေမဲ့ အိန္ဒိယမှာ ယောက်ျားခေါင်းပေါင်းရော မိန်းမဆာရီတွေဟာ သင်္ကန်းရောင်အတိုင်းပါ။ မွတ်ဆလင်တွေက အစိမ်းရင့်ရောင်ကို ဘာသာရေးအတွက် ထားတယ်။ တရုပ်တွေက အနီ၊ အဝါနဲ့ ရွှေရောင်ကိုကြိုက်တယ်။

အကြိုက်မတူတော့ ဖြစ်တာလဲမတူ၊ ကုစားရာမှာ အရောင်သုံးရတာလဲ မတူနိုင်ပါ။ ဒါပေမဲ့ သွေးဆိုတာ အောက်စီဂျင် ပြည့်ဝနေရင် အားလုံးဟာ Bright red နီရဲရဲချည်းသာ ဖြစ်ပါတယ်။

ဒေါက်တာတင့်ဆွေ

၁၆-၆-၂ဝ၁၃

Antibiotics and Skin infections ပဋိဇီဝဆေး နဲ့ အရေပြားအနာများ

(က) ပဋိဇီဝဆေး တကယ်လိုပါသလား

၁။ အနာမရှိသေးပဲ ပဋိဇီဝဆေးသောက်ပေမဲ့ ပိုးဝင်မှာကို အကာကွယ်မပေးနိုင်ပါ။

၂။ အနာမှာ ဆိုးဝါးတဲ့ပိုးအမျိုးအစားဖြစ်တဲ့ MRSA (ဆူပါဘတ်ခ်) တွေ့တယ်ဆိုအုံးတော့ ပဋိဇီဝဆေး လိုချင်မှ လိုပါမယ်။ ဆရာဝန်ကနေ ပြည်ခွဲထုတ်ပေးတာ လိုနိုင်ပါတယ်။ ကိုယ်ကိုယ်တိုင် အနာပြည်မခွဲပါနဲ့။ သွေးထဲပိုးဝင်တာဖြစ်စေနိုင်တယ်။

(ခ) ပဋိဇီဝဆေးကို ဘယ်လိုသောက်ရမလဲ

၁။ သင့်တော်မှန်ကန်တဲ့ ပဋိဇီဝဆေး ရွေးဘို့လိုပါမယ်။ ပဋိဇီဝဆေးတွေက မတူကြပါ။

၂။ သက်သာလာပြီဖြစ်လာပေမဲ့ ပဋိဇီဝဆေးကို ဆေးပါတ်မကုန်ခင် ရပ်မပြစ်ပါနဲ့။ ပိုးတွေအကုန်ရှင်းအောင် ဆေးဆက်သောက်ရမယ်။ ဆေးနည်းနည်းလေးနဲ့ ပိုးအားလုံး မသေတဲ့အပြင် ဆေးယဉ်ထာ ဖြစ်လာစေနိုင်တယ်။

၃။ ပဋိဇီဝဆေးအရွေးမှန်တာအပြင် ဆေးအလေးချိန်မှန်ရမယ်။ ဆေးသောက်ရမဲ့ရက် သတ်မှတ်ချက်လည်း မှန်ရမယ်။

(ဂ) ပဋိဇီဝဆေးတွေကို ပိုးမယဉ်အောင် ဘယ်လိုလုပ်ရမလဲ

၁။ ပဋိဇီဝဆေးအသောက်ခင် ဆရာဝန်ပြပါ။

၂။ ဆရာဝန်ကိုလည်း ကိုယ့်ကို ပဋိဇီဝဆေးရေးပေးပါလို့ မပြောပါနဲ့။

၃။ ဆေးသောက်နေရင်း ၂-၃ ရက်မှ သက်သာတာဖြစ်မလာရင် ဆရာဝန်ဆီပြန်ပြပါ။ ဆရာဝန်က ဆေးပြောင်းပေးချင် ပေးပါမယ်။

၄။ ပဋိဇီဝဆေးသောက်ရင်း နေမကောင်းတာဖြစ်လာရင် ဆရာဝန်ကိုပြန်ပြောပါ။ ဘေးထွက်-ဆိုးကျိုးကြောင့်လည်း ဖြစ်နိုင်တယ်။

၅။ သူများတွေကိုလည်း ပဋိဇီဝဆေးအကြောင်း ပညာပေးပါ။

• Antibiotics for Acne ဝက်ခြံအတွက် ပဋိဇီဝဆေးများ http://dts-medicaleducation.blogspot.com/2011/05/antibiotics-for-acne.html

• Antibiotics for Viral Infections ပဋိဇီဝဆေး ကောင်းကျိုး-ဆိုးကျိုး http://dts-medicaleducation.blogspot.com/2011/11/19-11-2011-taking-antibiotics-for-viral.html

• Antibiotics ပဋိဇီဝဆေးများ http://dts-medicaleducation.blogspot.com/2011/03/antibiotics.html

• Amoxicillin အမောက်ဆာစလင် http://dts-medicaleducation.blogspot.com/2009/07/amoxicillin.html

• Azithromycin နဲ့ Ofloxacin ပဋိဇီဝဆေးများ http://dts-medicaleducation.blogspot.in/2012/06/azithromycin-ofloxacin.html

• Medicine for Diseases of Skin အရေပြားပေါ်ဖြစ်သည့် ရောဂါဆေးများ http://dts-medicaleducation.blogspot.com/2010/06/medicine-for-diseases-of-skin.html

ဒေါက်တာတင့်ဆွေ

၆-၄-၂ဝ၁၃

၀စေတတ်သောအကြောင်းရင်းများ

အကယ်၍သင်ဟာနေ့စဉ်ကယ် လိုရီများများပါတဲ့ အစားအစာတွေ စားပြီးလေ့ကျင့်ခန်းပုံမှန်မလုပ်ဘူးဆို ရင်တော့ ဝလာတာမထူးဆန်းပါဘူး။ ဒါပေမယ့်သင်ဘာတွေကိုပဲနေ့စဉ်လုပ် နေရင်ကိုယ်အလေးချိန် တက်လာစေ တယ်ဆိုတာသိသင့်ပါတယ်။

၁။ ကောင်းစွာမအိပ်ခြင်း

ကောင်းစွာမအိပ်ခြင်းကြောင့် ဝိတ်တက်စေတာ အချက်(၂)ချက်ရှိ ပါတယ်။ တစ်ချက်ကတော့နောက်ကျ မှ အိပ်လျှင် ညဖက်အစာစားဖြစ်ဖို့ အခွင့်အလမ်း ပိုများပါတယ်။နောက် တစ်ချက်ကအိပ်ရေးပျက်ရင်ဟော်မုန်း ပြောင်း၍ ဆာလောင်မှုကို တိုးပွားစေ ပါတယ်။

၂။ စိတ်ဖိစီးမှု

စိတ်ဖိစီးမှုကြောင့် "Cortisol"

လို့ခေါ်တဲ့ဟော်မုန်းထွက်ပြီး ၎င်းကဆာ လောင်မှုကိုအားပေးပါတယ်၊ဒါကြောင့် စိတ်ညစ်ရင်အစားပိုစားတတ်ပါတယ်။

၃။ စိတ်ကျ၍ သောက်သောဆေး

(Antidepressants)

၎င်းဆေး၏ ဘေးထွက်ဆိုးကျိုး တစ်ခုကတော့ရေရှည်သုံးစွဲသူ၏၂၅% က ဝိတ်တက်လာပါတယ်။ အကယ်၍ သင်ဟာ၎င်း ဆေးများသောက်၍ ဝိတ် တက်လာသည်ဟုထင်ပါက သင်၏ ဆရာဝန်ကိုဆေးပြောင်းပေးဖို့ပြောပါ။ ဒါပေမယ့် ၎င်း ဆေးသောက်ပြီး စစ ချင်းဝိတ်တက်လာတာတော့ မဆန်းပါ ဘူး။ စိတ်ကျသူတွေဟာ အစာစားမှု နည်းပြီးဆေးသောက်လိုက်၍ ပုံမှန် အတိုင်း စားသောက်သောကြောင့် ဝိတ်ပြန်တက်လာတာပါ။

၄။ စတီးရိုက် (Steroid) ဆေး

Prednisolone ကဲ့သို့သော Sterod ဆေးဟာ ကိုယ်တွင်းအရည် များထိန်းသိမ်းထားခြင်း၊

အစာစားစေ ခြင်းတို့ကြောင့်ဝိတ်တက်လာပါတယ်။ သို့သော်ဝိတ်တက်စေမှုအနည်းအများ ကတော့ဆေးပမာဏနှင့်သုံးစွဲချိန်ကြာ မြင့်မှုတို့အပေါ်မူတည်ပါတယ်။

၅။ ဝစေတတ်သောရောဂါ

ဥပမာ - Cushing's syndrome မမျိုးဥတွင် အရည်အိတ်များ ဖြစ်စေ သော ရောဂါလက္ခဏာစု (PCOS)

Cushing's syndrome ဆို တာ အထက်မှာ ဖော်ပြထားတဲ့ Cortisol ဟော်မုန်းအထွက်များလို့Steroid ဆေးတွေ ရေရှည်သုံးစွဲလာ လို့ဖြစ်တဲ့ရောဂါပါ။ PCOS ကတော့ အမျိုးသမီးလူလတ်ပိုင်းတွေမှာ ဖြစ် တတ်ပါတယ်။ဟော်မုန်းမညီမှုကြောင့် ဓမ္မတာမလာခြင်းနှင့်အတူအမွှေးအမျှင် များလာခြင်း၊ ဝက်ခြံထွက်လာခြင်း၊ ဓမ္မတာမမှန်ခြင်းတို့နဲ့တွဲတတ်ပါတယ်။

၆။ ဆေးလိပ်

ဆေးလိပ်မှာပါတဲ့ နီကိုတင်းဟာ သင့်ခန္ဓာကိုယ် ဇီဝဖြစ်စဉ်၏ ချေဖျက် မှုကို လျော့နည်းစေပါတယ်။

အဆီများသော အစားအစာ အချိုများသော အစားအစာကို ပိုမို စားသုံးစေပါတယ်။

အကယ်၍ ဝိတ်တက်လာလျှင် - ယခုသောက်နေသော ဆေးကို ဆရာဝန်ညွှန်ကြားချက်မပါဘဲ မရပ် လိုက်ပါနှင့် ယခုသောက်နေသော ဆေးသည် သင့်အတွက် မည်မျှအရေး ကြီးသည်ကို သတိပြုပါ။

ဆေးတွေ၏ ဘေးထွက်ဆိုးကျိုး သည် အခြားလူနှင့် ယှဉ်၍မရပါ။ အခြားလူတွင် ဝိတ်မတက်ပေမဲ့ မိမိတွင် ဝိတ်တက်စေတတ်ပါတယ်။

ဆေးကြောင့် ကိုယ်တွင်းအရည် များထိန်းသိမ်းထား၍ ဝိတ်တက်လာ သည်ဟုဆိုသော်လည်း မကြောက်ပါ နှင့် ဒါဟာ အမြဲတမ်းမဖြစ်ပါဘူး။ သင့်ရောဂါကြောင့် ဆေးသောက်ပြီး (သို့)ဆရာဝန်၏ညွှန်ကြားချက်အတိုင်း လိုက်နာသွားလျှင် နဂိုအတိုင်း ပြန်ဖြစ် နိုင်ပါတယ်။ ဆားပါဝင်မှုနည်းသော အစားအစာများ စားသုံးပါ။

ရဲထွေး

GOOD HEALTH

ကင်ဆာ နှင့် အာဟာရ ( ကင်ဆာဝေဒနာရှင်များ အတွက် သိသင့်သည် )

ကင်ဆာနှင့် ကင်ဆာကုထုံးအချို့တွင် အစားအစာနှင့် ဆက်နွှယ်သော ဆိုးကျိုးများ ကြုံတွေ့ရနိုင်သည်။ အစာအာဟာရသည် ကင်ဆာရောဂါ ကုသမှုတွင် အရေးကြီးသော ကဏ္ဍမှ ပါဝင်သည်။

ကင်ဆာရောဂါ မကုသမီ၊ ကုသစဉ်နှင့် ကုသပြီးကာလများတွင် ကျန်းမာရေးအတွက် အထောက်အကူဖြစ်အောင် အစားအစာကို မှန်ကန်စွာ စားသုံးရန်လိုအပ်သည်။ အခြေခံ အာဟာရခြောက်မျိုးမှာ ကစီဓာတ်၊ အဆီဓာတ်၊ ပရိုတင်းဓာတ်၊ ဗီတာမင်များ၊ သတ္တုဓာတ်များနှင့် ရေ (Carboyhydrate, Fat, Protein, Vitamin, Minerals and water) တို့ဖြစ်သည်။

အစားအစာ စားသုံးမှုအတွက် အန္တရာယ်ဖြစ်စေတတ်သော လက္ခဏာအချို့မှာ အစားအစာ မစားလိုခြင်း၊ ပျို့ချင်အန်ချင်စိတ် ဖြစ်ပေါ်ခြင်း၊ အန်ခြင်း၊ ဝမ်းပျက်ဝမ်းလျှောဖြစ်ခြင်း၊ ပါးစပ်၌ အနာများဖြစ်ခြင်း စသည်တို့ဖြစ်သည်။ အစာမျိုချရာတွင် ခက်ခဲခြင်းနှင့် နာကျင်မှုတို့သည်လည်း အစားအစာ စားသုံးမှုအတွက် အဟန့်အတားဖြစ်စေသည်။

အစားအစာ စားသုံးရာတွင် အရသာရှိမှု၊ အနံ့အသက် နှစ်လိုဖွယ်ရာဖြစ်မှုနှင့် စားလိုစိတ်တို့ ပြည့်စုံမှသာလျှင် အစားအစာ စားသုံးခြင်းအတွက် အဆင်ပြေမည်ဖြစ်ပြီး စားသုံးလိုက် သော အစားအစာများကို အစာအိမ်နှင့် အူလမ်းကြောင်းမှ ချေဖျက်စုပ်ယူပြီး ခန္ဓာကိုယ် အတွက် အာဟာရ ဖြစ်စေနိုင်မည် ဖြစ်၏။

အာဟာရချို့တဲ့ခြင်းသည် ကျန်းမာရေးကို ယိုယွင်းစေမည်ဖြစ်၏။ အားအင်ယုတ်လျော့ ခြင်း၊ မောပန်းခြင်း၊ ရောဂါများကို ခံနိုင်ရည်မရှိခြင်း၊ ကင်ဆာလူနာများအတွက် ကင်ဆာကုထုံးများအပေါ် ခံနိုင်ရည်မကောင်းခြင်း စသည်တို့ဖြစ်စေနိုင်သည်။

အစားအစာ စားသုံးရာတွင် စွမ်းအင်လုံလောက်မှု မရှိခြင်းသည်လည်းကောင်း၊ ပရိုတင်းဓာတ်ချို့တဲ့ခြင်းသည်လည်းကောင်း၊ ကင်ဆာရောဂါကုသရာတွင် အခက်အခဲများဖြစ်သည်။

ကင်ဆာလူနာများတွင် အာဟာရ ချို့တဲ့မှု အဓိကဖြစ်ကြရသည်မှာ. . .

(က) အစားအစာစားလိုစိတ် မရှိခြင်းနှင့်

(ခ) ခန္ဓာကိုယ် အထွေထွေယိုယွင်းလာမှုတို့ကြောင့်ဖြစ်သည်။

ကင်ဆာရောဂါ၏ အာဟာရအပေါ် အကျိုးသက်ရောက်မှုများ

ကင်ဆာကလာပ်စည်းများသည် ဓာတုပစ္စည်းတချို့ထုတ်လုပ်ပေးသည်။ ယင်းဓာတုပစ္စည်း များမှာ ခန္ဓာကိုယ်၏ အာဟာရတချို့ သုံးစွဲမှုကို ပြောင်းလဲပစ်နိုင်သည်။ ဥပမာ အစာအိမ်နှင့် အူလမ်းကြောင်း ကင်ဆာရောဂါများသည် ကစီဓာတ်၊ အဆီဓာတ်နှင့် ပရိုတင်းဓာတ်တို့အား ခန္ဓာကိုယ်မှ အသုံးပြုမှုအပေါ် ပြောင်းလဲသွားစေတတ်သည်။

အချို့သော ဆေးဝါးများသည် ကင်ဆာရောဂါ ဝေဒနာလက္ခဏာများကို သက်သာစေ သော်လည်း ခန္ဓာကိုယ်အလေးချိန်ကျစေမှု (Weight Loss) ဖြစ်စေသည်။ ကင်ဆာ ရောဂါကို စတင်ကုသချိန်၌ အစားအစာစားသုံးမှုကို ထိခိုက်စေပြီး ကိုယ်အလေးချိန် ကျဆင်းသွားစေသည်။ ထို့ကြောင့် ကင်ဆာရောဂါကုသချိန်ကာလတွင် အာဟာရ ကျွမ်းကျင် ပညာရှင်များ၏ အကူအညီဖြင့် အစားအစာ စားသုံးမှုကို ဂရုစိုက်ရန် လိုအပ်သည်။

ကင်ဆာရောဂါကုထုံးများ၏ အာဟာရအပေါ် အကျိုးသက်ရောက်မှုများ

ခွဲစိတ်ကုသခြင်းသည် ခန္ဓာကိုယ်၏ အာဟာရနှင့် စွမ်းအင်လိုအပ်ချက်ကို ပိုမိုမြင့်မား စေသည်။ ထို့ကြောင့် စွမ်းအင်အပိုရရှိရန်နှင့် အာဟာရပြည့်စုံလုံလောက်ရန် အရေးကြီး ပါသည်။ ခွဲစိတ်ကုသခြင်း မပြုမီမှာပင် လူနာအား အာဟာရချို့တဲ့မှု ကင်းစေရန် ဆောင်ရွက်ပေးရမည်။ အာဟာရအခြေအနေအကောင်းမွန်ဆုံးရှိပါက ခွဲစိတ်ကုသမှု အတွက် အောင်မြင်မှုနှင့် အကျိုးရလဒ်ကောင်းရရှိစေမှုတို့ ဖြစ်စေသည်။

ကင်ဆာရောဂါကို ဆေးဝါးများဖြင့် ကုသခြင်း (Chemotherapy) ၌လည်း အာဟာရ အရေးကြီးသည်။ ဆေးဝါးများလျှင် ကင်ဆာကလာပ်စည်းများ အပါအဝင် အလျင်အမြန် ပွားများတတ်သောကလာပ်စည်းကို ဖိနှိပ်တိုက်ဖျက်သည်။ ထို့ကြောင့် ပါးစပ်နှင့် အစာလမ်းကြောင်း၌ ထိခိုက်မှုဖြစ်စေသည်။ ထိုမှတစ်ဆင့် အစားအစာစားသုံးမှုနှင့် အာဟာရရှိမှုတို့အတွက် အဟန့်အတားဖြစ်စေသည်။

ရိုးတွင်းခြင်ဆီ အစားထိုးကုသမှုနှင့် စတမ်းဆဲလ်အစားထိုးကုသမှု (Bone Marrow and Stem cell Transplantion) တွင် အာဟာရနှင့်ပတ်သက်၍ အစားထိုး လိုအပ်ချက်များစွာ ရှိသည်။ ဤကုထုံးတွင် လူနာအချို့၌ အစားအစာ စားသုံးမှုနှင့် ချေဖျက်စုပ်ယူမှုတို့၌ ယိုယွင်းမှုများ တွေ့ရသည်။

လူနာတစ်ဦးချင်းစီအလိုက် အာဟာရ၏ လွှမ်းမိုးမှုကွဲပြားခြားနားကြောင်း တွေ့ရသည်။ အာဟာရသည် အကျိုးရလဒ်ကောင်းများ ဖြစ်ထွန်းစေသည်။ သို့သော် တချို့သော အစားအစာများက ဆိုးကျိုးအန္တရာယ်ဖြစ်စေနိုင်သည်။Health — with အိမ့် မှူး ခင့်, Kyaw San and Tin Nwe Oo Mon

ရိုးရာအစဉ်အလာ အနာပေါက်ဆေးချက်များ

အနာပေါက် ရောဂါကု ဆေးပညာသည် မြန်မာနိုင်ငံ ရှေးခေတ် များစွာ ကတည်းက ထွန်းကား ခဲ့ပါသည်။ မြန်မာ့ တို့၏ ရောဂါ ကာကွယ်ရေးစနစ်၊ ကုသရေးစနစ် များတွင် အမြစ်တွယ်၍ မိရိုးဖလာ အသုံးနှုန်းများ၊ အလေ့အကျင့် များပင် ဖြစ်ခဲ့သည်။ မန်းဆေး၊ ငန်းဆေး၊ ရှာပွတ်ဆေး စသည့် အသုံးနှုန်း တို့သည် ရှေးမြန်တို့ အတွက် ယဉ်ပါးနေသော အခေါ် အဝေါ်များ ဖြစ်သည်။ လက်ရှိ အနာပေါက် ကုသရေး စနစ်များတွင် ထိုရိုးရာ အစဉ်အလာ အနာပေါက် ဆေးချက် များကို ပါဝင်လာစေရန် ရည်ရွယ် ပါသည်။ သို့ရာတွင် ခေတ်နှင့် မဆီ လျော်သော ရှေးရိုး စဉ်လာ ဆေးချက် များကို ပုံတူကူးချရန် မသင့်တော်ပါ။ ခေတ်နှင့် လျော်ညီရန် ပြုပြင် မွမ်းမံ၍ သက်သေ အထောက် အထားပြု အနာပေါက် ကုသမှု ပညာအထိ တိုးတက် လာစေရန် အတွက် အစဉ်အလာ ကောင်း အနာပေါက် ဆေးချက်များကို ဖော်ထုတ် လိုရင်း ဖြစ်ပါသည်။

ပူပွင့် မန်းဆေးငန်းဆေး

တိုင်းရင်းဆေးပညာ အခေါ်အဝေါ် ဥဏှအာကာသ ဆေးတိုက်ကျွေး အသုံးပြုသော နည်းစနစ် ဖြစ်ပါသည်။ ပူ၍ပွင့်သော ဆေးဝါး၊ ဆေးပစ္စည်းများကို အနာမန်းဆေးအဖြစ် လူထု အတွင်း ကျယ်ပြန့်စွာ အသုံးပြုကြသည်။ ကျောက်တို့ သခင် မိုးနံပင်ဟု လည်းကောင်း၊ မြင်းမ မိုးဗောက် မိုးကိုဖောက် ဟူ၍ လည်းကောင်း ပူပွင့်သော ဆေးပွင့်တို့ကို မန်းဆေး အဖြစ် အသုံးပြုကြပါ သည်။ ရှေးယခင်က ညှော်မိ၍ သတိလစ် မေးခိုင်သည့် အရေးပေါ် အခြေအနေတွင် ရေးနံချေးကို အရည်ဖျော်၍ တိုက်ကျွေး အသုံးပြုခဲ့ကြ သည် “ပူပွင့်” ဆေး ကို မန်းဆေးအဖြစ် တွင်ကျယ်စွာ အသုံးပြုကြသည်။ တိုင်းရင်း ဆေးခန်းသုံး ဆေးများတွင် ဆေးပုလဲ ကလာပ်၊ မဒဲမြင့်မိုရ် ကုန်းဆေး၊ လေးညှင်း ကလာပ်ဆေး တို့ကို ပူပွင့် မန်းဆေး အဖြစ် အသုံး များခဲ့ ကြသည်။

အနာပေါက်ကု အေးပွင့်ဆေးချက်

အထက် ဖော်ပြသည့် အတိုင်း ပူပွင့်ဆေးကို အသုံးများ သော်လည်း လူထုအတွင်း ကျန်ရှိနေသော ရိုးရာ အလေ့အထ တစ်ခုမှာ နူးညံ့သော ကလေးအရွယ်တွင်သနပ်ခါး သွေးတိုက်ခြင်း၊ ရေချိုးပြီး သနပ်ခါးသွေးရည် ခွံ့ကျွေးခြင်း အလေ့အထများ ရှိခဲ့ပါသည်။ ထိုအလေ့ အကျင့် မှာ ပထဝီ အင်အား နည်းသော၊ နုနယ်သော အချိန်တွင် အေးပွင့်အေးခါး တိုက်ကျွေးမှုသည် အနာပေါက်ရောဂါများ ကာကွယ်ကုသမှု ပညာတွင် ထင်ရှားသော အထောက်အထားဖြစ်သည်။ ထို့အပြင် ရောဂါဖြစ်စအခြေအနေ၊ အနာနုနယ်သော အခြေအနေ၊ အားနည်းသော အခြေအနေ တို့တွင် သီတအာကာသ ဆေးဖြင့် ကုသသော နည်းအဖြစ် အသုံးပြုနိုင်သည်။ကလေးအရွယ်သာမက မည်သည့် အရွယ်မဆို အထက်ပါ အခြေအနေ တွေ့ရှိနေရလျှင် ကုသနိုင်သော နည်းစနစ်ဖြစ်သည်။ အနာမန်းဝင်၍ သတိလစ်သော အခြေအနေ တွင် အေးပွင့်ဖြစ်သော ပေါက်ပန်းဖြူပွင့် ပြုတ်ရည် ပူပူကို တိုက်ကျွေးသော သာဓက များလည်းရှိသည်။

ဆေးဖက်ဝင် အပင်များ အနေဖြင့်

သနပ်ခါးရွက် သတ္တုရည်၊ သနပ်ခါးအမြစ်ခေါက်၊ ကန့်ကလာပြုတ်ရည်၊ စူလာနဖာပင်ပြုတ်ရည်တို့သည် သီတအာကာသ မန်းဆေးအဖြစ် ကျော်ကြား လှပါသည်။ ဟလ္လိဒ္ဒစုဏ္ဏဆေး၊ ငန်းနက်ကျော်၊ စတုရင်္ဂဆေး တို့မှာ သီတ အာကာသ ဦးဆောင်သော မန်းဆေး၊ ငန်းဆေးများ ဖြစ်သည်။ အရပ်သိ အပူမန်းဆေး သမားသိ အအေးမန်းဆေး သို့ ပြောင်းလဲ သိရှိလာမှု ဖြစ်ပါသည်။

ပူပွင့်မှ ပူတက်ပွင့်သို့

ဓာတ်ဖြောင့်နာများတွင် ပူပွင့်သာမက အပူကို မြဲမြံစေပြီး အတွင်း ပထဝီအား ကောင်းစေသော မန်းဆေးများ အဖြစ် ဥဏှပထဝီ အာကသ ဖြစ်စေသော လျှာပွတ်ဆေး၊ မန်းဆေးငန်းဆေးတို့ကိုလည်း သုံးစွဲသော ရိုးရာဓလေ့လည်း ရှိပါသည်။ ဇာသီး၊ ဇာပွင့် ကဲ့သို့သော ဆေး၊ နနွင်းပါသောဆေး၊ လေးညှင်း နံ့သာဖြူ ကဲသော ဆေးတို့ကို လျှာပွတ်ဆေးအဖြစ်လည်းကောင်း၊ မန်းဆေး ငန်းဆေး အဖြစ် လည်းကောင်း သုံးစွဲခဲ့ကြသည်။ ဘုန်းကြီးဘိုး လျှာပွတ်ဆေး၊ မောရိယ မန်းဆေး၊ အနုမြူ မန်းဆေး၊ နန်းတွင်း လျှာပွတ်ဆေး တို့သည် ပူတက်ပွင့် မန်းဆေးများ ဖြစ်ကြသည်။ အနာမှန်သမျှ အအေး အကြောင်းခံ၍ အာဗန္ဓန ဖြစ်သည်ဟူသော အယူအဆကို အခြေခံ၍ အနာဖြစ်ပွားမှု မှန်သမျှကို ပူတက် ပွင့်တက် မန်းဆေးကို သုံးစွဲကြခြင်း ဖြစ်သည်။

အေးပွင့်မှ အေးတက်ပွင့်သို့

အထက်ပါနည်းစနစ်သည် အေးပွင့်ချက်ဆေးမှ တိုးတက် ပြောင်းလဲလာသော နည်းစနစ် ဖြစ်သည်။ အရပ်သုံးအနေဖြင့် တပင်တိုင် မြနန်း ဦးဆောင် ပါဝင်သောဆေး၊ က္ကဿရမူလီ အမြစ်ကဲဆေးတို့ကို တွေ့ရှိရပါသည်။ အကြိတ်ကြေ မန်းဆေး အဖြစ် အသုံးပြုသော စနစ်ဖြစ်ပါသည်။ အေး၍ ပထဝီဖြစ်စေပြီး အာကာသဦးဆောင်သော ဆေးဖက်ဝင် ဆေးနည်းများကို သုံးစွဲကြပါသည်။တချို့တိုင်းရင်းဆေးအနာပေါက် ရောဂါကု တိုင်းရင်းဆေး ဆရာများသည် ဖေါ်ပြပါ နည်းစနစ်ကို တိုင်းရင်းဆေးခန်းသုံး ဆေးများကိုလည်းကောင်း၊ ထိုဆေးများကို ဝိဇ္ဇာဓရ ဆေးများဖြင့် တွဲဖက်ပြီး အာနိသင် ထက်မြတ်စေရန် အသုံးပြုကြသည်။ သည်းခြေဆေး (သို့မဟုတ်) အပူငြိမ်း သွေးဆေးနှင့် ဟလ္လိစုဏ္ဏဆေး၊ သေမှ ပုတိက ဆေးသည်းခြေဆေး (သို့မဟုတ်) အပူငြိမ်းသွေးဆေးနှင့် ဝါဠုက အချဉ်ဆေး (သို့မဟုတ်) (၄)ပါးရှောင်ဆေး၊ စတုရင်္ဂ (သို့မဟုတ်) ဟင်းရိုင်းနီ

အပူတလှည့် အအေးတလှည့် ဆေးချက်၊ ဇိရဏ တေဇောဖြစ်စေသော ဆေးချက်

အနာအကြိတ်တို့ကို ရှေးယခင်က ဆေးဖက်ဝင် အရွက်၊ အခေါက်တို့ဖြင့် စည်းအုံ၍ ကုသပေးကြသည်။ ထိုသို့ကုသရာတွင် အအေးကြိတ် အနာများကို အပူဆေးရွက်၊ ဆေးမြစ်၊ ဆေးခေါက်တို့ဖြင့် အုံစည်း လိမ်းကျံ ပေးခြင်း၊ အပူအကြိတ် နာများကို အအေးဆေးရွက်၊ ဆေးမြစ်၊ ဆေးခေါက်တို့ကို အသုံးပြုသော ကုထုံးများ ရှိခဲ့ပါသည်။ ယခု နည်းစနစ်မှာ အနာအကြိတ်များကို ကုသရာတွင် အပူတစ်လှည့်၊ အအေးတစ်လှည့် အသုံးပြု၍ ရုပ်တို့ကို ရင့်ကျက် ပျက်စီး စေသော ဇိရဏတေဇော ဝင်ရောက်လာစေရန် အသုံးပြုသော နည်းစနစ် ဖြစ်ပါသည်။ အနာအကြိတ်တို့ကို ကုသရာတွင် အပူတစ်လှည့် အအေး တစ်လှည့် အသုံးပြု၍ ရုပ်တို့ကို ရင့်ကျက်ပျက်စီးစေသော ဇိရဏ တေဇော ဝင်ရောက် လာစေရန် အသုံးပြုသော နည်းစနစ် ဖြစ်ပါသည်။ အနာအကြိတ်များကို အအေး ဆေးဖက်ဝင်များ ဖြစ်သော ကန်စွန်းရွက်၊ သဘောၤရွက်၊ မန်းသုံးခွရွက်၊ ကျောက်ဖရုံသီး၊ သနပ်ခါးရွက်၊ သနပ်ခေါက်၊ အပူ ဆေးဖက်ဝင်များ ဖြစ်သော တမာရွက်၊ ချင်းစိမ်း၊ ခွေးတောက်ရွက်၊ ကိုရံကြီးရွက်၊ ကွမ်းရွက်တို့ကို တစ်ရက်အတွင်း နံနက်၊ ည တစ်လှည့်စီ (သို့) တစ်ရက်ခြားစီ၊ နှစ်ရက်ခြားစီ စသည်ဖြင့် အပူတစ်လှည့် အအေးတစ်လှည့် အသုံးပြုသော ကုထုံးဖြစ်သည်။အချို့ကုထုံးများတွင် အအေး တစ်လှည့်၊ အပူ တစ်လှည့် စည်းအုံရမည့် အစား အပူဆေး ဖက်ဝင်၊ အအေး ဆေးဖက်ဝင် တစ်ခုခုကို လိုအပ်သလို သင့်ရုံကဲ၍ အပူအအေး (၂)မျိုး စလုံးရောစပ် အသုံးပြုသည့် ကုထုံးများလည်း ရှိပါသည်။ဥပမာ ချဉ်ပေါင်ရွက်နှင့် ဆေးအမှတ် (၄၇) ရှားစောင်း လက်ပတ်နှင့် (၂၉) သို့မဟုတ် (၄၇) ကိုရံကြီး ရွက်ကို ထောပတ်ဆီ လိမ်း၍ ကပ်ခြင်း၊ သောက်ဆေး အနေဖြင့် (၆+၂၃)၊ (၆+၂၄) စသော အကြောင်းကွဲ အကျိုးတူ ဆေးချက်ပေးပြီး ညပိုင်းတွင် လေကြေလေသက် ဆေးချက်များ ပေးကျွေးကုသပါသည်။

ဆေးချက်အပူ-ဓာတ်စာအအေး၊ ဆေးချက်အအေး-ဓာတ်စာအပူ

အနာ အကြိတ်များ လျှင်မြန်စွာ ကြေစေရန် ဝိရောဓိကုထုံး ဖြစ်သည်။ အဓိက အသုံးအများဆုံး ပုံစံမှာ သောက်ဆေး ဥဏှ ပထဝီ အာကာသ ဆေး၊ ဥဏှ အာကာသ ဆေးတိုက်ပြီး ဓာတ်စာကို အေးသက် ပေးကျွေးခြင်း ဖြစ်သည်။ ဥပမာ သောက်ဆေး ၂၃+၂၄ ကို ကျောက်ဖရုံသီး ဟင်းခါး ဓာတ်စာနှင့် တွဲဖက်ခြင်း

ပူမာတင်းကြီး၊ အနာအကြိတ်ဆေးချက်

အနာအကြိတ်နာ၏ အခြေအနေမှာ ကက္ခဠ အခြေအနေဖြစ်ပါသည်။ အတွေ့အထိအားဖြင့်ပူခြင်း၊ မာကြောခြင်း၊ အပူလိမ်းဆေး လိမ်းလျှင်ပိုဆိုးခြင်း၊ ဆေးပူဆေးစပ်စားလျှင် ပိုဆိုးခြင်း လက္ခဏာများ ရှိပါသည်။

ကက္ခဠမှ ဗြူဟနသို့ ဗြူဟနမှ ပဂရဏသို့

ထိုသို့သော ကက္ခဠအခြေအနေတွင် ခ-၄ သို့ တိုက်ရိုက်ကုသမှုသည် ထိရောက်မှု မရှိပါ။ အာပေါဗြူဟန ဖြစ်စေသော ဆေးချက်များဖြင့် အကြောင်းငြိမ်းစေပြီး မုဒုပထဝီ ဖြစ်လာစေရန် လိုအပ်ပါသည်။ မုဒုပထဝီအခြေအနေသည် အာပေါဓာတ်ဝင်ရောက်ပြီး ဗြူဟနသို့ ပြောင်းလဲသော အခြေအနေဖြစ်သည်။ ထိုဗြူဟန အခြေအနေသို့ ရောက်မှ တိုက်ရိုက်ဆေးချက် (ခ-၄) ဆေးချက်ပေးပြီး အနာကြေစေသော ကုထုံး ဖြစ်သည်။

တိုက်ကျွေးသောဆေးများမှာ ပထမအဆင့် အာပေါဗြူဟနဖြစ်စေရန် သောက်ဆေး

သောက်ဆေး - ၁၆+၇၊ ၁၅+၇ စသောအေး၍ ပထဝီဖြစ် လေကြေလေသက်ဆေး၊ ဝမ်းမီးညံ့လျှင် သကြားကဲ အစာကြေဆေး ပေးရမည်။လိမ်းဆေး၊ စည်းဆေး - အာပေါဝင်ရောက်နိုင်သော ဆေးအေးများဓာတ်စာ - အာပေါဗြူဟန ဖြစ်စေသော နွားနို့၊ ထန်းလျက် တို့ကို ကျိုချက်ထားသော ဓာတ်စာဖြစ်ပေါ်လာသော လက္ခဏာ - အနာအကြိတ်အေးလာခြင်း/ အနာပျော့လာခြင်း/ နာကျင်မှု သက်သာလာခြင်း

ဒုတိယအဆင့် အာပေါပဂရဏဖြစ်စေရန်အတွက် သောက်ဆေး

အေးခါး၊ အေးပွင့်ဆေးများဖြစ်သည့် - ဟလ္လိစုဏ္ဏဆေး၊ သနပ်ခါး၊ က္ကဿရမူလီ၊ စူလာနဖာဓာတ်စာ - ကျောက်ဖရုံသီး ဟင်းခါး ဖြစ်ပေါ်လာသော လက္ခဏာများ - အနာအကြိတ် ပျောက်သွားခြင်း (Healing by Resolution) အနာပိန် ကျုံ လာခြင်း၊ အနာပြီထည့်၍ ဖောက်ခြင်း

တတိယအဆင့်

အနာမကြေသေးလျှင် အေးသက်ဆေးဖြင့် ဝမ်းနှုတ်ပေးနိုင်သည်။ အာပေါဓာတ်လွန်သွားပါက အပုတ်ချ ပူသက်ဆေး (၂၆)ဖြင့် ဝမ်းနှုတ်ပေးနိုင်ပါသည်။ အကြိတ်မကြေဘဲ အနာပြီတည်လာပါက ပြီပေါက်စေရန် ပူပွင့်ဆေး ပြောင်းလဲတိုက်ကျွေးရမည်။ သို့ရာတွင် ရက်ရှည် အသုံးမပြုသင့်ပါ။

အနာအကြိတ်ဖြစ်ခါစ၊ အေးကြေသက်ဆေးချက်

အနာအကြိတ် တစ်ခုခုဖြစ်လျှင် ပြီတည်နိုင်သော အနာနှင့် ပြီမတည်နိုင်သော အနာအကြိတ်အဖုဟူ၍ (၂)မျိုး ရှိနိုင်ပါသည်။ ပြီမတည်နိုင်သော အနာအဖု အနုစားတို့သည် သွေး (၃)ရက်၊ လေ (၄)ရက်၊ သည်းခြေ (၅) ရက် စုစုပေါင်း (၁၂) ရက်ပြည့်လျှင် ပျောက်ကင်းသည်ကို တွေ့ရှိရပါသည်။ ပြီတည်သော အနာများသည် ရှေ့ (၁၂)ရက်အပြင် နောက်ထပ်အပုတ် (၆) ရက်စုစုပေါင်း (၁၈)ရက်ကျော်မှ ပြီပေါက်၍ ရောဂါပျောက်နိုင်ပါသည်။ (၁၈)ရက် ကျော်လွန်ပြီး “လ” ချီ၊ “နှစ်” ချီ ကြာရှည်သော ဥတုကျော်အနာ၊ အကြိတ် နာများမှာ အနာဆိုး၊ အကြိတ်ဆိုးများဖြစ်သည်။

အနာအကြိတ်ဖြစ်ကာစ သွေး (၃)ရက်ကာလတွင် အေးသက်အာနိသင်ရှိသော ဝမ်းနှုတ်ဆေး တိုက်ကျွေးဝမ်းနှုတ်ခြင်း၊ အေးကြေသက်ဆေးများ တိုက်ကျွေးခြင်း တို့ဖြင့် အနာအကြိတ် ညှိုးခြောက်ကာ လျှင်မြန်စွာ ပျောက်ကင်းစေနိုင်သည်။ ဥပမာ-ကျောက်၊ ဝက်သက် အကြိတ်ပေါ်ကာစ အချိန်တွင် တိုင်းရင်း ဆေးခန်းသုံး အမှတ် (၈)နှင့် ဆေးအမှတ် (၉)ဖြင့် ဝမ်းနှုတ်ပေးနိုင်သည်။ ဆေးအမှတ် (၆)ကို ကင်ပွန်းချဉ် ပြုတ်ရည်ဖြင့် တိုက်ကျွေးခြင်း၊ ဆားငါးပါး သို့မဟုတ် ၁၁ ပါးဆေးကို နွယ်ချိုကဲဆေးဖြင့် ဆတူစပ်၍ ကင်ပွန်းချဉ် ပြုတ်ရည်ဖြင့် တိုက်ကျွေးကုသနိုင်သည်။ ဘင်္ဂလီဆားခါး၊ မြန်မာဆားခါးတို့ဖြင့် ဝမ်းနှုတ်ကုသနိုင်သည်။

နိဂုံး

ရိုးရာအစဉ်အလာ အနာပေါက် ကုသမှုများသည် ကျယ်ပြန့်ပြီး သိမ်မွေ့နက်ရှိုင်းလှပါသည်။ တင်ပြစရာ အချက်အလက်များ၊ ဖော်ထုတ်ရန် အချက်အလက်များ များစွာကျန်ရှိ နေပါသေးသည်။ အနာပေါက်ကု သမားတော်ကြီး ဆေးရုံအုပ်ကြီးဟောင်း မြန်မာ့နိုင်ငံ တိုင်းရင်းဆေးကောင်စီဝင်ဟောင်း ဆရာကြီး ဦးကျော်စိန်၏ ကုထုံးအချို့ကို ပေါင်းစပ်၍ ကျေးဇူးရှင် ကွယ်လွန်သူ သမားတော်ကြီးအား ဂါရဝပြုလျှက် ဤစာတမ်းငယ်ဖြင့် တင်ပြရခြင်း ဖြစ်ပါသည်။ အနာပေါက်ရောဂါ ကုသမှုတွင် တစ်စိတ်တစ်ဒေသကို အထောက်အကူ ပြုနိုင်ရန် ပြန်လည်ဖော်ထုတ်တင်ပြရင်း နိဂုံးချုပ်လိုက်ရပါသည်။ ဦးဝင်းနိုင်၊ မြန်မာ့တိုင်းရင်းဆေးဆရာအသင်း၊ မန္တလေးတိုင်းဒေသကြီး

နှလုံး ကျန်းမာရေး အတွက် သင်မသိ သေးသော နည်းသုံးမျိုး

နှလုံး ရောဂါ မျိုးရိုး ရှိတာက အနာ ဂတ်မှာ နှလုံး ကျန်းမာရေး အတွက် အရေးပါတဲ့ အခန်းကဏ္ဍ ကနေ ပါဝင် နေပေမယ့် ဘဝ နေထိုင် စားသောက်မှုပုံစံနဲ့ အာဟာရ စားသုံးမှု ဆိုင်ရာ အလေ့အထ တွေကလည်း နှလုံး ကျန်းမာရေးနဲ့ ဆက် စပ်မှုရှိနေပါတယ်။ ဆေးလိပ်ဖြတ်တာနဲ့ လေ့ကျင့်ခန်း လုပ်တာတွေ ကလည်း နှလုံး ကျန်းမာရေးကို ကောင်းမွန် စေတယ် ဆိုတာ သင်သိပြီးဖြစ်မှာပါ။ နှလုံးကျန်းမာ ရေးအတွက် ကောင်းမွန်ပေမယ့် သင်မ သိသေးလောက်တဲ့ နည်းသုံးမျိုးကို အကြံ ပြု ရေးသား လိုက်ရပါတယ်။

(၁) အမျှင်ဓာတ် မှီဝဲပါ

အမျှင်ဓာတ်ကို စားပေးတာက အစာခြေ စနစ် ကျန်းမာ တိုးတက်ရေး အတွက် ကောင်းတဲ့ အပြင် နှလုံးသွေးကြောဆိုင် ရာ ကျန်းမာရေးကိုလည်း ကောင်းမွန်စေ ပါတယ်။ သင့်အနေနဲ့ ဟင်းသီးဟင်းရွက် တွေနဲ့ အခွံ ချွတ်မထားတဲ့ ကောက်နှံစာကို စားပေးတဲ့နည်းနဲ့ အမျှင်ဓာတ် ကို အပြည့် အဝ ရရှိနိုင်ပါတယ်။

(၂) သရေစာကို မှန်မှန်ကန်ကန်စားပါ

သင်စားမယ့်သရေစာက သင့်နှလုံး အတွက် တကယ်ကို အကျိုးရှိရဲ့လား။ ထပ်ခါတလဲလဲ အသုံးပြုထားတဲ့ ဆီနဲ့ ကြော်ထားတဲ့ ဆီကြော်စာ၊ တာရှည်ခံ အောင် ပြုပြင်ထားတဲ့ အစာနဲ့ ထရန့်စ် ဖက်စ်များစွာ ပါဝင်တဲ့ အစာ(ဥပမာအာလူး ချောင်းကြော်)တွေကို စားမယ် ဆိုရင် နှလုံးကျန်းမာရေးကို ထိခိုက်စေ နိုင်ပါတယ်။ ဒါကြောင့် နှလုံးကျန်းမာ ရေး ကောင်းမွန်ဖို့အတွက် သစ်သီးတွေ၊ အခွံမာတဲ့ အစေ့အဆန်တွေ၊ ဟင်းသီး ဟင်းရွက်တွေနဲ့ တခြား ကျန်းမာရေးနဲ့ ညီညွတ်တဲ့ အစားအစာတွေကို စားပေး ဖို့ လိုအပ်ပါတယ်။

(၃) ငါးစားပါ

နှလုံးကျန်းမာရေးကောင်းချင်ရင် အဆီများတဲ့ အသားကို မစားသင့်ပါဘူး။ အဆီများတဲ့ အသားအစား ငါးကို စားပါ။ ဆယ်လ်မွန်ငါးလို အဆီများတဲ့ ငါးတွေ မှာ အိုမီဂါ ၃ ဖက်တီးအက်စစ်ပါဝင်တာ ကြောင့် နှလုံးသွေးကြောကျန်းမာရေးကို ကောင်းမွန်စေတဲ့အပြင် သွေးဖိအားကို လည်း လျော့ကျစေပါတယ်။

ရွှေစင်

လေဖြတ် လေငန်းရောဂါနှင့် အပူပိုင်းကာလများ ဆက်စပ်မှု

နိဒါန်း

မြန်မာ့ တိုင်းရင်းဆေး ပညာတွင် “ရာသီ မကိုင် ဆေးမပိုင်နှင့်” အဆို အမိန့်ဖြင့် ရာသီ/နက္ခတ်များ၏ လွှမ်းမိုးမှုကို ရောဂါ ဆုံးဖြတ်ရာတွင် လည်းကောင်း၊ ဆေးဝါး ကုသရာတွင် လည်းကောင်း စနစ် တကျ ဆုံးဖြတ် အသုံးချ ကြသည်။ ထို့ကြောင့်လည်း အယဉ်၊ ဥတု၊ ရတု တို့သည် ပူမှု၊ အေးမှု ဆိုသည့် တေဇောဓါတ်၊ သဘာဝ များကို ဆုံးဖြတ်နိုင်ရန် နည်းစနစ်များ တိကျစွာ သတ်မှတ်ထား ပါသည်။

ထိုဥတု ဟုဆိုသည့် ပူမှု၊ အေးမှု သဘာဝ ကပင် ရုပ်တရားများကို ဖြစ်စေ၊ ပျက်ေ စကြောင်း ပြဆို ထားသည်ကို တွေ့ရှိရ ပါသည်။ ထို့ကြောင့် အပူပိုင်းဖြစ်သည့် တပေါင်း လပြည့်ကျော် (၁) ရက်မှ တော်သလင်း လပြည့်နေ့အထိ (၆) လ အတွင်း မွေးဖွားသူ များတွင် လေဖြတ်ဝေဒနာ ခံစားရနိုင် ရာခိုင်နှုန်း များကြောင်းကို မန္တလေး သင်ကြားရေး တိုင်းရင်းဆေးရုံကြီးမှ လေငန်းဝေဒနာ ရှင်များနှင့် ကျွန်တော် ကုသပေး ခဲ့သော လေဖြတ်ဝေဒနာရှင် များကို မေးမြန်းလျှက် စစ်တမ်းကောက်ယူခြင်းအား သုံးသပ် တင်ပြ သွားမည်ဖြစ် ပါသည်။

ဥတုရာသီ အလိုက် ဒေါသများ ငုပ်ခြင်း ကို ပြဆိုခြင်း

“ဆောင်းနှောင်းနွေဦး၊ ဥတုကူးတွင်၊ နာကြူခြံရံ၊ ဖျားဆက်ဆံမူ၊ ပတ္တံသေမှ၊

ဒိန္နယှဉ်ကြောင်း၊ သိရာကောင်း ၏၊ နွေနှောင်းမိုးစ၊ ဖျားနာရမူ၊ သေမဝါတေ၊

ယှဉ်တွေဖြစ်သည်၊ ထူးလည်းတစ်ကြောင်း၊ ဆောင်းဦးစပ်ထွေ၊ နာမူလေနှင့် သည်းခြေယှဉ်မှု၊

အာဂန္တုတည့်။ ” (နရသုခိ)

မြန်မာနိုင်ငံ ရာသီဥတု အရ တက်ဥတုနှင့် သက်ဥတု ဟူ၍ ခွဲခြား သုံးသပ်ရာ ဝါဆိုလပြည့်ကျော် (၁)ရက်မှ ပြာသို လပြည့်နေ့ အထိ သက်ဥတုဟု လည်းကောင်း၊ ပြာသို လပြည့်ကျော် (၁)ရက်မှ ဝါဆိုလပြည့်နေ့ အထိကို တက်ဥတုဟု လည်းကောင်း သတ်မှတ်သည်။ ပူရာမှ အေးသွားခြင်း၊ အေးရာမှ ပူသွားခြင်းကို ဆိုလိုသည်။ ခန္ဓာကိုယ်သည် ထိုပြောင်းလဲသော အပူအအေး သဘာဝကို လိုက်၍ ပြောင်းလဲပြီး ကျန်းမာခြင်းကို ရရှိသည်။ ထိုအသက်၊ အတက်ကာလများတွင် သက်ဥတု၏ အစပိုင်း ကာလများသည် ပူသော ဝါဆို၊ ဝါခေါင်၊ တော်သလင်း များ ပါဝင်နေ သကဲ့သို့ တက်ဥတု၏ အစပိုင်းကာလများသည် အေးသော ပြာသို၊ တပို့တွဲ၊ တပေါင်း လများ ပါဝင်နေသည်။ ထို့ကြောင့် အပူဆုံးကာလနှင့် အအေးဆုံး ကာလကို ခွဲခြားကြည့်လျှင် တပေါင်းလပြည့်ကျော် (၁)ရက်မှ တော်သလင်း လပြည့်နေ့အထိ (၆)လကို အပူလများဟု လည်းကောင်း၊ တော်သလင်းလပြည့်ကျော် (၁) ရက်မှ တော်သလင်း လပြည့်နေ့အထိ (၆)လကို အအေးလ များဟု ယူဆနိုင်ပါသည်။

အထက်ပါ နရသုခိဆရာ၏ အဆိုအရ - ဆောင်းရာသီတွင် သည်းခြေစယဖြစ်ခြင်း (ငုပ်ခြင်း)၊ နွေရာသီတွင် သလိပ်စယဖြစ်ခြင်း (ငုပ်ခြင်း)၊ မိုးရာသီတွင် လေစယဖြစ်ခြင်း (ငုပ်ခြင်း) တို့ကို ဖော်ပြထား ပါသည်။ ခန္ဓာကိုယ်နှင့် ပြင်ပဥတု ညှိနှိုင်းရာတွင် ပြင်ပပူလျှင် ခန္ဓာကိုယ် တွင်းအေး၍ ညှိနှိုင်းသည်။ ပြင်ပအေးလျှင် ခန္ဓာကိုယ်တွင်း ပူ၍ညှိနှိုင်းသည်။ သိပ္ပံအမြင်ဖြင့် ကြည့်လျှင် နွေဥတုတွင် ဇီဝတွင်း ဖြစ်ပျက်ခြင်းနှုန်း (Metabolism) နိမ့်ကျပြီး၊ ကိုယ်တွင်း အပူ ပမာဏ လျော့နည်း သည်။ ထို့အတူ ဆောင်းဥတု၌ ခန္ဓာကိုယ်တွင်း ဇီဝတွင်းဖြစ်ပျက်ခြင်းနှုန်း (Metabolism) မြင့်တက်ပြီး ကိုယ်တွင်း အပူပမာဏ မြင့်တက်သည်။ သို့မှသာ ခန္ဓာကိုယ် သည် မည်သည့် ဥတုတွင်မဆို ပျမ်းမျှအပူချိန် (၉၈.၄) ဖာရင်ဟိုက်တွင် ရပ်တည်ပြီး ကျန်းမာနေမည်ဖြစ်သည်။ ထို့ကြောင့် နရိသုခ ဆရာဆို သကဲ့သို့ ပူသောဥတုတွင် သလိပ်ငုပ် တက်ခြင်း၊ အေးသော ဥတုတွင် သည်းခြေငုပ် တက်ကြောင်း သိရှိရပါသည်။

ပကတိ၏ သဘာဝများ

ပကတိဖြစ်သော အကြောင်းများတွင် အမိ၊ အဖ သုတ်သွေး၊ အမိသားအိမ်၊ ကိုယ်ဝန်ဆောင် ကာလ တွေ့ထိရသော ဥတု၊ ကိုယ်ဝန်ဆောင်ကာလ မိခင်၏ အစား အသောက် အနေအထိုင်ကာလ၊ အတ္တ၊ ကမ္မ ဟူသော အကြောင်း များကို ဘေသဇ္ဇနယ ဆေးပညာမှ ပြဆိုသည်။ ယခုတင်ပြမည့် အကြောင်း အရာတွင် ကိုယ်ဝန်ဆောင်ကာလ ထိတွေ့သော အဓိကဥတု ကို ပြဆိုခြင်းဖြစ်သည်။သန္ဓေသား၏ ခန္ဓာ ကိုယ် အဓိကဖွံ့ဖြိုးရမည့် အဓိက ကာလများတွင် အပူပိုင်း ကာလများနှင့်ကြုံခြင်း၊ အအေးပိုင်း ကာလများနှင့် ကြုံခြင်းကို လေ့လာ ကြည့်ရာ အပူပိုင်း ကာလ များတွင် သလိပ်ငုတ် တက်သောကြောင့် သလိပ်ပကတိဖြင့် မွေးဖွားလာတက်သည်။ အအေးပိုင်း ကာလများတွင် သည်းခြေ ငုတ်တက်သောကြောင့် သည်းခြေ ပကတိဖြင့် မွေးဖွားလာ တက်သည်။ ထို့ကြောင့် သလိပ် ပကတိဖြင့် မွေးဖွား လာသော ကလေးငယ်သည် ပြင်ပ ပူသော ရာသီဥတုနှင့် ထပ်မံထိတွေ့လျှင် ၎င်း၏ ခန္ဓာကိုယ် သည်လည်း ပြင်ပဥတုနှင့် ညှိနှိုင်းရမည်ရာ သလိပ်ဒေါသ စယဖြစ်၍ ညှိနှိုင်း ရမည်ဖြစ်သည်။ သလိပ်ပကတိနှင့် သလိပ်စယ နှစ်မျိုးပေါင်းစုံ၍ သလိပ်ရောဂါ ဖြစ်နိုင်ချေ မြင့်မားနေမှုမှာ တွေးဆနိုင်သည်။ ဒေသနာ ဆေးပညာအမြင် အရ အကြောင်း သီတ ရောဂါများ ဖြစ်နိုင်ချေမြင့်မားမည်ဟု ဆိုနိုင် ပေသည်။

သီတရောဂါ များဖြစ်သော သွေးတိုးရောဂါ၊ ဆီးချိုရောဂါ၊ လေငန်းလေဖြတ်ရောဂါတို့သည် ဒေသနာ နည်းအရ သင်္ဂဟိတ အုပ်စုဝင် ရောဂါများဖြစ်သောကြောင့် အပူပိုင်း ကာလတွင် မွေးဖွား သူမျာသည် လေဖြတ်ရောဂါ ပိုမို ဖြစ်နိုင်စရာ ရှိကြောင်း တွေးခေါ် ရရှိသည်။ ထို့နောက်အောက်ပါ အတိုင်း လေ့လာ ကြည့်ပါသည်။

သုတေသနပြုပုံ

မန္တလေး သင်ကြားရေး တိုင်းရင်းဆေးရုံကြီး၊ အကြော အရိုးအဆစ် ကုသရေး ဌာနတွင် တက်ရောက် ကုသနေသော လူနာများနှင့် ကျွန်တော် ကုသပေး ခဲ့သော လေဖြတ်ဝေဒနာ ရှင်များကို မွေးလများ မေးမြန်း၍ မှတ်တမ်းပြုစု ထားခြင်း ဖြစ်ပါသည်။ သုံးသပ်ချက် အထက်ဖော်ပြပါ လေဖြတ်ဝေဒနာရှင် (၇၁) ဦးအား အပူပိုင်း (၆)လတွင် မွေးဖွားသူ (၆၀)ဦးနှင့် အအေးပိုင်း (၆)လတွင် မွေးဖွားသူ (၁၁)တို့ကို တွေ့ရှိရပါသည်။ ထို့ကြောင့် လေဖြတ်ဝေဒနာ ဖြစ်နိုင်ချေအား ရာခိုင်နှုန်း တွက်ချက် ကြည့်ရာ အောက်ပါ အတိုင်း တွေ့ရှိရ ပါသည်။ အပူပိုင်း (၆)လတွင် မွေးဖွား သူသည် ယခုပြဆိုသော လူနာ (၇၁)ဦးအနက် ၈၅.၈% ရှိကြောင်း တွေ့ရှိရ၍ အအေးပိုင်း (၆)လတွင် မွေးဖွားသူသည် ယခုပြဆိုသော လူနာ (၇၁)ဦးအနက် (၁၄.၂%)သာ ရှိကြောင်းတွေ့ ရှိရပါ သည်။ ထို့ကြောင့် အထက်ပါ လူနာ (၇၁)ဦး၏ တွက်ချက်မှုအရ တပေါင်း လပြည့်ကျော် (၁) ရက်မှ တော်သလင်း လပြည့်အထိ အပူလ (၆)လ အတွင်း မွေးဖွားသူ များသည် လေဖြတ်ဝေဒနာ ဖြစ်နိုင်ချေများကြောင်း အကြမ်းအားဖြင့် တွေ့ရှိရပါသည်။ဤတွက်ချက်မှုဖြင့် ဆက်နွယ် လျက် ပြည်သူလူထု ကျန်းမာရေး စောင့်ရှောက်ရာတွင် အထောက်အကူ အဖြစ် မိမိမွေးလများကို ကြည့်ရှု့၍ ကံ၊ စိတ်၊ ဥတု အာဟာရများကို သင့်တင့် မျှတစွာ နေထိုင်ခြင်းဖြင့် လေဖြတ် ဝေဒနာများ အတွက် ကြိုတင် ကာကွယ် ဟန့်တားနိုင် ပါကြောင်း ဤလူနာ (၇၁)ဦး (ယခု သုတေသနသည် လူနာ အရေ အတွက် နည်းသေး သဖြင့် ပိုမိုများပြား ကျယ်ပြန့်စွာ ပြုလုပ်နိုင်လျှင် ပို၍ ကောင်းမွန်မည်ဖြစ်ကြောင်း အကြံပြု တင်ပြ အပ်ပါသည်။)

ကျေးဇူးတင်လွှာ

ဤ (CTME) အစီအစဉ်ကို ဖြစ်မြောက်အောင် ကျင်းပပေးသော မြန်မာနိုင်ငံ တိုင်းရင်းဆေး ဆရာအသင်း (မန္တလေး တိုင်းဒေသကြီး) အသင်းခွဲနှင့် တိုင်းရင်းဆေး တက္ကသိုလ်တို့အား လည်းကောင်း၊ Sponsor အဖြစ် ပံ့ပိုး ကူညီပေးသော ဒေါက်တာမြသောင်း အောင်သုခ တိုင်းရင်းဆေးတိုက် အား လည်းကောင်း၊ အသေးစိတ် ကြီးကြပ်ပေးပါသော ဦးဝင်းမြင့်၊ ကထိက/ဌာနမှူး၊ ဆေးပညာဌာန၊ တိုင်းရင်းဆေး တက္ကသိုလ် အားလည်းကောင်း၊ မန္တလေး သင်ကြားရေး တိုင်းရင်းဆေးရုံကြီးမှ လေဖြတ်ဝေဒနာ ရှင်များ ကို မေးမြန်းခွင့်ပြုပါသော ဆေးရုံအုပ်ကြီး ဦးမြင့်အောင်နှင့် အကြော အရိုး အဆစ် ဌာန တာဝန်ခံ၊ ဌာနမှူး၊ ဦးမောင်မောင်သက်အား လည်းကောင်း၊ ဝိုင်းဝန်း ကူညီ ဆောင်ရွက်ပေးပါသော ဆေးပညာဌာန၊ တိုင်းရင်းဆေး တက္ကသိုလ်တို့မှ ဆရာ၊ ဆရာမများ အားလည်းကောင်း၊ အခြား ကျေးဇူးတင်ထိုက်သူ အားလုံး အထူးပင် ကျေးဇူးတင်ရှိပါကြောင်း မှတ်တမ်းတင်အပ်ပါသည်။ 

ဦးလှဝင်းမျိုး၊ နည်းပြ၊ ဦးဝင်းမြင့်၊ ကထိက/ ဌာနမှူး၊ ဆေးပညာဌာန၊ တိုင်းရင်းဆေး တက္ကသိုလ်။

ရေနွေးကြမ်းနှင့် လူသား

ကျွန်မ မောင်လေး ဖြိုးငယ်က ရေနွေးကြမ်းသောက်ခြင်း ရဲ့ ကောင်းကျိုးဆိုးကျိုးတွေကို ရေးပေးပါလို့ ပြောထားပေမယ့် အကြောင်း အမျိုးကြောင့် နှောင့်နှေးရင်း အခုမှ ရေးပေးဖြစ်ပါတယ်။

လူသားတိုင်းဟာ လူမျိုးအလိုက် လက်ဘက်ရည်ကို သောက်သုံးခဲ့ကြတာ နှစ်ပေါင်း အတော်ကြာကတည်းကဖြစ်ပြီး အရှေ့တောင် အာရှနိင်ငံတခုဖြစ်တဲ့ မြန်မာနိုင်ငံမှာလည်း လက်ဘက်ရည်ကြမ်း (ရေနွေးကြမ်း) ကို နေရာအတော်များများမှာ အရေးတယူသောက်သုံးကြတာကိုတွေ့ရပါတယ်။

ဘယ်အရာမဆို တန်ဆေး လွန်ဘေးဆိုတဲ့ စကားအတိုင်း အတန်အသင့် သောက်သုံးမယ်ဆိုရင် အကျိူးဆက်ပေါင်းများစွာ ရရှိနိုင်ပေမယ့်လည်း အလွန့်အကျွံ သောက်သုံးမိမယ်ဆိုရင်လည်း ဘေးထွက်ဆိုး များဖြစ်နိုင်ကြောင်း တွေ့ရှိနိုင်တယ် ။

ရေနွေးကြမ်းကို သောက်သုံး ခြင်းဖြင့်ရရှိနိုင်မယ့် အကျိုးကျေးဇူးတွေကတော့

၁။ ရေနွေးကြမ်းနှင့် ကင်ဆာ

ရေနွေးကြမ်းသောက်သုံးခြင်းဟာ အစာအိမ်နဲ့ အူလမ်းကြောင်းတလျှောက်မှာ ဖြစ်တတ်တဲ့ ကင်ဆာရောဂါ၊ ဆီးအိမ်ကင်ဆာ၊ ဆီးကျိတ်ကင်ဆာ၊ အသည်းကင်ဆာ၊ ပန်ကရိယာ ကင်ဆာများဖြစ်ပွားမှုကို ကာကွယ်ပေးပါတယ်။

၂။ ရေနွေးကြမ်းနှင့် နှလုံးရောဂါ

ရေနွေးကြမ်းတွင်ပါဝင်သော catechin ဟု အများသိကြသော polyphenols သည် ဂရိတ်ဖရုသီး ၊ ဝိုင်တို့တွင်ပါဝင်သောပမာဏ ထက်ပိုများပြီး သွေးထဲတွင်ရှိသော ဒုက္ခပေးစေနိုင်သော အဆီများ (triglyceride)ကိုနည်းစေခြင်းဖြင့် ၎င်း၏ ဆိုးကျိုးကိုလျော့ကျစေခြင်း၊ ကောင်းကျိုးဖြစ်စေသော အဆီများကို တိုးစေခြင်း ၊ နှလုံးသွေးကြောပိတ်ရောဂါနှင့် ဦးဏှောက်သွေးကြောပိတ်ခြင်းတို့ကို ဖြစ်စေနိုင်သော အလွန်အမင်းသွေးခဲခြင်းကို လျော့နည်းစေခြင်းတို့ကိုဖြစ်ပေါ်စေသည် ။ ထို့ကြောင့် ရေနွေးကြမ်းသောက်သုံးခြင်းသည် နှလုံးရောဂါ၊ နှလုံးသွေးကြောကျဉ်း ရောဂါနှင့် အခြားနှလုံးသွေးကြောဆိုင်ရာ ရောဂါများ၊ ဦးဏှောက်သွေးကြောပိတ်မှုရောဂါများ ဖြစ်ပွားမှုနှုန်းကို ကျဆင်းစေခြင်း တို့ကို လုပ်ဆောင်ပေးပါတယ်။

၃။ရေနွေးကြမ်းနှင့် အဆီဓါတ်

ရေနွေးကြမ်းသောက်သုံးခြင်းသည် သွေးထဲတွင်ရှိသော ဒုက္ခပေးစေနိုင်သော အဆီများ (triglyceride)ကိုနည်းစေခြင်းဖြင့် ၎င်း၏ ဆိုးကျိုးကိုလျော့ကျစေခြင်း၊ ကောင်းကျိုး ဖြစ်စေသော အဆီများကို တိုးစေခြင်း ကိုလည်း ပြုလုပ်ပေးပါတယ်။

၄။ ရေနွေးကြမ်းနှင့် အသည်း

ရေနွေးကြမ်းဟာ အရက်ကြောင့်ဖြစ်သော ၊ ဆေးလိပ်ကြောင့်ဖြစ်သော ဓါတုပစ္စည်းများကြောင့် အသည်းပျက်စီးမှုကို ကာကွယ်ပေးပါတယ်။

၅။ ရေနွေးကြမ်းနှင့် ကိုယ်အလေးချိန်

ထမင်းစားစဉ်အတွင်း ရေနွေးကြမ်းသောက်ခြင်းသည် အစာစားချင်စိတ်ကို နည်းပါးစေခြင်း၊ ရင်ပြည့်လွယ်စေခြင်း၊ ဇီဝဖြစ်စဉ်ကို ပိုမိုပြင်းထန်လောင်ကျွမ်းစေခြင်းတို့ကို ဖြစ်ပေါ်စေသောကြောင့် ကိုယ်အလေးချိန် လျော့ကျရန်အတွက် ရေနွေးကြမ်းကို သောက်သုံးနိုင်ပါတယ်။

၆။ ရေနွေးကြမ်းနှင့် သွေးချို၊ ဆီးချိုရောဂါ

ရေနွေးကြမ်းသည် သွေးထဲတွင်ရှိသည့် သကြားဓါတ်ကိုကျစေခြင်း ၊ အင်ဆူလင်၏ အာနိသင်ကိုအားပေးခြင်းအားဖြင့် ဆီးချိုရောဂါကို ထိန်းပေးပါတယ်။

၇။ ရေနွေးကြမ်းနှင့် ခံတွင်း ရနံ့

ရေနွေးကြမ်းတွင်ပါဝင်သော polyphenols ဟုခေါ်သော ဓါတ်တမျိုးသည် ခံတွင်းအနံ့ဆိုးခြင်းကို ဖြစ်ပေါ်စေသော လျှာနှင့် လည်ချောင်းတွင် ပေါက်ပွားတတ်သော အကောင်ငယ်ကလေးများ၊ ဘက်တီးရီးယား ပိုးများကို မပေါက်ပွားစေရန် ကာကွယ်နိုင်သောကြောင့် ရေနွေးကြမ်းသောက်ခြင်းသည် ခံတွင်းရနံ့ဆိုးခြင်းကို ကာကွယ်ပေးမှာဖြစ်ပါတယ်။

ခံတွင်းရနံ့ဆိုးစေသော အခြားအကြောင်းအရင်းများမှာ

၁။ ပါးစပ်ခြောက်ခြင်း၊

၂။ အသားဓါတ်ပါသော အစာများ၊ သကြားဓါတ်ပါသော အစာများကိုစားသုံးခြင်း၊

၃။ ဆေးလိပ်သောက်ခြင်း၊

၄။ သွားပိုးစားခြင်းနှင့် ခံတွင်းနှင့်ဆိုင်သော ရောဂါများ၊

၅။ နှာခေါင်း နှင့် ယင်း၏ အနီးတဝိုက်တွင် ရောဂါပိုးဝင်ခြင်း တို့ ဖြစ်သောကြောင့် ထိုသို့သော လက္ခဏာရှိသူများသည် ခံတွင်း၏ အပေါ်ယံအမြှေးပါးများကို ခြောက်ခန်းစေပြီး ပိုးများကိုပိုမိုပေါက်ဖွားစေသော ငုံဆေးများကိုသုံးမည့်အစား ရေနွေးကြမ်းဖြင့် ပလုတ်ကျင်းသင့်ပါတယ်။

၈။ ရေနွေးကြမ်းနှင့် သွေးတိုးရောဂါ

ရေနွေးကြမ်းတွင်ပါဝင်သော catechins သည် သွေးကြောများကို ကျုံ့စေခြင်းဖြင့် သွေးတိုးခြင်းကို ဖြစ်စေနိုင်သော အင်ဇိုင်းတမျိုး၏ လုပ်ငန်းများကို နှောင့်နှေးစေခြင်း၊ သက်ဆိုင်ရာ အစိတ်အပိုင်းများသို့ သွေးရောက်ရှိမှုကို နည်းပါးစေပြီး အသက်ဆုံးရှုံးသည် အထိ လူသားတို့အားဒုက္ခပေးတတ်သော သွေးကြောများ၏ နံရံတွင် ကပ်၍နေတတ်သော အဆီများကိုလျော့ ကျစေခြင်းဖြင့် သွေးတိုးခြင်းကို ကာကွယ်ပေးနိုင်ပါတယ်။

၉။ ရေနွေးကြမ်းနှင့် တုတ်ကွေးရောဂါ

ရေနွေးကြမ်းတွင် ပါဝင်သော tannin သည် တုတ်ကွေးရောဂါကိုဖြစ်စေသော ဗိုင်းရပ်စ်ပိုး၏ လုပ်ငန်းဆောင်တာများကို ဟန့်တားပေးပါတယ်။

၁၀။ ရေနွေးကြမ်းနှင့် သွားပိုးစားခြင်း

ရေနွေးကြမ်းတွင် ပါဝင်သော သဘာဝဖလူအိုရင်း (fluorine) သည် သွားများ၏ အပေါ်ယံလွှာကို ပိုမိုခိုင်မာစေခြင်း၊ ၊သွားများ၏ အခေါင်းများထဲတွင် ကျက်စားနေတတ်သော ပိုးများကို သေစေနိုင်သောကြောင့် သွားပိုးစားမှုကို လျော့ကျစေခြင်း တို့ကိုဖြစ်စေပါတယ်။

၁၁။ ရေနွေးကြမ်းနှင့် အရိုးပွရောဂါ

အသက်ကြီးသော အမျိုးသားများနှင့် မီးယပ်သွေးဆုံး အမျိုးသမီးများတွင် ဖြစ်ပေါ်တတ်သော အရိုးပွခြင်း ကာကွယ်ရန်

၁။ ကိုယ်လက်လှုပ်ရှားလေ့ကျင့်ခန်း မှန်မှန်လုပ်ပေးခြင်း

၂။ တနေ့လျှင် Vitamin D 400I U သောက်သုံးပေးခြင်း

၃။ တိရစ္ဆာန်များမှ ရသော အသားဓါတ်သည် ခန္ဒာကိုယ်တွင် ရှိသည့် ထုံးဓါတ်ပမာဏကိုလျော့ကျစေသဖြင့် ယင်းအစား ပဲနို့ကိုသောက်သုံးပေးခြင်း

၄။ နေ့စဉ် ယမကာသောက်သုံးသည့် ပမာဏကို လျှော့ချပေးခြင်း

၅။ တနေ့လျှင် ရေနွေးကြမ်း ၃ခွက် သို့မဟုတ် ၃ခွက်ထက်ပို၍ သောက်သုံးခြင်းကို ပြုလုပ်သင့်ပါတယ်။

၁၂။ ရေနွေးကြမ်းနှင့် လန်းဆန်းမှု

ရေနွေးကြမ်းတွင် ကာဖင်းဓါတ် ၅-၁.၂% ပါဝင်နေသောကြောင့် အတန်အသင့် သောက်သုံးပါက အာရုံစူးစိုက်မှုကို ပေးခြင်း၊ နိုးကြား လန်းဆန်းစေခြင်းကိုဖြစ်စေပါတယ်။

၁၃ ။ ရေနွေးကြမ်းနှင့် ဝမ်းလျှောရောဂါ

ထို့အပြင်ရေနွေးကြမ်း ကို ဝမ်းလျှောနေသူများအတွက် ဝမ်းပိတ်စေရန်အလို့ငှာ တိုက်ကျွေးနိုင်ပါတယ်။

ရေနွေးကြမ်းကိုသောက်သုံးခြင်းဖြင့်ရရှိနိုင်သော ဆိုးကျိုးများမှာ

၁။ရေနွေးကြမ်းနှင့် ဂဏာမညိမ်ခြင်း

ရေနွေးကြမ်းကို အလွန့်အလွန်သောက်သုံးလျှင် ၎င်းတွင်ပါဝင်သော ကာဖင်း၏ ပင်မအာရုံကြောမကြီးကို လှုံဆော်ပေးမှုကြောင့် ရသော အကျိုးဆက်များဖြစ်တဲ့

၁။ အသက်ရှုမြန်ခြင်း၊

၂။ နှလုံးခုန်မြန်ခြင်း၊

၃။ ခေါင်းကိုက်ခြင်း

၄။ သွေးပေါင်ချိန်တက်ခြင်း

၅။ နှလုံးခုန်မမှန်ခြင်း

၆။ အိပ်မပျော်ခြင်း

၇။ စိတ်ပူပန်တတ်ခြင်း

၈။ ဂဏာမညိမ်ဖြစ်ခြင်း တို့ကိုဖြစ်ပေါ်စေပါတယ်။

၂။ ရေနွေးကြမ်းနှင့် အစာစားလိုစိတ်

ရေနွေးကြမ်းတွင် အဓိက ပါဝင်သော ဓာတုပစ္စည်းမှာ Tennin ဖြစ်ပြီး ၎င်းကို သားရေများကို မာစေရန်အလို့ငှာ အသုံးပြုလေ့ရှိကြသည်။ ထို့ကြောင့် ၎င်းကို သောက်သုံးမိသည့် အခါတွင်လည်း tennin သည် အစာအိမ်နှင့် အူလမ်းကြောင်း တလျှောက်ရှိ အမြှေးပါးများကို မာကျော ခြောက်သွေ့ေစေပြီးလျှင် အစာမကျေခြင်း၊ အစားပျက်ခြင်း တို့ကို ဖြစ်စေနိုင်ပါတယ်။

၃။ရေနွေးကြမ်းနှင့် သွေးအားနည်းရောဂါ

Tennic acid သည် ခန္ဓာကိုယ်မှ သံဓါတ်စုပ်ယူမှုကို အနှောက်အယှက် ဖြစ်စေသောကြောင့် ရေနွေးကြမ်းကို အမြောက်အများသောက်သုံးပါက သံဓါတ်နည်းမှုကြောင့်ဖြစ်ပေါ်သော သွေးအားနည်းမှုကို ခံစားရစေနိုင်ပါတယ်။

၄။ ရေနွေးကြမ်းနှင့် မှိုအန္တရာယ်

ရေနွေးကြမ်းပြုလုပ်မည့် လက်ဘက်ခြောက်ကို ခြောက်အောင်ပြုလုပ်သည့် အဆင့်ဆင့်တွင် သန့်ရှင်းမှုကိုလိုက်၍ မှိုစွဲကပ်ခြင်းများ ဖြစ်ပေါ်စေသောကြောင့် ၎င်းမှိုများအလိုက် လူသားတို့အား အန္တရာယ်ပေးနိုင်ပါတယ်။

ရေနွေးကြမ်းကို အလွန်အကျွံမသောက်သုံးသင့်သူများမှာ

၁။ အစာအိမ်ရောဂါကြောင့် ရင်ပူတတ်သူများ

၂။ စိတ်ဖိစီးမှုများသူများ

၃။ အိပ်မပျော်သူများ

၄။ hyperthyroid ရောဂါရှိသူများ

၅။ သွေးကျဲဆေးသောက်ထားရသူများ ပဲဖြစ်ပါတယ် ။

ကဲ.. မောင်လေး ဖြိုးငယ်လည်း ကျေနပ်နိုင်ပါလိ့မ်မယ်လို့ထင်ပါတယ်…။ အားလုံးသိကြတဲ့ အတိုင်း ကျမ မွန်းသက်ပန် ဟာ ရေနွေးကြမ်းဆိုင်ရာ ကျွမ်းကျင်သူ တယောက် မဟုတ်လို့ ကျမတင်ပြမှုများမှာ လိုအပ်တာများရှိရင် ဆွေးနွေးဖို့ဖိတ်ခေါ်ပါတယ်။ အကျိုးအကြောင်း ဆီလျှော်တဲ့ ဝေဖန်မှုများကို ကြိုဆိုလျှက်ပါ…

မွန်းသက်ပန် (ဆေး-၁)

ချောကလက် ပိုမိုစားရန်အံ့သြစရာကောင်းသောအကြောင်းရင်း(၃) ချက်

ချောကလက်၏ သာလွန်ကောင်းမွန်သော အစွမ်းများထဲမှ များစွာတို့ကိုကောင်းစွာသိရှိကြသည်။ သို့သော် လူသိပ်မသိသော ၎င်း၏ ကျန်းမာရေးဂုဏ်သတ္တိများနှင့် ပတ်သက်လို့ကရော မည်သို့နည်း။ မကြာသေးခင်က လေ့လာမှုများက ချောကလက်စားသုံးခြင်းသည် နှလုံးကျန်းမာရေးမှစ၍ သင့်ကို ပိန်ပိန်ပါးပါးထားရှိခြင်းအထိ ကျန်းမာရေးအကျိုးကျေးဇူးများစွာ ထောက်ပံ့ပေးနိုင်သည်။

ချောကလက်က မျက်စိအမြင်ကို ပိုမိုကောင်းစေသည်

၂၀၁၀ ပြည့်နှစ်တွင် ဗြိတိသျှလေ့လာသူများက အရွယ်ရောက်သူ လူငယ်များကို ချောကလက် အမည်းနှင့် အဖြူတစ်ခုခုကို စားခိုင်းကြသည်။ ထို့နောက်သူတို့၏ မျက်စိအမြင်ကို စမ်းသပ်ကြသည်။ပြန်လာကြပြီး အခြားချောကလက်အမျိုး

အစားကိုစား၍ စမ်းသပ်မှုကို ပြန်လုပ်ကြသည်။ ချောကလက်အဖြူနှင့် ယှဉ်လျှင်ချောကလက်အမည်းများက စမ်းသပ်ချက်

ရလဒ် အမှတ်များ ပိုမိုမြင့်နေသည်ကိုလေ့လာသူများ တွေ့ရှိကြသည်။မျက်စိအမြင်အပေါ် ချောကလက်၏ အကျိုးသက်ရောက်မှုက အသက်ပိုကြီးသော အရွယ်ရောက်သူများတွင် ပိုမိုကြီးမားနိုင်သည်ဟု စာရေးဆရာများက ထင်မြင်ချက်ပေးကြသည်။

အကြံပေးချက်

သင် ချောကလက်တောင့် တစ်တောင့် ဝယ်တော့မည်ဆိုလျှင် ကိုးကိုး ၇၂ ရာခိုင်နှုန်းနီးပါးရှိသော

ချောကလက်ကို ရွေးချယ်ပါ။ တစ်နေ့လျှင်ချောကလက် အောင်စတစ်ဝက် (သို့)ချောကလက်အများစု၏ ၂ လက်မ ပတ်လည်ခန့် စားပါ။

 

ချောကလက်က သင့်၏အသားအရေကိုကာကွယ်သည်

၂၀၀၆ ခုနှစ်တွင် ဂျာမန်လေ့လာမှုတစ်ခုက မည်းနက်သော ချောကလက်ထဲမှဖလေဘွန်နဲလ်သည်အရေပြားကိုUV

အလင်း၏အန္တရာယ်မှ ကာကွယ်နိုင်ကြောင်း တွေ့ရှိခဲ့သည်။ ဗြိတိန်မှ ၂၀၀၉ခုနှစ် လေ့လာမှုတစ်ခုက အလားတူရလဒ်ကို တွေ့ရှိခဲ့သည်။ သို့သော် သင်၏အရေပြားကို ကာကွယ်ရန် လိုအပ်သောဖလေဘွန်နဲလ်အဆင့်ကစံချိန်မီ ချောကလက်အများစုတွင်

တွေ့ရသောဖလေဘွန်နဲလ်၏အဆင့်ထက်ပိုမိုမြင့်မားသည်ကိုသတိပြု

မိကြသည်။ လေ့လာမှုတွင် အသုံးပြုသော ဖလေဘွန်နဲလ်မြင့်သည့် အထူးသီးသန့် ချောကလက်က သွေးလည်ပတ်မှုနှင့် အရေပြားစိုစွတ်မှုကို မြှင့်တင်ပြီး၊ အသားအရေကိုပိုမို ကျန်းမာ၍ကြည့်ကောင်းအောင် လုပ်ပေးသည်။

အကြံပေးချက် -

ချောကလက်တောင့်ကို ရွေးချယ်သောအခါ ဖြစ်နိုင်သမျှ ပါဝင်ပစ္စည်းအနည်းဆုံး ချောကလက်ကိုရှာပါ။ သကြားများသော ချောကလက်ကို မလိုချင်ပါနှင့်။ ကိုကိုး အများဆုံး ချောကလက်ကိုရှာပါ။

ချောကလက်က သင်၏နှလုံးကိုအကူအညီပေးသည်

၂၀၁၁ ခုနှစ်တွင် ဗြိတိသျှဆေးဘက်ဆိုင်ရာ ဂျာနယ်ထဲ၌ ဖော်ပြခဲ့သော အဆင့်မြင့် လေ့လာစစ်ဆေးမှု တစ်ခုကချောကလက် စားသုံးခြင်းသည် နှလုံးသွေးကြောရောဂါအမျိုးမျိုးဖြစ်နိုင်မှု အန္တရာယ်ကို ၃ ပုံ၊ ၁ ပုံ လျှော့ချကြောင်း တွေ့ရှိသည်။

သီးခြားလေ့လာမှုများက ချောကလက်သည် သွေးတိုးနှုန်းကို လျှော့ချနိုင်ပြီး သွေးကြောကျန်းမာရေးကို မြှင့်တင်နိုင်၍ သွေးသကြားကို ထိန်းချုပ်ပေးနိုင်ကြောင်း တွေ့ရှိသည်။

အကြံပေးချက်

ကျန်းမာရေး အပိုဆုများကို လိုချင်ပါသလား။ ချယ်ရီ၊ ဗာဒမ်သို့မဟုတ် ချင်း ပါရှိသော ချောကလက်အမည်း အနည်းငယ်ကို စားပါ။ ကျန်းမာရေးညီညွတ်သော အခြားပါဝင်ပစ္စည်းပေါင်းစပ်ထားသော ချောကလက်မှ အာနိသင်ပေါင်းစုံကို သင် ရရှိလိမ့်မည်။

မင်းသုတ

ခေါင်းတစ်ခြမ်းကိုက်ရောဂါဘယ်တော့မှ မဖြစ်ရလေအောင်

အမျိုးသမီးလေးယောက်မှာ အနည်းဆုံးတစ်ယောက်ခန့်ဟာ ခေါင်းတစ်ခြမ်းကိုက် ဝေဒနာကို ပုံမှန်ခံစားရလေ့ ရှိပါတယ်။ လေ့လာမှုတွေအရ ခေါင်းတစ်ခြမ်းကိုက်သူတွေရဲ့ ၉၁ ရာခိုင်နှုန်းဟာ ထိထိရောက်ရောက် သက်သာမှု မရရှိဘူးလို့ သိရပါတယ်။

 ခေါင်းတစ်ခြမ်းကိုက် ဝေဒနာမခံစားရအောင် အောက်ပါတို့ကိုပြုလုပ်ကြည့်ပါ။

နံပါတ်တစ် လှုံ့ဆော်သည့်အရာကို ရပ်တန့်လိုက်ပါ

ခေါင်းတစ်ခြမ်းကိုက် ဝေဒနာဖြစ်စေတဲ့ အကြောင်းအရင်းနံပါတ်တစ်ဟာ စိတ်ဖိစီးမှုပါ။ ခေါင်းတစ်ခြမ်းကိုက် ဝေဒနာဖြစ်တတ်တဲ့ အမျိုးသမီးတွေဟာ စိတ်ဖိစီးမှုများလွန်းရင် တစ်ပတ်အတွင်း ခုနစ်ကြိမ်ခန့် attack ရနိုင်ပါတယ်။ ဒါပေမဲ့ နေ့စဉ် မိနစ်၃၀ခန့် ဖိစီးမှုဖြေလျှော့တဲ့ နည်းလမ်းတွေ အသုံးပြုခဲ့ရင် attack ဖြစ်ချိန် ထက်ဝက်ခန့် လျော့သွားပါတယ်။ စိတ်ဖိစီးမှုလျော့ကျတဲ့ နည်းလမ်းကို ပုံမှန်အသုံးပြုတာကြောင့် နာကျင်မှုဖြစ်အောင် လှုံ့ဆော်တဲ့ ဖိစီးမှုဟော်မုန်း ထုတ်လုပ်မှု လျော့ကျနိုင်တယ်လို့ သုတေသီတွေက ဆိုပါတယ်။ ရေနွေးနဲ့ရေစိမ်ချိုးတာ၊ အသက်ပြင်းပြင်း ရှူသွင်းရှူထုတ်လုပ်တာ၊ စာရေးတာလိုမျိုး ဖိစီးမှုလျော့ကျစေတာတွေကို ပြုလုပ်ပေးပါ။

အဓိက ရောဂါလက္ခဏာများကို ဆရာဝန်အားပြောပြပါ

ခေါင်းတစ်ခြမ်းကိုက် ဝေဒနာခံစားရသူတွေအားလုံးရဲ့ ထက်ဝက်နီးပါးလောက်သာ တိကျတဲ့ရောဂါ သတ်မှတ်တာကို ရရှိပြီး ကျန်သူတွေဟာ သူတို့ကိုယ်သူတို့ ဖိစီးမှုကြောင့် ခေါင်းကိုက်တာ(Tension Headache)လို့ ထင်မှတ်ကြတယ်လို့ သုတေသီတွေက ဆိုပါတယ်။ ဒါကြောင့် ရောဂါအမှန်သိရှိဖို့ အောက်ပါလက္ခဏာတွေ တစ်ခုခု သင့်မှာ ရှိနေရင် ဆရာဝန်ကိုပြောပြပါ။

- လေးနာရီမှ ၇၂နာရီ ကြာတဲ့အထိ ခေါင်းကိုက်နေရင်

- ထိုးထိုးပြီး ခေါင်းကိုက်နေရင် (သွေးတိုးနေသလို)

- အလင်းရောင် ဒါမှမဟုတ် အသံဒဏ်ကို မခံနိုင်ရင်

- ခေါင်းကိုက်နေစဉ် ပျို့လာရင်

Attack ဖြစ်ချိန်လျော့အောင် ဗီတာမင် B သောက်ပါ

ဗီတာမင် B2 ၄၀၀ မီလီဂရမ်ကို နေ့စဉ်သောက်ပေးရင် အမျိုးသမီး ၁၀ ယောက်မှာ ခုနစ်ယောက်ခန့်ဟာ attack ဖြစ်ချိန် ထက်ဝက်ခန့် လျော့နည်းသွားတယ်လို့ လေ့လာမှုအရ သိရပါတယ်။ ဗီတာမင် B2 (Riboflavin)ဟာ ဦးနှောက်ဆဲလ်တွေကို adaptable ဖြစ်အောင် ကူညီနိုင်တာမို့ ဟော်မုန်းနဲ့ သွေးတွင်းသကြားဓာတ် မြင့်လိုက်၊ နိမ့်လိုက် ဖြစ်နေရင် ခေါင်းကိုက်အောင် မလှုံ့ဆော်နိုင်ဘူးလို့ သုတေသီတွေက ဆိုပါတယ်။

အစားအစာနှင့် ရောင်ရမ်းမှု လျော့အောင် ပြုလုပ်ပါ

သစ်သီး၊ ဟင်းသီးဟင်းရွက်နဲ့ ကောက်နှံတစ်ခုလုံး ပါဝင်တဲ့ အစာတွေကို များများစားပြီး ဆီကြော်စာတွေကို ဖြတ်ထားရင် ခေါင်းတစ်ခြမ်းကိုက်နိုင်ခြေ ၇၁ရာခိုင်နှုန်း လျော့နည်းတယ်လို့ သုတေသနအရ သိရပါတယ်။ ကောက်နှံတစ်ခုလုံးမှ ရောင်ရမ်းမှု လျှော့ချနိုင်သော သဘာဝပစ္စည်း တစ်ရာကျော် ပါဝင်တာမို့ နာကျင်မှု့ဖြစ်အောင် လှုံဆော်မယ့် ရောင်ရမ်းမှုတွေ လျော့ကျသွားတယ်လို့ သုတေသီတွေက ဆိုပါတယ်။

Ref:Good Health

source>>>http://natureenergycare.blogspot.com/2013/01/blog-post_4428.html#more

♥♥ရေးသားချိန်♥♥ 8:22 AM ♥♥ရေးသူ♥♥ ကိုဦး

အားကစား မလုပ်မီ ကော်ဖီသောက်ပါက နာကျင်ကိုက်ခဲမှု လျော့နည်းစေနိုင်

ကိုဖြိုး 3 years ago

ActivityRank: 0 

အားကစား လုပ်ငန်းများ ဆောင်ရွက်မှု မပြုခင် ကော်ဖီ သောက်ခြင်းဖြင့် နာကျင် ကိုက်ခဲမှုကို လျော့နည်း စေနိုင်ကြောင်း အမေရိကန် သုတေသီများ က ပြောကြား လိုက်သည်။ လေ့လာမှု စစ်တမ်းများ အရ ကော်ဖီတွင် ပါဝင်သော ကဖိန်းဓာတ် သည် လူအများ၏ လှုပ်ရှားလုပ်ကိုင် နေမှုများတွင် ဖြစ်ပေါ် လာတတ်သည့်

နာကျင်မှု ဝေဒနာများကို လျော့နည်း စေကြောင်း ဖော်ထုတ် နိုင်ခဲ့ပြီးနောက် ဆရာဝန်များက တနေ့လျှင် ကော်ဖီ(၄)ခွက်မျှ ပုံမှန် သောက်သုံးသင့်ကြောင်း တိုက်တွန်း လိုက်သည်။ အီလီနွိုက် တက္ကသိုလ် မှ ပညာရှင်များ သည် ကဖိန်းဓာတ် ၏ နာကျင်မှုများ လျှော့ချ ပေးနိုင်သော ဂုဏ်သတ္တိကို အတည်ပြု ပေးခဲ့သည်။ အထူးသဖြင့် လေ့ကျင့်ခန်း ပြုလုပ်စဉ် ဦးနှောက်နှင့် ဆက်စပ်နေသော အာရုံကြောများနှင့် ခါးရိုးအတွင်းရှိ ပင်မ အာရုံကြောမကြီး တွင် နာကျင်မှုများ ဖြစ်ပေါ်လာမှုကို လျှော့ချပေးကြောင်း သိရသည်။ သုတေသနအဖွဲ့ ခေါင်းဆောင် ပရော်ဖက်ဆာ ရောဘတ်မော့ က သီအိုရီ သဘောအရ ကဖိန်းဓာတ်သည် ခန္ဓာ ကိုယ်အလေးချိန် လျော့ကျမှုနှင့် လူတဦး၏ ကိုယ်လက် လှုပ်ရှားမှု စွမ်းဆောင်ရည် တိုးပွားစေမှု တို့ကို ပေါ်ပေါက် စေနိုင်ကြောင်း ရှင်းပြသွားသည်။

အသားအရေအကြောင်း သင်မသိသေးသော အချက် ၆ ချက်

အသားအရေ ထိန်းသိမ်းမှုကို အလေးပေး လုပ်ဆောင်တာက သဘာဝအလှကို ပိုမိုကြည့်ကောင်းအောင်

ပံ့ပိုးပေးရာ ရောက်ပါတယ်။ အပြင်ထွက်ခါနီး မျက်နှာကို ဘာမှ မလိမ်းခြယ်ခင် မှဲ့တွေကို

စစ်ဆေးတာကိုလုပ်ပြီး အရေပြား အပြောင်းအလဲကို ဆန်းစစ်ပေးတာ၊ နေကာခရင်မ် လိမ်းတာစတဲ့

ကောင်းမွန်တဲ့ အသားအရေ ထိန်းသိမ်းနည်းတွေကို သိထားသင့်တဲ့အပြင် သင့်အသားအရေနဲ့

ပတ်သက်ပြီး အံ့အားသင့်စရာကောင်းတဲ့ အချက် ခြောက်ချက်ကိုလည်း သိထားသင့်ပါတယ်။

အရေပြားက အခြေခံကျန်းမာရေးကို သဲလွန်စပေးနိုင်ပါတယ် တစ်ခါတစ်ရံ အရေပြား အပြောင်းအလဲဟာ အခြေခံကျန်းမာရေး အခြေအနေကို ပြသတဲ့ သတိပေး လက္ခဏာတစ်ရပ် ဖြစ်နိုင်ပါတယ်။ ဥပမာပြောရရင် သိုင်းရွိုက်ဂလင်းက ထုတ်တဲ့ ဟော်မုန်းတွေဟာ

အရေပြားနဲ့ ဆံပင်တွေကို ကာကွယ်ပေးတဲ့ သဘာဝအဆီတွေနဲ့ တိုက်ရိုက် ဆက်နွှယ်မှု ရှိပါတယ်။

ဒါကြောင့် သိုင်းရွိုက် ဟော်မုန်းအထွက်များတဲ့ အခြေအနေ (Hyperthyroidism) ဟာ အရေပြား

အပေါ်ယံလွှာ (Epidermis) ကို ထူထဲစေပြီး အရေပြားကို ပျော့ပျောင်းစေနိုင်ပါတယ်။ သိုင်းရွိုက်

ဟော်မုန်းအထွက်နည်းတဲ့ အခြေအနေ (Hypothyroidism) ဖြစ်ရင်တော့ အရေပြား ခြောက်သွေ့

စေနိုင်ကာ လက်ဖဝါး၊ ခြေဖဝါးအရေပြားတွေ ထူထဲနေတတ်ပါတယ်။ အရေပြားဟာ တခြားကျန်းမာရေး

အခြေအနေတွေကိုလည်း ပြသနိုင်ပါသေးတယ်။ လည်ပင်းအရေပြား ညိုမည်းပြီး ထိတွေ့မှု

အပြောင်းအလဲဖြစ်တဲ့ Acanthosis nigricans ဟာ ဆီးချိုသွေးချိုရောဂါနဲ့ ဆက်စပ်မှု ရှိနေနိုင်ပါတယ်။

ဘယ်လို အသားအရောင်ပဲ ရှိရှိ၊ အရေပြားပေါ်မှာ တူညီတဲ့ ရောင်ခြယ် ပစ္စည်းရှိပါတယ်

လူတွေအားလုံးရဲ့ အသားအရေပေါ်မှာ မယ်လနင်ဆိုတဲ့ အရောင်ဖြစ်စေတဲ့ ရောင်ခြယ်ပစ္စည်း

ရှိနေပါတယ်။ လူမျိုး မတူတာကြောင့် ရောင်ခြယ်ပစ္စည်း ပမာဏပဲ ကွဲပြားပြီး အသားအရောင် မတူတာမျိုး

ဖြစ်နိုင်ပါတယ်။ မယ်လနင် ဖြစ်စေတဲ့ မယ်လနိုဆိုက်ဆဲလ် အရေအတွက်ကတော့ အတူတူပဲ

ရှိနေတတ်ပါတယ်လို့ အရေပြားအထူးကု အာနိုးအော့ပန်က ဆိုပါတယ်။ ဒါပေမဲ့ မယ်လနင်ပါတဲ့

မယ်လနိုဆုမ်း မတူတာကြောင့် အရေပြားအရောင် အပြောင်းအလဲ ဖြစ်ရတာပါ။

အသက်ကြီးလာတဲ့အခါ အရေပြားဆဲလ်တွေက နှေးကွေးစွာ အသစ်လဲတယ်

ကလေးတွေက ပင်ကိုအားဖြင့် နှင်းဆီရောင် အသားအရေကို ပိုင်ဆိုင်တယ်ဆိုတာ သိပါရဲ့လား။ လူတွေရဲ့

အသားအရေတွေက ဆဲလ်သစ်တွေ ထွက်ပြီး ဆဲလ်သစ်တွေက အရေပြား မျက်နှာပြင်ဆီ တဖြည်းဖြည်း

ရောက်ရှိကာ အသစ်လဲလှယ်ပါတယ်။ ငယ်ရွယ်တဲ့ လူတွေရဲ့ အရေပြားမှာ ဆဲလ်သစ်တွေ

အသစ်ထွက်နှုန်း များပါတယ်။ ကလေးတွေမှာဆိုရင် နှစ်ပတ်- သုံးပတ်ကြာတိုင်း ဆဲလ်သစ်တွေ

လဲလှယ်တာကြောင့် တောက်ပကြည်လင်တဲ့ အသားအရေကို ရရှိစေတာပါ။ အသက်ကြီးလာတဲ့အခါ

အရေပြားဆဲလ် အသစ်ဖြစ်ပေါ်နှုန်းက နှေးလာပါတယ်။

ဆဲလ်သေတွေက အရေပြား မျက်နှာပြင်ပေါ် စုပုံနေလေလေ နွမ်းနယ်ပြီး ရေဓာတ်ခန်းခြောက်နေတဲ့

အသွင်ဖြစ်လေလေပါပဲ။ နေရောင်ခြည်နဲ့ တိုက်ရိုက် ထိတွေ့မှုကြောင့် အရေပြားဆဲလ် အသစ်လဲနှုန်း

နှေးသွားပါတယ်။ အကြောင်းကတော့ ခရမ်းလွန်ရောင်ခြည်က ဆဲလ်ဖြစ်ပျက်နှုန်းကို လျော့ကျစေလို့ပါ။

ဒါကြောင့် အသက်ကြီးချိန်မှာ ဆဲလ်အသစ်လဲလှယ်နှုန်း အားကောင်းအောင် ဗီတာမင်၊ ရက်တီးနွိုက်တို့ပါတဲ့

အင်တီအောက်ဆီးဒင့် ခရင်မ်ကိုလိမ်းဖို့နဲ့ ကြေးချွတ်သန့်စင်ဖို့ လိုအပ်ကြောင်း အရေပြား အထူးဆရာဝန်

ဖရန်စီစကာက ဆိုပါတယ်။

အကြောပြတ်ရာတွေကို အတိုင်းအတာ တစ်ခုအထိ ကာကွယ်ထားနိုင်တယ်

ကိုယ်ဝန်ဆောင်ရတာ၊ ကိုယ်အလေးချိန် အတက်အကျ ဖြစ်တာနဲ့ ဆယ်ကျော်သက် ကြီးထွားနှုန်း

မြန်တာတွေ အားလုံးက အကြောပြတ်ရာတွေကို ဖြစ်စေတဲ့ အချက်တွေပဲ ဖြစ်ပါတယ်။ အကြောပြတ်ရာက

ပေါင်၊ တင်ပါးနဲ့ ဝမ်းဗိုက်တို့မှာ အဓိက ဖြစ်တတ်ပါတယ်။ ကော်လာဂျင်နဲ့ အီလက်စတင်တို့

အားနည်းတာကြောင့် အရောင်ဖျော့တဲ့ အရေပြားမှာ အနီနဲ့ ခရမ်းရောင် အကြောပြတ်ရာတွေ

ပေါ်ရတာပါ။ အကြောပြတ်ရာတွေ မဖြစ်အာင် ရက်တီးနွိုက် ခရင်မ်လိမ်းပေးပါ။ ဒါကဆဲလ်အသစ်

ဖြစ်ပေါ်မှုနဲ့ အရေပြား အသစ်ဖြစ်ပေါ်မှုကို အားပေးပါတယ်။ အရင်က ဖြစ်ဖူးတဲ့ အကြောပြတ်ရာတွေ

လျော့ပါးအောင် လေဆာနည်းနဲ့ ကုသပေးနိုင်ပါတယ်။

အရေပြားအဆီပြန်မှုဟာ အဲဒီနေရာမှာ ပေါက်တဲ့ အမွေးအမျိုးအစားကို ညွှန်ပြ ပေးနိုင်ပါတယ်

အရေပြားနဲ့ အမွေးအမှင်က ဆက်စပ်မှု ရှိပါတယ်။ အဆီဂလင်းဟာ ဆံချည်မျှင်အိတ် နေရာမှာ

ရှိတာကြောင့် စိုပြည်စေပါတယ်။ “ကြီးမားတဲ့ အဆီဂလင်းတွေ ရှိတဲ့နေရာမှ အဆီတွေပိုထွက်စေပြီး

အမွေးတွေ ကျဲပါးနေတတ်ပါတယ်၊ အဆီဂလင်း သေးငယ်တဲ့နေရာမှ အဆီထွက်နှုန်း နည်းပြီး အမွေးတွေ

ထူထဲနေတတ်ပါတယ်” လို့ အရေပြားအထူးကု ဒေါက်တာအော်ဖန်က ဆိုပါတယ်။ မျက်နှာရဲ့

အလယ်နေရာ (T Zone) မှာ နေရာမှာ အဆီပြန်တဲ့ အသားအရေရှိတာက အဲဒီနေရာမှာ ကြီးမားတဲ့

အဆီဂလင်းရှိနေလို့ပါ။ ဒါကြောင့် မုတ်ဆိတ်နဲ့ ပါးသိုင်းမွေးထူတဲ့ အမျိုးသားတွေတောင်

မျက်နှာအလယ်ပိုင်းမှာ အမွေးမပေါက်ကြပါဘူး။ အစွန်အဖျားနေရာတွေမှာ အရေပြား ခြောက်သွေ့

နေတာက သေးငယ်တဲ့ အဆီဂလင်း ရှိနေလို့ပါ။

သက်ကြီး အစက်ပြောက်တွေကိုနေရောင်ကြောင့်ဖြစ်တဲ့ အစက်တွေလို့ခေါ်သင့်ပါတယ်

အသက်ကြီးချိန်မှာ ထွက်တဲ့ မျက်နှာပေါ်က အညိုရောင်အစက်တွေဟာ နေရောင်ခြည်ဒဏ်ကို

နှစ်ပေါင်းများစွာ ခံရတာကြောင့် ဖြစ်ရတာပါ။ “သက်ကြီး အစက်အပြောက်ဆိုတာ ခရမ်းလွန်ရောင်ခြည်

ထိတွေ့မှုကြောင့် ဖြစ်ရတဲ့ ထိခိုက်မှုတစ်ခုပါပဲ” လို့ ဒေါက်တာဖူဆိုက ရှင်းပြပါတယ်။

ရောင်ခြယ်ဆဲလ်တွေက အရေပြား အပေါ်ယံလွှာမှာ စုပုံနေတာကြောင့် အညိုစက်တွေ ပေါ်လာရတာပါ။

သက်ကြီး အစက်အပြောက်တွေ မဖြစ်အောင် ကာကွယ်ဖို့ နံနက်တိုင်း နေရောင်ကာ ခရင်မ်လိမ်းပါ။

နေပူထဲမှာ ကြာကြာမနေသင့်ပါ။ “ သင်သုံးတဲ့ SPF က ၃၀ ဆိုရင် ခရမ်းလွန်ရောင်ခြည် အေရော ဘီကိုပါ

ကာကွယ်ပေးနိုင်ပါတယ်”လို့ ဒေါက်တာဖူဆိုက အကြံပေးထားပါတယ်။

ဇွန်ခိုင်ဦး (ဆေးဝါးတက္ကသိုလ်)

Ref: Good Health http://news.yatanarpon.com.mm/cp/goodhealth/article-51704

♥♥ရေးသားချိန်♥♥ 6:38 AM ♥♥ရေးသူ♥♥ ကိုဦး

အသည်းကျွတ်ရောဂါ ကုသပျောက်ကင်းနိုင်သော ဆေးနည်းတစ်မျိုးအား ဖော်ထုတ်တင်ပြခြင်း

ရည်ရွယ်ချက်

ပိုမို ကောင်းမွန် ထက်မြက်သော အသည်း ဆေးများ ဖော်ထုတ် အသုံးပြု ကုသနိုင်ရန် ရှေးကျမ်းများ ထဲတွင် အစွမ်းထက် ဆေးနည်းများ ရှာဖွေ ဖော်ထုတ် အသုံးပြု နိုင်ကြရန်နှင့် ဆက်လက် သုတေသန ပြုနိုင်ကြရန် ရည်ရွယ် ပါသည်။

နိဒါန်း

အသည်းကျွတ် ရောဂါသည် အသည်း ဆဲများ သေဆုံးခြင်း၊ ဒဏ်ရာရခြင်း တုန့်ပြန် အမျှင် တစ်သျှူး အတန်းများ ဖြာယှက်၍ အကြားတွင် ပြန်လည် တိုးပွား လာသော ဆဲလ် (cells) များဖြင့် တည်ဆောက်သော အခြေအနေ၊ အသည်းသည် ဝါညိုရောင်ဖြစ်လာ၍ အဖု အကြိတ် ထွက်သော အခြေအနေ ဖြစ်ပါသည်။ ဖြစ်စေသော အကြောင်းအရင်းများမှာ အရက်စွဲခြင်း Alcoholic Cirrhosis, ဗိုင်းရပ် (စ်) Viruses ပိုးများ ကြောင့် လည်းကောင်း၊ သည်းခြေ ပြွန်ဆုံ နာတာရှည် ပိတ်ဆို့ခြင်း Secondary biliary Cirrhosis, Auto immune ရောဂါ Chronic Aggressive hepatitis, primary billary cirrhosis နာတာရှည် နှလုံး အားနည်း ရောဂါများ Cardiac Cirrhosis ဟူ၍ ဖြစ်သည်။ အသည်းကျွတ် လူနာ တစ်ဝက်ခန့်တွင် အကြောင်း အရင်း မတွေ့ပါဟု အနောက်တိုင်းမှ ဆိုပါသည်။အသည်းကျွတ် ရောဂါသည် ကုသရန် ခက်ခဲပြီး အသက် အန္တရာယ် ပေးစေနိုင်သော ရောဂါဖြစ် ပါသည်။ ဖြစ်လာလျှင် လုံးဝ ပြန်လည် ကောင်းမွန်အောင် ကုသနိုင်သော အစွမ်းထက် ဆေးများ ရှားပါးလှပါသည်။ ထိုသို့ ရှားပါး လှသော အသည်းကျွတ် ရောဂါ ကုသနိုင်ရန် ဆေးများသည် ရှေးဟောင်း ဆေးကျမ်းများ တွင် ရှာဖွေ တွေ့ရှိ နိုင်ကြောင်း မသိရှိ ကြသော ကြောင့် လည်းကောင်း ရှာဖွေရန် အခက်အခဲ အမျိုးမျိုး ကြောင့် လည်းကောင်း၊ အသည်းကျွတ် ရောဂါ အတွက် ဆေးများ ရှားပါး နေခြင်း ဖြစ်သည်။ ကျွန်တော် ကိုယ်တိုင် ရောဂါ ခံစားခဲ့သော လူနာအဖြစ် ဆိုးဝါး ပြင်းထန်စွာ ခံစားခဲ့ရပြီး ‘သာရကောမုဒိ’ ကျမ်းလာ အသည်းဆေး တစ်မျိုးအား ဖော်စပ် သောက်သုံးခဲ့ခြင်းဖြင့် ပကတိ အတိုင်း ပြန်လည် ကျန်းမာ လာခဲ့ပါသည်။ထို့ကြောင့်ခိုင်မာသော ကျမ်းဝင်ဆေးဝါးလည်းဖြစ် ကျွန်တော်ကိုယ်တိုင် ပျောက်ကင်းခဲ့သော ဆေးဝါး ဖြစ်သောကြောင့် တိုင်းရင်း ဆေး ပညာရှင်များ အနေဖြင့် အသုံးပြုနိုင်ရန် မျှဝေလိုသော စိတ်စေတနာဖြင့် ဤစာတန်းကို ရေးသားအပ်ပါသည်။ကျွန်တော် အလုပ်သင် တာဝန် ရန်ကုန်(၆)လ နောက်ဆုံး လတွင် ရောဂါ လက္ခဏာများ စတင် ခံစားရပါ သည်။

အသည်းကျွတ် ရောဂါ လက္ခဏာများ

-ဆီးနီခြင်း၊ နဲခြင်း၊ မျက်လုံးနှင့် လျှာအနည်းငယ်ဝါခြင်း

-ဝမ်းချုပ်ခြင်း

-ခန္ဓာကိုယ် လေးလံ ထိုင်းမှိုင်းခြင်း၊ အိပ်ချင်ခြင်း၊ မထလိုခြင်း

-ရောဂါဖြစ်စတွင် ခန္ဓာကိုယ်တွင်း ပူလောင်ခြင်း၊ အပေါ်ပိုင်း ချွေးထွက်များခြင်း

-အသည်းထိပ် နေရာများ နာကျင်ခြင်း၊ လမ်းလျှောက်ရန် ခက်ခဲခြင်း

-အစာအိမ်နှင့် အသည်း ထိစပ်သော နေရာတွင်ဖုနေခြင်း

-ပူသောအစာ ငရုတ်သီး၊ အရက်၊ လက်လုပ်ချဉ်များ စားလျှင်ရောဂါတိုးခြင်း

-အသည်းနာကျင်မှု ပိုလာသောအခါ ချွေးမထွက် နိုင်ခြင်း၊ ကိုယ်သား ကိုယ်ရေနွေးခြင်း

-ခန္ဓာကိုယ်အတွင်းပိုင်းတွင် နီညိုရောင် အစက်အပျောက်များ ထင်ခြင်း

စသည့် လက္ခဏာများ ခံစားရပါသည်။ ထို့ကြောင့် အသည်းဆေးချက် ဆေးအမှတ် - ၆၊၁၊၂၁ ဆေးများ သောက်ပါသည်။ (၅) ရက်ဝေဒနာ လျော့ခြင်းမရှိ၍ ဆရာကြီး ဦးကျော်စိန်ထံ သွားရောက် မေးပါသည်။ ဆရာကြီးမှ Glucose တစ်ထုတ်ဝါဠုက ရွှေပြာ(၂)ပဲသား ရောစပ်၍ ကော်ဖီဇွန်းနှင့် မနက်၊ နေ့၊ ည တစ်နေ့ (၃) ကြိမ်သောက်ခိုင်းပါသည်။ ကျွန်တော် သောက်ပါသည်။ သက်သာပါသည်။ (၁၅)ရက်ခန့်သောက်လိုက်သည်။ အတော်သက်သာပါသည်။

အလုပ်သင်ပြီး ရန်ကုန်မှ အပြန် မန္တလေးတွင် Rum နှစ်ပတ် သောက်မိ ပါသည်။ နောက်နေ့တွင် လုံးဝ လမ်းမလျှောက် နိုင်သည် အထိ နာကျင်မှု ခံစားရပါသည်။ အနောက်တိုင်း ဆေးနှင့် ကုသခံယူ၍ ပြသခဲ့ပါ သည်။ Cirrhosis of Liver ဟု အဖြေထွက် ပါသည်။ ထိုအဖြေ ထွက်လျှင် (၆)လခန့်သာ အသက်ရှင် နိုင်ကြောင်း ပညာရှင်များ ခန့်မှန်းကြပါသည်။ ဆရာညွှန်ကြားသော ဆေးထဲတွင် ဆေးအမှတ် (၉)ကဲ့သို့ တိုင်းရင်းဆေး တစ်မျိုးပါ ပေးပါသည်။ တိုင်းရင်း ဆေးဖြင့် ကုသသင့် ကြောင်းလည်း ပြောပါသည်။ကျွန်တော်သေလျှင် အိမ်ပြန်သေတာ ကောင်းမည်ဟုစဉ်းစား၍ တောင်သာမြို့သို့ပြန်ပါသည်။ ဖခင်မှ တိုင်းရင်းဆေးများဖြင့် ကုသပေးပါသည်။ သက်သာမှု မရှိပါ။ အမ ဝမ်းကွဲ (သူနာပြု)မှ “ငါ့မောင် မသက်သာလျှင် ဆေးရုံတက် ကုကြည့်ပါ” ဟုဆို၍ တောင်သာဆေးရုံတွင် (၁)လခွဲခန့် ကုသမှု ခံယူခဲ့ပါသည်။ ထိုအချိန်တွင် ဆရာဝန်ကြီး Inosea သို့မဟုတ် Tiotan ပုလင်းကြီးတွင် ရောစပ်၍ တစ်နေ့တစ်လုံး Drip ချိတ်ပေးပါသည်။ Gurosan နံနက်/နေ့/ည (၅)လုံး (၃)ကြိမ် သောက်ခဲ့ ရပါသည်။ နေ့စဉ်ဆေးသွင်း နေမှ သက်သာပါသည်။ ဆေးရပ် လိုက်လျှင် ပြန်နာ လာပါသည်။ ထို့ကြောင့် (၁)လခွဲ အကြာတွင် ဆေးရုံမှ သက်သာချင် ဟန်ဆောင်၍ ဆင်းခဲ့ပါသည်။ အိမ်တွင် အမမှ ဆေးချိတ် ပေးပါသည်။ ကျွန်တော် တိုင်းရင်းဆေးဖြင့် ကုသရန် ဆေးရှာဖို့ လိုပြီဟု ယူဆ၍ ဖခင် ဝယ်ထားသော ဆေးကျမ်း များအား ရှာဖွေ ခဲ့ပါသည်။

သာရကောမုဒိ ဆေးကျမ်းထဲမှ အသည်းနှလုံး၊ အဆုတ်ရောဂါများအတွက် ကုသရန် ဆေးနည်း (၈) မျိုး ထဲမှ ယခုတင်ပြသော ဆေးနည်းကို ရွေးချယ်လိုက်ပါသည်။ဆေးနည်းတွင် ကလောသီးအများဆုံး ပါဝင်နေသောကြောင့် ကျွန်တော့် ခံနိုင်ရည်ကြည့်၍ ကလောသီး တစ်ဆလျော့၍ ဖော်စပ်သောက်သုံး ကုသခဲ့ပါသည်။ အသည်းကျွတ်ရောဂါ အဇ္ဇုတ္တိက ပထဝီ ဖျက်ရန် ဆေးချက်-

နံနက်-ဆေးအမှတ် ၂၁ (၇)ပြား သံပုရာရည်

နေ့-သာရကောမုဒိ (အသည်းဆေး) (၅)လုံး သံပုရာရည်

ညနေ-ဆေးအမှတ် ၁(၅)ပြား သံပုရာရည်

ည-ဆေးအမှတ် ၁၂ - ကနခို အခိုးသတ် (၃)ပြား ရေအေး

ဆေးသုံးပတ် သောက်ပြီးသောအခါ လျှာလုံးဝမဝါတော့ပါ သွားလာလှုပ်ရှားသော်လည်း အောင့်ခြင်း၊ နာခြင်း မရှိတော့ပါ။ လေးပတ်သောက်ပြီး ပကတိကောင်းမွန်သော အနေအထားသို့ ရောက်ပါသည်။ ကျွန်တော်ဆေးကို (၆)လဆက်သောက်ခဲ့ပါသည်။

ထိုဆေးချက်အတိုင်း အခြားအသည်းရောင် အသားဝါလူနာများအား ကုသကြည့်ရာ (၃)ရက်မှ (၇) ရက် အတွင်း သက်သာ ပျောက်ကင်းကြောင်း တွေ့ရပါသည်။“သာရကောမုဒိ အသည်းဆေးနည်းမှာ” –

(၁) အိပ်မွေ့သီး

(၂) ပန်းနု

(၃) ဆားငါးပါး

(၄) ပင်လယ်ရေမြှပ်

(၅) ကြစုသီး

(၆) ထန်းနို့ပြာ

(၇) ကျောက်ဖရုံသီး

(၈) တြိကဋုတ်

(၉) ရှိန်းခို

(၁၀) ကန့်ချုပ်မြစ်

(၁၁) စစ်သိမ်မြစ်

(၁၂) စမုန်နက်

(၁၃) လက္ချား

(၁၄) ဇဝက်သာ

(၁၅) စစ်သိမ်၊ ငှက်ပျော၊ ပေါက် လက်ပံ၊ မုန်လာ၊ ချင်း၊ ကန့်ချုပ်၊ ဖုန်သောပြာ

(၁၆) မန်ကျည်းသီး

ဤဆေး ၂၃ မျိုး ၁ ကျပ်သားစီ ဖော်ပါသည်။ တင်လဲ ၂၃ိ/- ကျပ် ကလောသီး ၂၃ိ/- ကျပ် နယ်၍ ရွေးကြီးလုံးခန့်လုံး၍ သုံးစွဲခဲ့ပါသည်။ ကျွန်တော် ယခုကဲ့သို့ အသက်ရှင် ရပ်တည်နိုင်ခဲ့၍ တိုင်းရင်းဆေး အပေါ် ပိုမိုယုံကြည်ခဲ့ ပျော်ရွှင်ဝမ်းမြောက် ဂုဏ်ယူ ခဲ့ရပါသည်။

နိဂုံး

ကျွန်တော် ကိုယ်တိုင် ကုသ၍ ပျောက်ကင်းသော အသည်း ဆေးနည်းအား အများ ပြည်သူများ အသုံးပြုနိုင်ရန် ရှေးဟောင်း ကျမ်းများမှ အနှစ်သာရရှိ အစွမ်းထက်ဆေးနည်းများ ဖော်ထုတ်အသုံးပြုနိုင်ကြရန် ဤစာတမ်းကို ရေးသား ရပါသည်။ဤစာတမ်း ရေးသား ဖတ်ကြားခွင့် ပြုသော တိုင်းရင်းဆေး တက္ကသိုလ် ပါမောက္ခချုပ်နှင့် MEU အဖွဲ့အား လည်းကောင်း၊ ရေးသားရန် တိုက်တွန်းပေးပါသော မြန်မာ့တိုင်းရင်းဆေးဆရာအသင်း ဥက္ကဠနှင့် အမှုဆောင်များ အား လည်းကောင်း အထူး ကျေးဇူး တင်ရှိပါ ကြောင်း နိဂုံးချုပ် တင်ပြအပ်ပါသည်။ ဦးစံလှဘော်၊ မြို့နယ်တိုင်းရင်းဆေးမှူး၊ ချမ်းအေးသာစံမြို့နယ်၊ မန္တလေးမြို့။

အဆိပ်အတောက်များကို ကင်းစင်စေမည့် အစားအသောက်များ

ခန္ဓာကိုယ်တွင်းရှိ အဆိပ်အတောက်တွေ ကင်းဝေးစေဖို့ လေ့ကျင့်ခန်း လုပ်တာ၊ အရက်ကို ရှောင်တာ၊ အခွံချွတ်ထားတဲ့ သကြားဖြူတွေကို မစားတာနဲ့ ကျန်းမာရေးနဲ့ ညီညွတ်တဲ့ အစာတွေစားတာ စတဲ့ နည်းလမ်းတွေကို လိုက်နာသင့်ပါတယ်။ ဒီလိုနည်းလမ်းတွေ အပြင် ကိုယ်တွင်း သဘာဝကျကျ သန့်စင်စေတဲ့ အစွမ်းရရှိစေဖို့ အောက်ပါ အစားအသောက်တွေကို သင်စားတဲ့ အစာထဲ ထည့်စားပေးသင့်ပါတယ်။

(၁) တောင်ကြာကလေးရွက်

တောင်ကြာကလေးရွက်ဟာ သင့်ခန္ဓာကိုယ်တွင်းရှိ ဆဲလ်တွေထဲက မကောင်းတဲ့ ဖရီးရယ်ဒီကယ်လ်တွေကို ကင်းဝေးစေပြီး အသည်းထဲရှိ သန့်စင်ပေးတဲ့ အင်ဇိုင်းတွေကို စွမ်းအားဖြည့်ပေးပါတယ်။ ဒါ့အပြင် သဘာဝ ဆီးသွားစေတဲ့ အာနိသင် ရှိပါတယ်။

 

 (၂) သံပရာရည်

သံပရာရည်မှာ ဗီတာမင်စီများစွာ ပါဝင်တာကြောင့် ခန္ဓာကိုယ်မှ အဆိပ်တွေကို ချေဖျက်ပေးနိုင်စွမ်းရှိကာ အဆီတွေကို လောင်ကျွမ်းစေပါတယ်။ နံနက်တိုင်း သံပရာရည်ကို သောက်ပေးရင် အစာကြေညက်စေတယ်လို့ ဒေါက်တာဖရန့်က ဆိုပါတယ်။

(၃) အစိမ်းရင့် ဟင်းသီးဟင်းရွက်များ

သင်စားတဲ့ အစာထဲ အစိမ်းရင့်ရောင် ဟင်းသီးဟင်းရွက်တွေ ထည့်စားပါ။ စားသင့်တဲ့နည်းက အစိမ်းရောင် ဟင်းသီးဟင်းရွက်တွေကို ပြုတ်ပြီး သံလွင်ဆီဆမ်းကာ စားပေးရမှာ ဖြစ်ပါတယ်။ အစိမ်းရင့်ရောင် ဟင်းသီးဟင်းရွက်တွေက အစာခြေလမ်းကြောင်းထဲမှာ ကလိုရိုဖီးလ် ပမာဏကို တိုးစေပြီး မီးခိုးနဲ့ ပိုးသတ်ဆေးတွေလို ပတ်ဝန်းကျင် အဆိပ်တွေကို ခန္ဓာကိုယ်ထဲမှ ထွက်ရှိစေပါတယ်။

(၄) လတ်ဆတ်သော သစ်သီး

သင်ဗိုက်ဆာနေရင် စားသင့်တာကတော့ သစ်သီးပါပဲ။ ဗီတာမင်၊ အင်တီအောက်ဆီးဒင့်၊ အမျှင်ဓာတ်စတဲ့ အာဟာရဓာတ်တွေ အပြည့်အဝ ပါဝင်နေတာကြောင့် သစ်သီးတွေကို စားပေးရင် ခန္ဓာကိုယ်ထဲမှ အဆိပ်တွေ ပြေစေပါတယ်။

(၅) ဂေါ်ဖီထုပ်

ဂေါ်ဖီထုပ်မှာ အသည်းထဲက အဆိပ်တွေကို သန့်စင်စေတဲ့ အစွမ်းသတ္တိတွေ ပါဝင်နေပါတယ်။

(၆) မုန်လာဥ (Beet)

သည်းခြေအိတ် ပြဿနာရှိနေတဲ့ သူတွေကို မုန်လာဥ (Beet) များများစားဖို့ လိုအပ်တယ်လို့ ဆရာဝန်တွေက ဆိုပါတယ်။ မုန်လာဥထဲမှာပါတဲ့ အမျှင်ဓာတ်ဟာ အင်တီအောက်ဆီးဒင့်အင်ဇိုင်း ထုတ်လုပ်မှုကို တိုးစေတာကြောင့် အသည်းနဲ့ သည်းခြေအိတ်ထဲမှ ခန္ဓာကိုယ်အတွက် အဆိပ်ဖြစ်စေတဲ့ အရာတွေကို ထွက်သွားစေပါတယ်။

(၇) ချင်းနှင့် ကြက်သွန်ဖြူ

ချင်းနဲ့ ကြက်သွန်ဖြူတွေက အသည်းကျန်းမာရေးအတွက် ကောင်းတဲ့အစာတွေ ဖြစ်ပါတယ်။ အကြောင်းကတော့ အဲဒီအစာတွေဟာ ခန္ဓာကိုယ်ထဲမှာ စုပုံနေတဲ့ ဖရီးရယ်ဒီကယ်တွေကို ဖယ်ရှားပေးနိုင်တာကြောင့်ပါ။

(၈) အခွံချွတ်မထားသော ကောက်နှံစာ

အခွံချွတ်မထားတဲ့ ကောက်နှံစာကို ရွေးစားပါက အာဟာရဓာတ်နဲ့ အင်တီအောက်ဆီးဒင့်တို့ အပြည့်အဝ ပါဝင်တဲ့အပြင် မပျော်ဝင်နိုင်တဲ့ အမျှင်ဓာတ်လည်း ပါဝင်တဲ့အတွက် ဗိုက်ပြည့်စေပါတယ်။ သင့်ခန္ဓာကိုယ်ထဲက အဆိပ်တွေကို ထွက်စေနိုင်တဲ့အပြင် လေပွတာနဲ့ ဝမ်းချုပ်တာကိုလည်း မဖြစ်စေနိုင်ပါဘူး။

(၉) လက်ဖက်စိမ်း လက်ဖက်ရည်

အခုအချိန်မှာ အရည်တွေ အများကြီးကို မသောက်ချင်ဘူးဆိုရင်တောင် လက်ဖက်စိမ်း (Green Tea) တစ်ခွက်လောက်တော့ သောက်သင့်ပါတယ်။ လက်ဖက်စိမ်း လက်ဖက်ရည်မှာ ဖလေဗိုးနွိုက်ကတ်တီချင် ပါဝင်တာကြောင့် အသည်းရဲ့ လုပ်ငန်းဆောင်တာတွေကို အားကောင်းစေပြီး အဆိပ်ချေဖျက်ပေးတဲ့ အင်ဇိုင်းတွေရဲ့ ထွက်နှုန်းကို တိုးစေပါတယ်။

ကြယ်စင်

Ref: Good Health

Source: http://www.yatanarpon.com.mm/cp/goodhealth/news-55018

shared by>>>http://natureenergycare.blogspot.com/2013/01/blog-post_4.html

♥♥ရေးသားချိန်♥♥ 8:21 AM ♥♥ရေးသူ♥♥ ကိုဦး

အစာမရှိသော အစာအိမ်အတွက် ရေသောက်ပေးပါ

မနက်အိပ်ရာ နိုးထပြီးချိန်တွင် ချက်ချင်း ရေသောက်ခြင်းသည် ဂျပန်နိုင်ငံရှိ ပြည်သူများစွာအတွက် နေ့စဉ် ပြုမူ လုပ်ဆောင်နေတဲ့ အရေးပါသော ကျန်းမာရေး လုပ်ဆောင်မှုလေး ဖြစ်တယ်လို့ သိရပါတယ်။ ထို့အပြင် သိပ္ပံပညာရှင်များ သုတေသနပြုချက်အရ ၎င်းဟာ အလွန်အရေးပါပြီး ကောင်းကျိုးများစွာ ဖြစ်စေတယ် ဆိုတာကိုလည်း တွေ့ရှိခဲ့ပါတယ်။

နံနက်ခင်း ရေသောက် ပေးခြင်းအားဖြင့် သင့်ရဲ့ တစ်ညတာ ပင်ပန်းတစ်ကြီး လှုပ်ရှား ခဲ့ရတဲ့ အစာအိမ်အတွက် များစွာ အကျိုးရှိစေမှာ ဖြစ်ပါတယ်။ ဒါ့အပြင် တစ်နေ့တာအတွက် အဆင်မပြေမှုများ၊ စိတ်သောကများ အတွက်ပါ ရေရဲ့ အစွမ်းကြောင့် လန်းဆန်း သွားစေနိုင်ပါတယ်။

ဒါကို ဂျပန်ဆေးပညာရှင် တွေက ၉၆ ပါး ရောဂါနှင့် များစွာသော အောက် ဖော်ပြပါ ရောဂါများအတွက် အလွန်ပင် အစွမ်းထက်တဲ့ နည်းလမ်း တစ်ခု ဖြစ်ကြောင်း တွေ့ရှိခဲ့တာပါ။

ခေါင်းကိုက်ခြင်း၊ ခန္ဓာကိုယ် ပင်ပန်းနွမ်းနယ်ခြင်း၊ အဆစ်မြစ်ရောင်ရောဂါ ဖြစ်ခြင်း၊ နှလုံးတုန်ခြင်း၊ ဝက်ရူးပြန်ရောဂါ ဖြစ်ခြင်း၊ အသဲ အဆီဖုံးခြင်း၊ လည်ချောင်းနာ ဖြစ်ခြင်း၊ ပန်းနာရင်ကျပ် ဖြစ်ခြင်း၊ တီဘီ၊ ဦးနှောက် အမြှေးရောင်ရောဂါ၊ ကျောက်ကပ်ရောဂါ၊ ဝမ်းလျှောဝမ်းပျက်ခြင်း၊ လိပ်ခေါင်းရောဂါ၊ ဝမ်းချုပ်ခြင်း၊ မျက်စိနာခြင်း၊ ကင်ဆာနှင့် ရောဂါ များစွာအတွက် ရေကို နည်းလမ်းတကျ နံနက်တိုင်း သောက်သုံးခြင်းအားဖြင့် ရောဂါများစွာကို ကြိုတင်ကာကွယ်ပြီး ဖြစ်မှာပါ။

လုပ်ဆောင်ရမယ့် နည်းလမ်းကတော့ -

၁။ မနက်အိပ်ရာထပြီး သွားမတိုက်ခင် ၁၆၀ မီလီမီတာရှိ ဖန်ခွက်ဖြင့် ရေ ၄ ခွက် သောက်ပါ။

၂။ ထို့နောက် သွားတိုက်၊ မျက်နှာသစ်ပြီးပါက ၄၅ မိနစ်အတွင်း မည်သည့်အရာမှ စားခြင်း၊ သောက်ခြင်း မပြုပါနှင့်။ ၄၅ မိနစ်ပြည့်ပြီးမှ ပုံမှန်အတိုင်း စားသုံးပါ။

၃။ နံနက်စာစားပြီး ၁၅ မိနစ်အတွင်း၊ နေ့လည်စာနှင့် ညစာစားပြီး ၂ နာရီအတွင်း အခြား အရာများ စားသောက်ခြင်း ရှောင်ပါ။

၃။ ညစာစားပြီး ၁ နာရီခွဲ အတွင်း ဒါမှမဟုတ် ၂ နာရီအတွင်း အိပ်စက်ခြင်း မပြုပါနှင့်။

အထက်ပါ လုပ်ဆောင်မှုတွေကို သင့်ရဲ့တစ်နေ့တာအတွက် ပုံမှန် လုပ်ဆောင် သွားပါက ဖျားနာခြင်း ကင်းဝေးပြီး ကျန်းမာတဲ့ ဘဝကို ပိုင်ဆိုင်နိုင်မှာ ဖြစ်ပါ တယ်။

ဒီအရာတွေကို လူတိုင်းရဲ့ဘဝမှာ ပြုလုပ်နိုင်ပါတယ် ..

လမင်းလေး

အစာအိမ်အောင့်ခြင်း နာခြင်း များအတွက် အစွမ်းထက် ဆန်ဆေးရည်

အစာအိမ်ရောဂါခံစားရသူများသည် အစားစာလောင်ခြင်း မဖြစ်စေရန်အတွက် စားစရာများကိုကိုယ့်နှင့်မကွ ဆောင်ထားကြသည်မှာများကြပါသည် …သင်သည် ယခုဆန်ဆေးရည်ကို နေ့စဉ်ပုံမှန်သောက်သုံးပါက အစားအစာဆောင်ရခြင်းနှင့် အစာအိမ်အောက်ခြင်း နာခြင်းများ မရှိတော့ပါ ။

ကျောင်းတက်စဉ်က သူငယ်ချင်းများနှင့် မိတ်ဆွေများထဲ့မှ အစာအိမ်ဖြစ်သောသူများကို ပြောပြပြီး သောက်ခိုင်းခဲ့လို့ အစာအိမ်သမား တော်တော်များများပျောက်ကင်းသက်သာခဲ့ပြီး ကောင်ညှင်းပေါင်းတောင် မစားရဲသူများတောင် စားလို့ရလာနိုင်သော ဆန်ဆေးရည်ဖြစ်ပါသည်…

အစာအိမ်သမားများအတွက် ဆန်ဆေးရည်ကို အောက်ပါအတိုင်းလုပ်ဆောင်သောက်သုံးလိုက်ပါ

မနက်အိပ်ယာထထခြင်း မနက်ဆန်ဆေးရည်ကို မက်ခွက်တခွက်လောက်ကို အမြဲသောက်ပေးပါ ..ရောဂါပေါ်မှုတည်ပြီး သောက်ပေးရပါမည် အချိန်ကိုတော့ လပိုင်းထိမနက်တိုင်းမနက်တိုင်းသောက်ပေးပါ

လုပ်ဆောင်နည်း .........

မနက်ထမင်းချက်ဖို့ဆန်ဆေးသည့်အခါ ပထမ ဆန်ဆေးရေကို အလျှင်အမြန်ဆေးပါ ပထမရေသည် ဆန်တွင်ပါဝင်သော သဲအမှုန့်များ ကို ဆေးကြောခြင်းဖြစ်ပါသည်

ဒုတိယအကြိမ်တွင်

ဆေးသောဆန်ဆေးရေကို လက်ဖြင့် ကျကျနန ပွတ်သက်ဆေးကြောပြီး ရရှိလာသော ဆန်ဆေးရေကို မနက်အိပ်ယာထထခြင်း မက်ခွက်ကြီး တခွက်စာ သောက်သုံးပေးပါက အစာအိမ်ဖြစ်သော သူများသည် မိမိဖြစ်နေသော ရောဂါဝေဒနာ ပျောက်ကင်းသွားပါလိမ့်သည် ။

Mg Mandalay

source >>>http://www.facebook.com/mg.mandalay?fref=ts

shared by>>>http://natureenergycare.blogspot.com/2013/01/blog-post_74.html#more

♥♥ရေးသားချိန်♥♥ 8:02 AM ♥♥ရေးသူ♥♥ ကိုဦး